goodman_91
Бубалица
- Член од
- 2 јануари 2008
- Мислења
- 1.341
- Поени од реакции
- 30
Енергетските пијалаци во Македонија се со опасниот таурин
Состојката таурин може да биде опасна за организмот, особено кога таа се консумира во исто време со кофеин. Токму овие две состојки ги има во сите енергетски пијалаци.
По неколкуте случаи на смрт што настанале од предозираност со познатиот „ред бул“, многу држави во светот го забранија пијалакот, а некои од нив состојката таурин целосно ја исфрлија од составот на пијалаците. Во Франција цели 12 години енергетскиот пијалак „ред бул“ беше забранет. Неодамна властите во оваа земја одлучија да се произведува и продава модифицирана верзија на „ред бул“, во која состојката таурин е заменета со агринин. Според токсиколозите, тоа е состојка со поблаго дејство, која при консумирање во комбинација со кофеин не е опасна за човечкиот организам.
За разлика од Франција, таурин има во сите пијалаци што ги има на македонскиот пазар - „ред бул“, „брн“, „енерџи кола“, „бастер“, „гуарана“, македонскиот пијалак „горска мечка“... Увозниците велат дека не се тие виновни што состојката кај нас не е заменета.
- Ние пијалакот го увезуваме директно од Австрија, каде што се произведува „ред бул“. Сите промени во составот се прават таму, а формулата на овој пијалак е истата од 1986 година, кога тој се појави на пазарот. Досега не сме добиле забрана да го увезуваме производот - вели Дејан Србиновски, менаџер во македонската фирма-увозник за „ред бул“, „Ивома-тв“.
Тауринот се вади од жолчката на говедата, се преработува и како таква се користи во индустријата. Според токсиколозите, таурин се користи и во индустријата за бои и лакови, како и во фармацевтската индустрија.
Институциите чекаат некој да умре за да почнат да испитуваат
Ниту десетиците случаи на смрт во неколку држави во светот не се доволна причина за македонските здравствени институции да поведат каква било иницијатива за подетална анализа на состојките во „експлозивните коктели“. Надлежните во Министерството за здравство, во Републичкиот завод за здравствена заштита (РЗЗЗ), како и од Дирекцијата за храна велат дека би поддржале кампања за забрана за употреба на овие производи поради штетните состојки. Но ниту еден од нив не рече дека има намера наскоро да испита колкаво количество шеќери, таурин и кофеин содржат овие производи, оваа опасна комбинација од состојки што преку продавниците им е достапна и на најмладите.
- Ќе умрете и ако испиете едно шише вотка, а сепак ја има на пазарот. Значи, големата доза е таа што е отров за човечкиот организам. Исто и ако изедете еден килограм сол ќе умрете. На крајот на краиштата, енергетските пијалаци не се дрога и се продаваат легално. Ако производот има состојки што се во граници на нормалата, тој не е опасен по живот - вели Станислава Лазаревска, поранешна директорка на Дирекцијата за храна.
Оттаму веќе најавија засилени контроли и детална анализа за тоа дали и колку е штетен тауринот. Но засега институцијата нема директор и пијалаците се уште никој не ги анализира.
Драган Ѓорѓев, пак, директорот на РЗЗЗ, вели дека и тоа како има простор за акција ако се организираат сите здравствени институции.
- Кога се појави „ред бул“ на пазарот бевме многу против неговата продажба, токму поради тауринот што го содржи. Мислевме дека тој ќе се продава во аптеки, по препораки на доктори, со дозирање и слично. Но него и уште десетици други видови пијалаци денес ги има на пазарот и очигледно никој не може да ја спречи нивната продажба. Ние нема да чекаме некој да умре од овој производ, напротив, ќе правиме се што е во наша можност, а тоа е постојано да им укажуваме на граѓаните за штетноста на оваа напивка - вели директорот Ѓорѓев.
Од Министерството за здравство вчера не кажаа дали планираат да поведат иницијатива за забрана на овие пијалаци.
