Предлог за филм со кратка рецензија

[Helo]

Amelie http://www.imdb.com/title/tt0211915/

Најдобриот француски филм раскажува преку одлично сценарио и малку фантазија за карактерот на девојката Амели, нејзините дејстувања и луѓето кои доаѓаат во допир со неа. Одлична комедија/романса/драма.

L'auberge espagnole (Euro Pudding)... http://www.imdb.com/title/tt0283900/

...е филм од француско/шпанска продукција и филм со кој ќе се соживеат доста млади полнолетни луѓе и возрасни бивши студенти.
Се работи за група студенти во Барселона од различни европски земји кои живеат заедно и се дел од Еразмус програмот за размена на студенти. Приказна за пријателство, љубов и се она што се младите луѓе.

И продолжението на овој филм е Les poupees russes (Russian Dolls) http://www.imdb.com/title/tt0409184/ во кој се прикажани истите луѓе 5 години подоцна од нивниот живот во Барселона.

 

[FilipMacedon]

Филмот едноставно мора да го гледате(кој досега не го гледал)...одлична замисла,уште подобра реализација...
Всушност филмот е научна фантастика поврзана со антика...наоѓаат египтолозите една порта која води до транспорт на друга планета,таму одбрана група од војници и професор го среќаваат Амон Ра,кој всушност не е бог како што знаеме,туку хуманоид пред изумирање кој живее како паразит во човечко тело...за понатаму гледајте ако ви го раскажам ке ви биде досаден филмот...

 

[RocknRolaa]

The Fighter

Најубавото за крај. Штета што се зезнав па гласав овде за моите фаворити годинава без да го гледам овој филм, затоа што ова е еден од најдобрите филмови што некогаш воопшто ги имам гледано. За оваа година мојот апсолутен фаворит во секој домен е The Fighter. Филмов го гледав два пати во еден ден, што не се сеќавам да ми се случило некогаш претходно. Ова е филм по мој вкус, буди емоција, за разлика од сите филмови кои ги изгледав досега (зборам за оскаровските фаворити) кои се одлично направени, ама во човек не побудуваат никаква емоција. Ова е филм со душа. И фала Богу нема непотребна драматизација која се очекува од Холивуд да ја наметне, а се спомене вистинска приказна. Овде ќе немате чувство дека негде претерале, дека глорифицирале некого или дека се обидуваат да направат херој од некого.

Приказната се врти околу некогашниот боксер Мики Ворд ( Марк Валберг) и неговиот полубрат (Дики Еклунд). Дики го тренира својот помал брат обидувајќи се да го врати на победничките патеки, меѓутоа Дики е сам по себе проблематичен бидејќи има проблеми со дрогата, па на него Мики и не може целосно да се потпре.

Филмов има неверојатно добро складен кастинг. Три улоги дефинитивно ќе ви се врежат во главата. Онаа на Валберг и Бејл, како и онаа на Мелиса Лео која ја игра нивната мајка во филмот. Жената заврши толку добра работа, што на моменти изгледа како да не глуми туку како да е навистина мајка на девет деца која контролира се живо. Таа е од оние типови на жени на кои никој не смее да им писне. Одамна немам видено таква глума.

Е сега малку за глумата на Бејл и Валберг. Додека го гледав филмов имав чувство како да се родени за улогиве, откако го изгледав пак имав чувство дека било кој друг да бил на нивно место немало да биде тоа тоа. И покрај тоа што The Fighter е приказна за боксер, дејствието се одвива во поголем дел надвор од боксерскиот ринг. Она што прво ќе ви падне на памет како асоцијација после гледањето е веројатно семејството и братската љубов. Хемијата меѓу Бејл и Валберг го прави филмов полн погодок. Иако сценариово не е нешто оригинално, веќе секој од нас изгледал по некој филм со боксерска приказна, овие двајца го прават мошне уникатен.
Валберг уште од 2005 година почнал да тренира за улогава. Долги години никој режисер не се нафаќал да го сними, на пример Скорсезе и Аронофски одбиле да го снимаат. Неговата упорност се исплателе и на крај Расел се нафатил да го режира. И мора да му се признае човекот си ја завршил работата.

Волку кроток боксер како Мики Ворд јас немам видено... Браво за Марк, никогаш не ми оставил некој посебен впечаток, но после ова, прва асоцијација за него ми е оваа одлична изведба. Мислам и дека ќе му биде најсветлата точка во кариерата. А богами заслужува и награда за ова. Само што годинава конкуренцијата е силна, па можно е и да не ја добие, иако ја заслужува.

