Порака од Португалија: ЈАЗИКОТ НА МАКЕДОНИЈА БИЛ ДЕЛ ОД БУГАРСКИОТ
Јазикот на Македонија некогаш бил дел од бугарскиот јазик и културните димензии на двете земји, е последната порака која ни пристига од Португалија заедно со тоа дека позицијата на Бугарија мора да се почитува за да нема несогласувања во ЕУ.
Државната секретарка на Португалија за европски прашања, Ана Пола Закаријас, изрази надеж дека изборите во јули во Бугарија ќе донесат решение за ветото на оваа држава за започнување на преговорите на Македонија за членство во Европската Унија
За португалската министерка за Европа македонскиот јазик некогаш бил дел од бугарскиот
Закаријаш ја опишала дебатата меѓу двете земји како „тешка“ и истакнала:
„Ова е многу тешка дебата, особено за Бугарија. Таа е поврзана со историјата, културниот идентитет на двете земји, како и со идната соработка. Во моментов, тие работат на нешто што се нарекува патоказ, што ќе им помогне да соработуваат и Бугарија ќе добие гаранции дека кога Северна Македонија ќе влезе во ЕУ работите ќе се одвиваат непречено. Северна Македонија помина низ тешки преговори со Грција – сетете се дека земјата си го смени името. Но, тоа е многу тешко, бидејќи е исто така поврзано со Бугарија како култура и јазик. Очигледно е поврзано со јазикот на Северна Македонија, кој некогаш бил дел од бугарскиот јазик и културните димензии на обете земји. Во Бугарија ќе има нови избори на 11 јули и мислам дека бугарските власти ги чекаат резултатите пред да одлучат како да постапат“.
„Ние мора да ја почитуваме бугарската позиција и тоа го сторивме. И важно е да не се внесат несогласувања или проблеми меѓу двете земји во ЕУ. Ние сакаме тие да бидат решени пред некоја земја да влезе во Европската Унија. Мораше да ѝ дадеме време на Бугарија да го реши ова со Северна Македонија пред да ја свикаме меѓувладината конференција“, изјавила португалската министерка.
https://alsat.mk/mk/za-portugalskata-ministerka-za-evropa-makedonskiot-jazik-nekogash-bil-del-od-bugarskiot/