Комплетно ме демантираа во двете утакмици. Утакмицата во Талин беше врв, изигравме како светска репрезентација. Да победиш 19 разлика во гости не е мала работа, иако со Естонија тоа некако поизводливо беше затоа што тие грешеа и брзаа. Томовски МОТМ на двете утакмици. Ако Естонија во Скопје буквално го исфрли од репрезентацијата, сега и те како им врати и на нив и на Литванците. Мартин Ивановски - позитивно изненадување! Дечкото си изигра супер на двете утакмици и беше моторот баш кога фалеа Митев и Ѓорѓиев. Башка имаше и добра партија против АЕК сред Атина.
Утакмицата со Литванија посебна поготово откако губеа со 0-4 на стартот и се опуштија од грчот. Падна Литванија со 9 разлика во Скопје и прв пат во официјална утакмица (не знам дали сме ги победиле во пријателска порано). Тие играа премногу еднодимензионално со играчи кои шутираа од 9 метри без никакви комбинации. Мислам дека можевме и помалку од 17 гола да примиме, ама небитно - тоа второ полувреме го изигравме топ во одбраната и плус Томовски што фаќаше се и сешто. Се на се одлични две партии.
Групата за ЕП е малку бош, ама е подобра од претходните. Романија може и треба да се добие бар со некои 5-6 разлика, со Данска да гледаме да не изгубиме повеќе од 7, а со Португалија може да биде интересно, иако и тие се фаворити против нас. Немаше некој голем избор од прв и втор шешир, така да ова не е страшно, ама не е ни поволно.
Младинците на СП разочараа комплетно со поразите од Фарски Острови и Романија, па после и од Мароко. Не го искористија Галевски на гол доволно, поготово не во клучните моменти со Романија. Мислам дека и одбраната овој пат беше лошо поставена. Истата одбрана беше извор на сите успеси на таа генерација, а во првите три утакмици дечките примија 90+ голови што е во просек по 30 по утакмица. На последното ЕП не примивме ниту еднаш 30 голови, само колку за споредба. Дури и таа добра партија против Американците не беше нај нај со оглед дека примија 28 гола. Раде и Бранче се изгубија на првите четири утакмици - лошо беше што не поставија некој фластер на Митун или на оној Романецот што им беше главна алка. Има и други фактори. Мислам дека дечките не беа доволно физички подготвени, плус се виде ефектот на Мирче што игра за вториот тим на Пелистер во втора лига. Тоа што Самоил и Дамјан биле повредени не треба да е оправдание, бидејќи тие се кадети. Фараните освоија медал, а тоа требаше да бидеме ние на ова СП. Јбг!
