Па не се така розово и во Франција
Три дена без "Монд"
Влијателниот француски весник "Монд" и вчера, трет ден по ред, не се појави во трафиките, откако вработените во него штрајкуваа и завчера во знак на протест поради предвиденото намалување на бројот на новинарите за околу една четвртина, јави Франц прес. Како што пренесува МИА, ова е прв штрајк на вработените во весникот, кој има тираж од 320 илјади примероци. Весникот се наоѓа во сериозни долгови, а планот за економското заживување предвидува скратување на 129 работни места, што е околу една четвртина од новинарскиот состав. Компанијата "Монд", која има вкупно 1.600 вработени, минатата година забележа загуба од 20 милиони евра, а нејзиниот вкупен долг изнесува 150 милиони евра.
Три дена без "Монд"