Кристијан Бејл е ФЕНОМЕНАЛЕН. Се помалку од Оскар за ова што го одигра е грабеж. Очекувам вечер да добие и златен глобус за одиграното. Е ова е посветеност на улогата. Просто на човек да не му се верува колку човеков вложува во една улога, направил комплетна трансформација од себе. Буквално се претворил во Дики, кој кога видов како изгледа не ми се веруваше колку Бејл всушност наликува на него. Симнати килограми, подочници, ќелавост и нагласок. Направил се. На моменти ќе го жалите, мразите, сакате, ама не можете да останете рамнодушни на Дики.

После филмов и песната Here I Go Again го менува значењето...
Моја препорака, задолжително да се гледа филмов. Јас дефинитивно си го најдов фаворитот за годинава.

 

[Io Sono Interista]

The Fighter (2010)

И како што викаат: „гледајте за да не ви раскажуваат“ , седнав и јас побрзо да го изгледам овој филм, пред се затоа што е во трка за награди па сакам да направам споредба. Покрај тоа, сакам вакви филмови а актерската екипа беше причина повеќе.

Прво ќе почнам од Бејл и ќе кажам дека се работи за несекојдневен ѕвер и дека секакво губење на награди во конкуренција за оваа улога е надвор од здравиот памет. Не само што направил голема жртва за улогата на локална боксерска легенда и наркоман, туку ја одигра во голем стил. Големо браво за него. Марк Валберг исто така беше одличен како и Мелиса Лео и целото тоа лудо семејство. Ејми Адамс ми е секогаш неодолива. Браво за екипата.

Околу содржината, веќе видено, боксер-лузер со напорна работа станува професионалец. Се работи за вистинска личност, Micky Ward, кој тренира со совојот брат Дики, поранешен боксер на кој најголем успех му е што го победил Шугар Реј Робинсон. Но после тоа се оддава на дрогата и не успева да постигне ништо во боксот. Покрај овие двајца, во фокусот е нивното семејство на чело со мајка им, која е и менаџер на Мики. Со оглед на тоа дека се работи за класични неписмени полу-идиоти, се што добива Мики од нивната работа е голема количина ќотек во рингот. Ова се променува понатаму во филмот но не сакам да спојлерисувам.

Она што не ми се допадна кај главниот лик е што тој е муле. Класично муле кое прави се што мама ќе каже, и тоа го прави фрустрирачки долго во филмот. Секој човек има праг на толеранција, но Мики трпи и голта се. Но ми се допаѓа тоа што филмов е многу реалистичен, очекував ова да се промени со неговата девојка и Мики конечно да застане на нозе, како во филмовите. Знаете, запознава девојка која е паметна и убава и овој сваќа дека работите не се такви какви што се... Наместо тоа, девојка му се однесуваше како да му е портпарол а Мики продолжи да си биде муле кое не знае кого попрво да слуша, девојка му или мајка му. И тоа траеше фрустрирачки долго, цело време си мислев: гугни бе човек, кажи нешто RocknRolaa вика дека е кроток, да и премногу е кроток... Љуби га мајка...

Ми се допадна што филмов е реалистичен, прикажува едно семејство какви што ги има премногу таму, кој гледал Џери Спрингер знае за што зборувам Не се обидуваше да ги направи луѓето попаметни отколку што се, поразбрани отколку што се, туку ги прикажа на еден многу реален начин. Има и убава доза на хумор во дискусиите помеѓу мајката и девојката на Мики, и неговите сестри, неколку урнебесни моменти

Одличен филм во секој случај, не е ремек-дело и сум гледал подобри боксерски драми, но сепак многу добро и малку поинакво остварување. 8/10

 

[.:MadMan:.]

True Grit

Конечно го дочекав!!!
Го имам гледано оригиналот со Јон Вејн од 1969 година и е одличен филм, кога прочитав дека ќе има римејк на браќата Коен искрено очекував многу неможев да дочекам за да го изгледам филмот. Очекував просечно добар филм, а гледав мастерпис во секој поглед. Навистина еден совршен филм, секоја чест ова е нивно најголемо достигнување.
Филмот не е само уметнички, туку е жив, динамичен и возбудлив што верувам на секој ќе му се допадно посебно на љубителите на вестерн филмовите. Филмот има емоции, премногу емоции што оставаат впечаток и го прават филмот уште посилен. Филмот иде од подобра кон подобра сцена не потфрли во ниеден момент... атмосферата, облеката, сценариото е совршено, навистина веродостојно ме вратија во дивиот запад. Едно навистина одлично вракање на вестерн филмовите, враќање ипол е ова , беа прилично подзаборавени во холивуд...

