- Член од
- 3 ноември 2008
- Мислења
- 3.088
- Поени од реакции
- 1.255
По две децении омраза, пријателите повторно се среќаваат
Србите учат турски, а Хрватите обожаваат српски!
На Балканот се случуваат процеси на приближување и интеграција. Природни и цивилизациски, без притисоци и местења од страна, за разлика од оние во времето кога, пред две децении, се разгоруваа делбите и војните
Две децении по војните во бивша Југославија, кога со вооружени судири се урна федерацијата, а шесте републики тргнаа понатаму како независни држави, гледавме постојни тензии помеѓу некогашните братски републики. Словенија и Хрватска се мразеа поради тоа што Словенците земале дел од хрватското море. Хрватите и Србите, пак, војуваа, затоа што српското малцинство, кое тогаш претставуваше 15 проценти од хрватското население, со траумите на усташките етнички чистења не сакало да си оди од Југославија во независна Хрватска... Босна ја плати највисоката цена на српско-хрватските намери она што го загубиле да го наплатат од Босанците... Косово е приказна сама за себе...
Бадијала по две децении, од западни извори и медиуми, дознаваме дека војната била потпалена од страна. Дека е планирана уште по смртта на Тито и подготвувана да се случи во приближно исто време со падот на Берлинскиот ѕид и уривањето на СССР. Дека масовните убиства во Рачак (Косово) или Маркале како и масакрот на војниците на ЈНА во повлекување во Сараево и Тузла (Босна), кои беа вовед за тешки воени судири, биле режирани, и свесно медиумски злоупотребени за да се создаде потребната воена атмосфера.
Наместо да се смени системот, а да се зачуваат економијата и социјалното ниво, како што се случи во Унгарија, Полска или Романија... нам ни се случија тешки војни, транзиции и уривања на комплетниот економски потенцијал. Освен Словенија сите други и ден-денес се под економското и социјално ниво кое, како републики, го имаа во Југославија: бесплатно здравство и образование, безбеден живот, сигурна пензија и евтин стан и просечна плата од околу 600 евра.
Две децении потоа, сега, не под притисок на странски политички интереси, туку под влијание на природните процеси, народите на Балканот се приближуваат еден кон друг. За почеток, спортот стартуваше со балкански лиги во кошарка и ракомет. Инвеститори од Србија влегуваат во Македонија и Словенија, а хрватските во Србија, Босна и Македонија...
Македонија има одлична соработка со сите поранешни југословенски републики, плус и со Косово, кое од покраина напредуваше до република со фуснота. Само Албанија се уште не не признала под уставното име. Што е особено важно, имаме одлични односи и со Турција, новиот балкански ментор.
Филмот на Анџелина Џоли, "Во земјата на крвта и медот", кој е оценет како пропаганден антисрпски филм е осуден, како таков, и во хрватската јавност. Загреб и Белград најавија повлекување на сите меѓусебни тужби за дејствија од времето на војните. Босна, по победата на помладиот Изетбеговиќ на изборите, сега игра добитна комбинација со баланс помеѓу српските и хрватските интереси, а во полза на опстанок и функција на босанската федерација...
Балкански хит, економски и културолошки, е Турција. Држава под стабилна власт, со голем економски развој и паметна политика на ширење влијание врз Балканот без употреба на сила и закана. Викендов во Нови Пазар дојдоа навивачи на турскиот Фенербахче да навиваат заедно со новопазарските Бошњаци против Партизан. Се помина пријателски и мирно. Дури и резултатот беше нерешен. Турција, полека, за Бошњаците станува алтернативна татковина и нација. Белградски "Блиц" објави дека во школите за странски јазици најголема експанзија има учењето на турски јазик.
Хрватски "Јутарњи лист", пак, констатира дека емитувањето на старата српска, југословенска, серија "Жикина династија", во вторникот на РТЛ ја гледале еден милион Хрвати! Заедно со претходно емитуваната "Тесна кожа" влегуваат во петте најгледани ТВ-емитувања кај Хрватите. Ова, до скоро, беше незамисливо.
Ова е особено невообичаено затоа што се работи за стари, повеќе пати гледани филмови и серии кои, по толку време повторно се емитуваат и се гледаат повеќе од ултрапознатите холивудски и турски серии.
Балканот, конечно, влегува во мирни води на пријателство и интеграции. Исклучоци има, пред се во агресивната грчка и бугарска политика кон Македонија, плус она што го трпиме како провокација од Косово. Но, Грците својата политика, севкупна, ја плаќаат прилично болно. Бугарија е на опашката на европскиот развој и цивилизациски вредности, а Косово деновиве го загуби правото да се претставува како република, туку смее да го користи само називот Косово, кој не дефинира државност.
Ништо не е чудо цел Балкан да се турцизира, освен Грција,макар што и таму има предавници,што одат да работат во Турција заради кризата
