Специјални костими: За или против?

[Ilumious]

1999 година:

Се` започна во 1999-тата година, кога челните луѓе на Адидас пројавија интерес да им се доближат на неприкосновените Спидо и Арена во производството на пливачка опрема, а тогашната ѕвезда во доаѓање, седумнаесетгодишниот Иан Торп им изгледаше како одлична можност. Му понудија договор доживотно да ги носи нивните пливачки костуми кои ќе ги прават специјално за него, ќе му ги подобрат резултатите и ќе му помогнат да се справи со конкуренцијата. Во Сиднеј 2000, го видовме во Акватик Центарот Иан Торп, како носи специјално направено одело за пливање, наречено Џет Концепт, a Адидас станаа прва фирма за спортска опрема која произведе целокупно одело за натпреварување.

Жолтите "исечоци", кои се протегаат на грбот и кај листовите на нозете се поставени со цел да допринесат за:

• намалени турбуленции
• намалено влечење на водата на грбот
• полесно движење низ водата

Не само што Торп секојдневно тестираше со тимот инженери на Адидас во базенот, туку беше приморан да влезе во воздушен тунел со што би се поправиле секакви недостатоци на оделото и би се подобрила хидродинамиката.

2008 година:


Конкуренцијата се засилува, битката за стотинки во базенот е зачудувачка. Губење на најмал дел од секундата би можело да значи и губење на светски рекорд или медал. На сцена стапи Спидо, со најновиот костим LZR Racer, по цена од $470.

На минатото светско првенство во пливање, од поставени нови 17 светски рекорди, 16 рекорди беа поставени од пливачи кои го носеа овој костим. Италијанската пливачка федерација го раскина договорот со германската фирма за пливачка опрема Арена и со тоа автоматски им даде дозвола на своите пливачи да ги користат новите костими на Спидо.
Ги гледам натпреварите на Олимпијадата и гледам дека 99 проценти од пливачите го употребуваат овој костим, што беше случај и на СП во Монтреал, кога скоро сите пливачи го носеа Џет Концепт на Иан Торп.
Секојдневно слушаме за нови соборени рекорди. Се прашуваме до каде е границата на човековите физички можности? Или на науката која допринесува за нови граници на нешто што мислиме дека е невозможно?
Јас ги имам двата костими. Ефтини се, со оглед дека во Конверс во ГТЦ сакаа да ми продадат обичен костим од перлон за 18.000. Не можам да ви кажам од кој сум позадоволна, затоа што и со двата телото поминува низ водата како низ воздух. Сепак помала предност давам на Џет Концепт, поради тоа што го намалува количеството на вода која што се влече на грбот.
Тоа што сакам вас да ве прашам е, дали вие сте ЗА или ПРОТИВ употреба на овие специјализирани костими? Дали сакате да гледате борба на технологијата или повеќе сте за да гледате "чиста борба" помеѓу пливачите?

П.С. Слушнав дека и во атлетиката американциве ќе користат специјални костими, така да кој има повеќе информации за било каква додатна опрема, нека ја пише:smir:.

 

[Dzish]

Од се знаат да направат маркетиншки трик и со тоа да ги подобруваат рекордите. Сепак би рекол дека сум против. 450 долари за костим? колку пливачи ке има на олимпијадата и колку пари ке се завртат за тој бизнис? Без разлика што се аеродинамички или незнам какви, не ги оправдувам. Не придонесуваат за фер борба на натпреварувачите. Гледаме борба на кој има понапредна технологија, спидо или адидас, што според мене е непотребно.
Кога веќе јас би одлучувал, сите би носеле ист костим. Па најспремниот да се докажи на патеката.

 

[Mac))]

Секако дека против,како што напомена Џиш.

Не е ова Формула 1,па да има и бодови за конструктори/производители.

Со самото тоа што е докажано дека костимот навистина помага,и дури може да подобри стотинки...Или треба да биде забранет,или да го користат сите.
Бидејќи се друго е создавање нефер предност,во спорт каде што и најмала стотинка е битна.

Значи,се исто ми е дали сите ќе ги носат,или пак никој нема да ги носи,најбитен е фер-плејот.
Но,за инат на фирмите,сакам да се забранат,бидејќи милионски суми ќе вадат од нив...

 

[Fantom]

Со или без костими, во следните 20-30 години човештвото ќе го достигне максимумот за спортовите и ќе им дојде крајот на светските рекорди кои се поставувани секоја месечина што се вели... Со трчање сме при крај, околу 5-6 стотинки е максимум што може да се поправи рекордот на човекот каков што е денес и без костими.

Е, ако се користат стимуланси, допинг средства и слични срања, друг муабет е.

 

[Nu`Bia]

Па се користет,и то масовноо...

 

[Ilumious]

Па нормално дека се користат, не ги измислив јас. Кажи си, против сум, поддржувам, објасни зошто или па само гласај. Многу мразам еднореченички постови без смисла:smir:

 

[Acid]

Јас сум ЗА, нормално.

Затоа што не можеш да ги ограничиш во користење само на долен дел (како гаќичките на Ерик Јагулата) и каков дизајн да биде опремата на натпреварувачите - тогаш е сосема логично да дозволиш се што може да се измисли (секако, без додатоци како пераи на пример). FINA и нејзините челници знаат најдобро. Со ваквите костуми спортовите добиваат на атрактивност и секако на квалитет, а не фаворизираат само одредени спортисти затоа што буквално секој може да ги има.