Јeff Bridges каква глума :nesvest: ете кај ќе иде оскарот за машка улога годинава. Не знам што да кажам човекот е како створен за улогава како да е тој вистинскиот, како воопшто да не глуми туку да го живее тоа, каков глас вади секоја чест. Римејкот ми се допаѓа повеќе од оригиналот, да не го потценувам Џон Вејн ама Џеф Бриџис направи поголема и подобра работа околу улогата. Да не искочи дека го фалам само него и Мет Дејмон си заврши добра работа, и девојчето кое навистина има 14 год одигра одлично, но покрај перформансите на Џеф сите други ми беа во сенка само човекот го гледав цел филм.

Топло го препорачувам од мене има 110/10

 

[karlovic]

Cinderella man

Прикажан животот на едно семејство во 30-те години во Америка.Исто така и проблемите која што ги носи сиромаштијата во тоа време на невработеност.Џим е боксер кој се бори за да излезе од кризата во која што се наоѓа неговото семејство,пред се тој е одличен татко и сопруг(ова е делот што мене ми остави печат)Кога имаш жена и дечиња што ги сакаш и почитуваш должност ти е да им удоволиш основните потреби за добар живот дури и во најтешките моменти,(а тоа е и големината на еден татко и сопруг) како што тоа го направи Џим.Неговото семејство го допре дното,

Спојлер

неговата истрајност и цврстиот карактер ги однесе до висока слава зошто Џим е навистина херој,тој не го правеше тоа за себе него тој тоа го правеше за своето семејство што е навистина моќно

Го ставам филмот во препораки затоа што сите ние треба по нешто да учиме од карактерот на Џим.

 

[Sedative]

Christmas Cupid

Sloan е убава, девојка со стил, и е на брз пат кон успехот во нејзината фирма за односи со јавноста.Одкако нејзината клиентка и другарка Caitlin умира и станува нејзин личен дух на Божиќ, во минатото, сегашноста и иднината таа дознава дека треба да си го смени својот себичен начин на живот кој ѓи повредува најблиските околу неа. Повторното обединување во минатото со нејзиниот бивш љубовник Patrick ќе биде одговорот на нејзиниот проблем.​

Genres: Comedy | Family | Fantasy

Stars: Ashley Benson, Chad Michael Murray and Christina Milian

 

[Iceboy]

The Fighter

Еве го и Фајтерот конечно изгледан.
Филмов е стварно ненормално добар, фантастичен, извонреден....филмов е се во позитивна смисла.
Епа овака не планирам да пишувам којзнае колкава рецензија оти сето она што сакав да го напишам е веќе напишано од претходните две рецензии на Рокенрола и Иосоно. И мене ми е жал што го дадов мојот глас за Burried бидејќи овој ми е дефинитивно во топ 3 годинава. Искрено може и фаворит да ми стане пред Сошл Нетворк, едноставно одушевен сум од филмов.
Марк Валберг и Кристијан Бејл излегоа фантастична двојка, како измислена беше за оваков вид на филм. Кога на нив во позадина ќе ги додадеш Мелиса Лео и Ејми Адамс се добива една Fantastic Four. Вчера не ми се допаѓаше тоа што Мила Кунис не го доби глобусот, ама сега можам да видам зошто било тоа, оти во конкуренција на оваква изведба на Мелиса неможеш ни да го сонуваш Глобусот

За филмот посебно нејќам многу да кажувам, само дека е многу добро изработена фамилијарната ситуација, секој момент беше доловен. Проблематичниот брат на Мики, мајката која контролира се живо и диво во куќата, таткото кој ќе и се спротистави иако после ќе биде маван со чинии и тавчиња:pos2: и на крај девојката на Мики која прва ќе и се спротистави на целата таа фамилија и ќе има блиска средба со сестрите на Мики .
10/10 позаслужено ЗДРАВЈЕ

 

[@cool@]

sakav da gledam neshto porazlichno- „ne holivudski“ film -i go simnav recep ivedik 3, go vidov trejlerot od filmot - a i plakatata mi se dopadna :pos2:
filmot e turska komedija i e hit vo nivnite kina momentalno . Iako e nesporedliv tehnichkiot del vo filmot so Holivud, na pr.kako shto e pregolemata dramatizacija vo dijalozite, sepak likovite vo filmot ni se bliski.
paaaaaa...ostanuva ushte da sednam i da go izgledam
napomenuvam deka ova e komercijalna komedija i ne e preporachliva za filmski perfekcionisti :nenene:


http://www.yukle.tc/galeri/Recep_Ivedik_21-1486.html

 

[Vespertine]

Gladiator

Искрено не ме бива за рецензии и такви ствари али за оние кои сакаат да изгледаат добар филм со содржина, добра глума, добри сцени секако ке мора да погледнат еден ваков филм од 1992.
Многу добар филм во кој се раскажува животот на еден млад боксер, и животот на младите боксери од гето кои боксот им е единственото нешо со кое заработуваат.

