Прв во село или последен во град?
Ве прочитав сите и да ви кажам дека не ја сфаќам темава на истиот начин на кој што сите вие ја гледате. Мислам (или можеби само ми се чини) дека сите премногу буквално сте ја сфатиле.
Не е поентата во тоа дали ќе бидеш прв во село или ќе бидеш последен во град т.е. не е поентата во тоа да се биде прв или последен на некое место па да се има или не тендеција за искачување нагоре или спуштање до дното.
Тргнувајќи од фактот што ова е една доста стара поговорка и тогашниот став за релацијата село-град мислам дека тежината тука се содржи.
Село или град?
Градот којшто во споредба со селото порано бил доста повеќе ценет и му се придавала поголема важност. Е сега прашањето е дали да избереме да живееме во село, да добиеме понизок ранг од една страна ама пак да бидеме најценети и почитувани од тие што се околу нас од друга страна или пак да отидеме да живееме во повисокиот ранг, меѓу големците знаејќи дека таму ќе бидеме последни.
Да избереме да бидеме први во тоа што сме или да се правиме нешто што не сме само за да се пофалиме пред останатите дека ете и ние сме од град ?
Јас бирам да сум прва во село. Подобро е чувството кога си ценет и почитуван, отколку да си потуснуван и угнетуван и да трпиш се и сешто само за да се пофалиш дека ете си меѓу поголемите.
Јас така гледам на темава само што да напоменам дека и тоа село-град не е буквално кажано туку е со преносно значење така да не се навреди некој