„Ред бул“ му даде крилја на уште еден Англичанец
Четириесетгодишниот Алфредо Дуран, работник во супермаркет во Оксфорд, Англија, пред три месеци умрел од срцев удар, кој бил предизвикан од големото количество „ред бул“ што го испил. Ова е последниот случај на смрт предизвикан од овој пијалак за кој пренесоа англиските медиуми.
„Нова Македонија“ веќе пишуваше за многуте случи на смрт што настанале од предозираност со светски познатиот пијалак. Студент од Лимерик, Ирска, починал откако испил неколку лименки „ред бул“ пред кошаркарски натпревар. Британските власти, откако го испитаа пијалакот пред седум години, изрекле само предупредување да не го консумираат бремени жени, зашто постои ризик од пометнување.
Неколку студии што се направени на универзитет во Северна Каролина и во Сао Паоло, Бразил, покажуваат дека оние што пијат енергетски пијалак со алкохол можат да бидат попијани отколку што мислат дека се. Ова се случува зашто пијалаците за енергија може да бидат само маска на вистинскиот ефект што го предизвикува алкохолот.
Случаите на смрт не ја намалуваат продажбата на „ред бул“. Би-би-си пренесува дека само лани во светот биле продадени околу една милијарда лименки.
РЗЗЗ: Напивките за енергија создаваат канцерогени состојки
Засладувачите во пијалаците, односно сахаринот и ацесулфамот, поминуваат низ системот за варење на храната. Додека минува низ цревата, бактериските ензими го трансформираат цикламатот во циклохексил амин, кој има канцерогено дејство, стои во предупредувањето на РЗЗЗ за пијалаците за енергија.
Тие укажуваат и дека преку овие напивки метанолот се внесува во мали количества во организмот, но тој е многу токсичен и опасен по здравјето.
Од РЗЗЗ нагласуваат дека енергетски пијалаци не смеат да пијат деца, бремени жени, болни од шеќерна болест, лица со зголемен крвен притисок, како и лица чувствителни на кофеин. РЗЗЗ предупредува дека е опасна комбинацијата со алкохол.
Оттаму советуваат децата да консумираат исклучиво природни овошни сокови со висока биолошка вредност.
www.novamakedonija.com.mk
Состојката таурин може да биде опасна за организмот, особено кога таа се консумира во исто време со кофеин. Токму овие две состојки ги има во сите енергетски пијалаци.
По неколкуте случаи на смрт што настанале од предозираност со познатиот „ред бул“, многу држави во светот го забранија пијалакот, а некои од нив состојката таурин целосно ја исфрлија од составот на пијалаците. Во Франција цели 12 години енергетскиот пијалак „ред бул“ беше забранет. Неодамна властите во оваа земја одлучија да се произведува и продава модифицирана верзија на „ред бул“, во која состојката таурин е заменета со агринин. Според токсиколозите, тоа е состојка со поблаго дејство, која при консумирање во комбинација со кофеин не е опасна за човечкиот организам.
За разлика од Франција, таурин има во сите пијалаци што ги има на македонскиот пазар - „ред бул“, „брн“, „енерџи кола“, „бастер“, „гуарана“, македонскиот пијалак „горска мечка“... Увозниците велат дека не се тие виновни што состојката кај нас не е заменета.
- Ние пијалакот го увезуваме директно од Австрија, каде што се произведува „ред бул“. Сите промени во составот се прават таму, а формулата на овој пијалак е истата од 1986 година, кога тој се појави на пазарот. Досега не сме добиле забрана да го увезуваме производот - вели Дејан Србиновски, менаџер во македонската фирма-увозник за „ред бул“, „Ивома-тв“.
Тауринот се вади од жолчката на говедата, се преработува и како таква се користи во индустријата. Според токсиколозите, таурин се користи и во индустријата за бои и лакови, како и во фармацевтската индустрија.
Институциите чекаат некој да умре за да почнат да испитуваат
Ниту десетиците случаи на смрт во неколку држави во светот не се доволна причина за македонските здравствени институции да поведат каква било иницијатива за подетална анализа на состојките во „експлозивните коктели“. Надлежните во Министерството за здравство, во Републичкиот завод за здравствена заштита (РЗЗЗ), како и од Дирекцијата за храна велат дека би поддржале кампања за забрана за употреба на овие производи поради штетните состојки. Но ниту еден од нив не рече дека има намера наскоро да испита колкаво количество шеќери, таурин и кофеин содржат овие производи, оваа опасна комбинација од состојки што преку продавниците им е достапна и на најмладите.