 

[Bratot]

Се работи за пари...потпишување милионски договори со одредени фирми, ништо повеќе.

Ниту за ниту против.

 

[Ilumious]

Па и јас сум неутрална, ама како што поминува времето се` повеќе сум ЗА. Ако ги забранат овие работи во пливањето, од ФИНА ќе се пожалат кај сите меѓународни спортски федерации, а најпрво кај ФИФА. Случајов е исти како кога Најк ги промовираше R10 на Роналдињо, па Т90 Ласер а од Адидас ги прмовираа Предатор и Ф50+.
Во времето на Торп можеби беше предност да имаш ваков костим, ама сега како што напоменав горе, сите ги користат само модификувани според државните обележја(на американците им е со ѕвездици), така да не гледам некоја предност во борба за медал освен во борбата за светски рекорд. Сепак, костимов не плива сам, треба да има пливач/ка кој/а ќе плива со него, ако натпреварувачот е тапа, костимов не помага многу многу:smir:

 

[Болиглава]

И јас сум за. Секој може да го има костимов, а камоли добро платените пливачи. Секоја година се измислуваат се понови и понови модели. Што, треба да тапкаме во место?

 

[Madrid]

Зошто да не се употребува било какво средство (легално) што може да ги подобри перформансите на спортистите, па нели целиме кон што подобри резултати, зошто да не се употреби напредната технологија и во спортот, кога очигледно е од полза на самите пливачи, полниот потенцијал на човекот може да си искористи само при совршени услови, кои очигледно костимиви ги пружаат, така да, дефинитивно сум ЗА.
Цената мислам дека не претставува проблем за секој сериозен пливач.

 

[PaPucaR]

Против, не ми се допага како изгледаат со костими. Може е до навика, и од тоа каква била мојата перцепција за пливач. Обично кога одич на базен се соблакаш и пливач...вака некако ми е како 'сосе пљачки'. Без разлика дали помагаа малку или не. Мада и тоа не е фер. Лугето ке поцната ад си пресадуваат помазна кожа, за да лизгаат низ вода, да си пресадуваат перки од делфини preterav...
го казав мојот став, не сакам да ги видам како подморници за некое време, со опрема за нуркање да пливаат. се знае..гаКите на тебе, за да не се гледа мандалото,(не за друго i skoka[ pliva[. најверојатно и купаќите ги користеле до пред 10 годин баш заради таа намена, да не пливаат голи пошо е невкусно, башка ке им се одвлекува вниманието на лугето...замислете офф топик...како би изгледала снимката од подводните камери )))

 

[Ddime]

Пливањето поради костимите го губи кредибилитетот?

Пливањето како спорт почна да го губи кредибилитетот. Имено, благодарејки на константниот развој на пливачките одела во последните години, речиси повеке од пола светски рекорди се срушени повеке од стотина пати.

Поради тоа, еден од најугледните спортски весници во светот L'Equipe во пресрет на светското првенство во Рим одлучи да не ги објавува светските рекорди.

Поплавата од светските рекорди кој се постигнаа најмногу забрагодарувајки на развојот на пливачките одела го доведе светското пливање до губење на легалноста. Уште поголема збрка направи и меѓународната пливачка федерација која пред извесен период поради некој супериорни одела внесе забрана за нивно користење, па дури и поништи некој светски рекорди, а потоа повторно да ги „легализира“.

„Човек кој плива на 50метри слободно и поставува светски рекорд со резултат од 21,5секунди во оделото на Speed, сега постигнува нов рекорд од 20,9 во Jaked одело. Јас тренирав десет години како би бил една десетинка побрз. За денес новите одела пливачите ги прават пола секунда побрзи“- изјави легендарниот Марк Фостер.

Во пресрет на светското првенство ФИНА одлучи да ги дозволи оделата кој веке предходно ги забрани.

„Луѓето и натаму гледаат атлетика иако светските рекорди ретко паѓаат, а исто така треба да биде и во пливањето, а не како денес кога се стана слично на Формула 1, често одлучува подобриот болид, а не возачот.“- смета Фостер.

Ке се предомисли ли ФИНА, и да направи потек со кој ке ги забрани модерните одела, сепак тешко е за верување. Според многумина некогашни и сегашни пливачи, честото рушење на рекордите може набрзо да стане неинтересно за гледање.

Извор: www.sportdenes.com

Што мислите Вие за новите пливачки одела? Поинтересно би било да се забранат или да се плива со нив?
Дотолку се сë освави на технологијата, за некога година би рекол дека светските рекорди ке паѓаат и за минута време плус. Уште мотори им немаат вградено...

 

[Ilumious]

Знам само дека се дозволени костими кои во нивниот состав имаат помалку од 50% полиуретан, кој го зголемува лизгањето на водата. Затоа неколку рекорди годинава беа поништени од пливачи кои пливаа со Jaked и X - Glyde.

Mислење за ова имам дадено погоре.

 

[thetinaswim]

јас сум за зашто секаде треба да има иновации, па така и во опремата за пливање, подобрите костуми не го намалуваат фер плејот зашто секој може да си ги дозволи (зборрувам за врвни пливачи, на кои и реално им се поптребни),а помагаат во реализирање на целта во спортот да се видат границите до каде може да се оди.
и многу ми е криво што нема да ги дозволуваат од оваа година Ч(