 

[zmej gorjanin]

As good as it gets

Ова е постар филм од 97 ма кој не знам на кој начин сум го испуштил да го гледам. Значи ја попозитивно и поненадејно не сум бил импресиониран од кога го гледав Phone Boot. Филмов го сврстувам во класата на љубовни драми/ комедии (high fidelity, 500 days of summer) и немам зборови да опишам колку е добар и оригинален, просто на екран ти го доловува реалниот живот. Кога го гледав ми се деси некое дежаву, тотално се пронајдов во ликот на Џек Николсон, а што е најчудно целата фрка околу него и девојката ми е некако многу блиска, од однесувањето па се до репликите и дијалозите што просто не ми се веруваше. Глумата е неверојатна, ама кога зборам неверојатна не мислам на глумата што ја даваат денешниве актери која е просек и горе доле можеш да кажеш дека ја изиграл улогата добро. Ова беше брате глумење со харизма, дур го гледаш филмот почнуваш да се осеќаш ко да и ти си дел од нивните животи, пошто се понашаат толку природно пред камера што не знам и дали е возможно било кој актер да изигра така. За Џек Николсон секоја пофалба стандардно си е маестрален и препознатлив со со својот заводнички стил (јес да во филмов не му се потенцира баш не за друго таква му е улогата), али кога сме кај Хелен Хант ја ќе кажам само боже мој што јаде и што пие оваа жена, на која планета се родила бе, па за какви ѕвезди збориме ние бе женава може да ги стави сите у џеп, му даде ново значење на зборот глума. Ова без да претерам што го видов од нејзе беше и најдоброто нешто што сум го видел во животов на филм, а сум видел доста. Ја толку суптилно пристапување кон некој лик немам видено до сега, просто женава ко да не глумеше по сценарио туку ко да и рекле кажи си ти што тебе ти лежи на срце (a може и сум многу импресиониран пошто опасно ме потсети на една особа). Како и да е Хелен Хант ми избива дефинитивно на прво место кога се работи за омилени глумци/глумици, ова што го направија со Џек Николсон во филмов слободно може да се нарече дует снова.

 

[ЛеоЛе07]

The Town - Филм за група разбојници кои ограбуваат банка во Бостон. После грабежот, земаат заложник, но ја пуштаат без да ја повредат. Потоа, главниот лик (Бен Афлек) почнува врска со неа (ах, што ќе беше филмов без љубовна приказна). Филмов има три грабежи, две престрелки на улиците на Бостон и една бркотница со коли. Одлично за љубители на гангстерски филмови.

Сличен филм, кој е малку постар, но според мене далеку подобар е Heat (1995).



Ал Пачино, Роберт Де Ниро и Вал Килмер. Едниот се обидува да ги фати другите двајца, кои се дел од банда за вооружени грабежи на банки. Филмот гоо гледав пред неколку години, но една сцена ми остана во сеќавање: кога полицијата ќе ги приклешти разбојниците во центарот на Лос Анџелес, тие се обидуваат да избегаат и ... се случува една од најдобрите престрелки на филм.

 

[Vlatko_Gjorce]

Abre los ojos (Open Your Eyes) 1997

Од Alejandro Amenábar (The Others, The Sea Inside, Agora)
со Eduardo Noriega, Penélope Cruz


Еден од најдобрите мајндфак филмови (објаснет на крајот).
Одлично сценарио (приказна, ликови, дијалози), глума, мејкап...

Штета што многумина повеќе го знаат и го имаат (прво) гледано (како и ја) ''римејкот'' - Vanilla Sky, да не речам потполно истата копија, за што можеме да му се ''заблагодариме'' на Том Круз идиотон, кој ги откупил правата и со Камерон Кроу снимија 95 % ист филм, со додаден понекој спец. ефект и лоши дијалози.

Еден од филмовите за кои што жалам што не сум бил информиран дека постои оригинал, исто како за The Departed (90 % копија на хонгконгшкиот Infernal Affairs).

(Одамна ми е гледан филмов иначе, вчера го гледав по втор пат, па викам да го предложам, може ќе го погледне некој што го нема гледано Ванила Скај).

 

[RedStarFan]

The Reader (2008) Drama

Se raboti za mlado momce(15 god) koe se zaljubuva vo postara zena, koja raboti kako kondukter vo nekoj germanski grad vo togasna Zapadna Germanija, aferata im trae celo leto prekinuvaat bidejki toj zaminuva na fakultet kade sto uci za advokat, podocna odat so kolegite da gledaat sudenje, kade sto i se sudi na zenata vo koja toj bese zaljuben.

p.s. KOJ NE GO GLEDAL OBAVEZNO NEKA GO GLEDA FILMOV.

 

[zmej gorjanin]

Mary and Max
Изненадувачки тажно сценарио за еден анимиран филм, кој бај да веј е доста креативен и има одлична оригинална приказна. 10 од 10