- Ќе умрете и ако испиете едно шише вотка, а сепак ја има на пазарот. Значи, големата доза е таа што е отров за човечкиот организам. Исто и ако изедете еден килограм сол ќе умрете. На крајот на краиштата, енергетските пијалаци не се дрога и се продаваат легално. Ако производот има состојки што се во граници на нормалата, тој не е опасен по живот - вели Станислава Лазаревска, поранешна директорка на Дирекцијата за храна.
Оттаму веќе најавија засилени контроли и детална анализа за тоа дали и колку е штетен тауринот. Но засега институцијата нема директор и пијалаците се уште никој не ги анализира.
Драган Ѓорѓев, пак, директорот на РЗЗЗ, вели дека и тоа како има простор за акција ако се организираат сите здравствени институции.
- Кога се појави „ред бул“ на пазарот бевме многу против неговата продажба, токму поради тауринот што го содржи. Мислевме дека тој ќе се продава во аптеки, по препораки на доктори, со дозирање и слично. Но него и уште десетици други видови пијалаци денес ги има на пазарот и очигледно никој не може да ја спречи нивната продажба. Ние нема да чекаме некој да умре од овој производ, напротив, ќе правиме се што е во наша можност, а тоа е постојано да им укажуваме на граѓаните за штетноста на оваа напивка - вели директорот Ѓорѓев.
Од Министерството за здравство вчера не кажаа дали планираат да поведат иницијатива за забрана на овие пијалаци.
„Ред бул“ му даде крилја на уште еден Англичанец
Четириесетгодишниот Алфредо Дуран, работник во супермаркет во Оксфорд, Англија, пред три месеци умрел од срцев удар, кој бил предизвикан од големото количество „ред бул“ што го испил. Ова е последниот случај на смрт предизвикан од овој пијалак за кој пренесоа англиските медиуми.
„Нова Македонија“ веќе пишуваше за многуте случи на смрт што настанале од предозираност со светски познатиот пијалак. Студент од Лимерик, Ирска, починал откако испил неколку лименки „ред бул“ пред кошаркарски натпревар. Британските власти, откако го испитаа пијалакот пред седум години, изрекле само предупредување да не го консумираат бремени жени, зашто постои ризик од пометнување.
Неколку студии што се направени на универзитет во Северна Каролина и во Сао Паоло, Бразил, покажуваат дека оние што пијат енергетски пијалак со алкохол можат да бидат попијани отколку што мислат дека се. Ова се случува зашто пијалаците за енергија може да бидат само маска на вистинскиот ефект што го предизвикува алкохолот.
Случаите на смрт не ја намалуваат продажбата на „ред бул“. Би-би-си пренесува дека само лани во светот биле продадени околу една милијарда лименки.
РЗЗЗ: Напивките за енергија создаваат канцерогени состојки
Засладувачите во пијалаците, односно сахаринот и ацесулфамот, поминуваат низ системот за варење на храната. Додека минува низ цревата, бактериските ензими го трансформираат цикламатот во циклохексил амин, кој има канцерогено дејство, стои во предупредувањето на РЗЗЗ за пијалаците за енергија.
Тие укажуваат и дека преку овие напивки метанолот се внесува во мали количества во организмот, но тој е многу токсичен и опасен по здравјето.
Од РЗЗЗ нагласуваат дека енергетски пијалаци не смеат да пијат деца, бремени жени, болни од шеќерна болест, лица со зголемен крвен притисок, како и лица чувствителни на кофеин. РЗЗЗ предупредува дека е опасна комбинацијата со алкохол.
Оттаму советуваат децата да консумираат исклучиво природни овошни сокови со висока биолошка вредност.
www.novamakedonija.com.mk
може некогаш ќе се одрази на нешто ама неможам да се замарам со се нешто, и цигарите се штетни и сирењето е канцирогено па тоа е...
