Данската кралска библиотека, Копенхаген

[КиреМали 1911]

Кралската библиотека доминира помеѓу архитектонските икони на кејот на Копенхаген. Доградбата на библиотеката претставува имагинативно разбирлив монолит од седум спрата – скулптурирана кутија преоблечена во сјаен црн гранит. Класичниот кубус е анимиран со помош на извонредното спојување на фасадата со рамниот кров и обликовно пренагласените површини, како и (доколку се надбљудува од воздух), сјајниот обиколен терен кој му овозможува на „дијамантот“ (како го нарекуваат овој објект) да лебди. Со помош на транспарентноста на централниот дел, масата се разделува на два дела, креирајќи простор на светлосно исполнет атриум...голем, вибрирачки, органски простор поставен на оската на објектот кој прави топла врска на градот со водата – и на новата зграда на библиотеката со старата... Покрај основните функции кои една библиотека треба да ги содржи, во продолжението се вклучени книжарница, кафе-бар, ресторан, цела група на истражувачки центри и архиви, кровна тераса и The Queen’s Hall, аудиториум за 600 посетители каде се изведуваат бројни концерти, театарски перформанси и конференции. Продолжението се простира на новото плоштадче Sшren Kierkegaard Plads, популарна фокална точка во срцето на брзиот живот на градот

И сега, уживајте:

 

[зунза]

Вау, вчудоневидена сум.

Ми се допаѓа. Ми се допаѓа нејзината екстремно футуристичка современост како се вклопува во абиентот со кој плени Копенхаген.
Кул мара

 

[Aceva]

Се надевам дека има лифт, од онакви спирални скали - уплав добивам.
Од надвор е џиџе.

 

[КиреМали 1911]

Секако дека има и лифт и други скали кај страничните кубуси,ова на последната слика е токму тој осветлен, затворен атриум, а впрочем овие скали се декоративни, и се префрлени од старата библиотека. Точно дека не се многу практични за користење, па можеби и нивната диспозиција не е најпрецизно дефинирана, но со нивното постоење го затоплуваат овој простор и му внесуваат едно ниво на традиционалност, како спрег на ултрамодерно обликуваниот објект.

 

[Aceva]

Ииииик! Сега забележав дека има решетки прозирни, наместо компактен патос!
Господо архитекти, во името на сите луѓе со поситни или покрупни фобии, ве молам кога создавате нешто, земете предвид дека ќе треба и да се користи, а не само да изгледа.

 

[КиреМали 1911]

Во архитектурата, поготово кај репрезентативните објекти од овој ранг, ништо не е случајно или само обликовно издржано. Ова е библиотека чии читални не се непосредно поврзани со полиците со книги...книгите се нарачуваат и му се доставени на рака на читателот во читалната...како што може да се забележи на последната фотка, тоа е дел со депо за книги, од каде тие се носат, место каде немаат пристап членовите на библиотеката.

Што се однесува до „решеткастиот“ под: под внатрешен атриум се подразбира простор кој протега по неколку висини на еден објект, и кој е визуелно и функционално поврзан како по хоризонтала, така и по вертикала. Решеткастите подови не се никаков иницијатор на инциденти, челичните конструкции се далеку постабилни и поиздржливи одколку „компактните“ плочи за меѓукатна конструкција, така да луѓето со секакви фобии нема да имаат ни најмалку страв за да шетаат по нив.

Всушност, естетиката во обликовниот дизајн на еден објект е тоа што нас ни го привлекува вниманието...Затоа го анализираме, ги согледуваме позитивните и негативните карактеристики, квалитетот на изградбата и сл.