- Член од
- 6 февруари 2005
- Мислења
- 9.722
- Поени од реакции
- 248
А1 дојде до фотографии на опрема за прислушкување во партиска сопственост. Ги снимиле странски служби кои следеле како се пренесува партиската технологија за прислушкување од едно на друго место со цел да не бидат откриени.
Редовно се селеле кога таканаречените кртови од Министерството за внатрешни ќе ги предупределе партиските штабови дека е откриена локацијата.
Фотографиите се правени во моментите кога опремата била пренесувана низ Скопје во времето на коалиционата влада. Прислушните апарати никогаш не се запленети и постои сомневање дека се уште се користат.
Кратко време, технологијата била во стан во скопската населба Лептокарија. Од таму, набрзина била пренесена во едно министерство за време на широката коалиција.
Извори за А1 тврдат дека сега се наоѓа во приватна куќа на Водно. Со опремата ракувале лица кои имаат искуство, работејќи во еден период во управата за безбедност и контраразузнавање.
Токму пред извесно време, Тито Петковски обвинуваше дека има информации за негово прислушкување. На ова стигна демант од Министерството за внатрешни работи.
Експертите велат: МВР нема потенцијал да ги покрива и странците и партиите. Активностите се насочени исклучиво на првите. И ВМРО-Народна неодамна обвини дека некој ги прислушкува нивните мобилни телефони, посебно за време на состаноците.
Тие се сомневаа и дека некој ги следи, затоа што постојано ги забележувале истите луѓе во нивната околина.
Многу вакви афери останаа нерасчистени, исто како „Сина птица“ и „Дувло“. Уште не е јасно ниту од каде ги набави сите стенограми Бранко Црвенковски кога обвини за „Големото уво“. Тој тврдеше дека таква обемна активност не може да направи никој друг освен државна служба.
Владата на Георгиевски, пак, ја обвини опозицијата дека аферата прислушкување е нејзино масло и дека со тоа сака да ја сруши власта.
Случајот се разгледува и во Стразбур, но македонските судови не донесоа пресуда за оние што ги прислушкуваа и новинарите.
