20 ГОДИНИ НЕЗАВИСНА МАКЕДОНИЈА
Стартуваше големиот музички проект...
Кои се 20-те најубави македонски песни?
Во пресрет на големиот јубилеј - 20 години самостојна и независна Република Македонија, започнаа подготовки за реализација на музичкиот проект Најдоброто од Македонија - Музика. Идејата за овој проект потекнува од Агенцијата за млади и спорт, како продолжување на континуитетот на сите музички проекти кои беа успешно реализирани во изминатиот период.
Директорот Спасов истакна дека сите оние македонски пејачи и пејачки кои оставиле белег во изминативе 20 години заслужуваат внимание и заслужуваат да се најдат на музичката компилација по повод 8-ми Септември.
Граѓаните ќе имаат можност да се запознаат со песните преку интернет страната: www.najdobrotoodmakedonija.mk и www.thebestofmacedonia.mk Гласањето ќе биде транспарентно и ќе се одвива преку интернет страните, како и со испраќање на бесплатен смс на телефонскиот број 144-400 од сите оператори. Освен 100-те предлози по избор на музичките уредници, композитори и аранжери, сите што ќе сакаат да гласаат за некоја песна која ја нема меѓу понудените, а е нивен фаворит ќе можат да ја предложат на самата интернет страна.
Гласањето завршува на 20-ти август, а оние што ќе соберат најмногу гласови ќе го обезбедат своето присуство на тројната компилација. Промоцијата на компилацијата Најдоброто од Македонија - Музика, ќе биде на 8-ми Септември на плоштадот во Скопје со голем концерт, на кој заедно ќе ја прославиме 20-годишнината од независноста на Македонија.
