Македонските класици... според поп културата од осумдесеттите.

[Max Legend]

Сигурен сум дека тука на кајгана форумот има многу фанови на македонските класици, независно дали се филмови, серии или книги. И јас сум еден од фан базата. А како личност чие детство зафаќа и дел од лудата поп културата на осумдесеттите години од 20-от век (кичасти музички спотчиња, кичаста гардероба, синт поп, филмови кои не се филмови ако немаат музичка монтажа, извонредни акции со cheesy one лајнери, претеран патриотизам од типот-подобри сме од другите, другите се еднодимензионално лоши), се запрашувам какви би биле Република во пламен, Солунски патрдии, Македонска крвава свадба итн доколку би биле режирани, односно би добиле допир од американски сценаристи и режисери од ерата на кичестите, луди и трипозни осумдесетти.


Најдолгиот пат - група на македонски командоси е на тајна задача по налог на врховниот штаб на ВМРО со мисија да се инфилтрираат позади непријателските линии, длабоко на Османлиска територија, со цел да ослободат група на заробени востаници од Илинденското востание.

Македонска крвава свадба 4 - Осман бег ја грабнува Цвета и го убива најдобриот пријател на Спасе. Спасе, огорчен поради развојот на настаните, го предизвикува Осман бег на боксерски дуел, на негов терен, пред негова публика. Во понатамошниот тек на приказната следиме музички монтажи од тренингот на Спасе во природа, подготвувајќи се за дуелот.

Република во пламен - свесни дека ја губат Крушевската република, македонските востаници испраќаат свој човек, со помош на временска машина, назад низ времето, да го предупреди Гоце Делчев востанието да не се крева прерано. Она што не го знаат е дека високо софистицираната ТуркНет испраќа свој асасин со задача да ги елиминира сите лица со мустаќи кои се одзиваат на името и презимето Гоце Делчев.

Црнила - млад човек е ангажиран од тајна организација да изврши убиство врз лице кое е осомничено за неколку кривични дела. После извршеното убиство лицето сваќа дека убиениот е Ѓорче Петров, полицаец на тајна задача да ја разбие бугарската нарко мрежа која стои зад организацијата. Лицето преку боди билд и вооружен музички монтиран тренинг се подготвува да тргне против организацијата. ПС: Ѓорче имаше 3 дена до пензија.

Мис Стоун - група на христијански мисионерки намерно се изложува на грабнување од македонските револуционери. Тие се испратени по иницијатива на американската влада со цел да го обучат локалното население во борба против помоќниот Отомански окупатор.

Солунските атентатори - Солун 1903 година. Идеален град и идеално време за дејствување на гемиџиите кои се надеваат дека преку бомбашки напади ќе издејствуваат меѓународна реакција за нивната кауза. Нивната прва мета е австро-унгарскиот трговски брод Die Sсhwarzenneger. Она што не го знаат за бродот е дека тој е избран за ловиште на вонземјанинот познат како Предатор.

Исправи се, Делифна - филм за подвизите на Атина Бојаџи, првата Македонка која го преплива каналот ла Манш, воедно и првиот македонски филм во масовната државна кампања на борбата против дрогата. Целиот филм се води по слоганот „Македонците се победници, а победниците не зимат дрога.“

Белата долина - борбата на човековото преживување во дивината, прикажана од светогледот на човек кој живее изолирано од остатокот на човечката цивилизација. Неговата борба започнува од моментот кога поради дефекти во електричниот систем предивикан од масовните врнежи на снег не е во можност да игра на неговиот Нинтендо и да ужива во авантурите на Супер Марио. Снегот го тера да излезе од дома после 20 дена непрекинато играње Нинтендо (и немањето кока кола и чипс-од оној лутиот), и да провери каде е дефектот...

 

[BilboBaggins]

Dude, have you thought about writing a book or being a screenwriter?

 

[Коловрт]

Сердарот - Кузман Капидан паѓа убиен од Гега. Мајка му Неда, го продава неговото мртво тело на агенција за донирање органи. Но тоа е всушност тајно крило на отоманската армија кое реанимира мртовци и од нив создава универзални војници. Во текот на една своја мисија како ваков војник, Кузман ќе ја сретне неговата некогашна свршеница Марија, која ќе му помогне да си го врати некогашниот живот.

 

[zee German]

Nekoj imat mnogu slobodno vreme odpokje. Me gusta

 

[Shahbaz]

Тврдоглави: Група македонски гејмери, незадоволни што не можат да купат ПС4 во Македонија се упатуваат кон Јапан со Фиат Пунто од 98ма со бугарски таблици. Попатно, преживуваат киднапирање од турски Курди, труење со хемиско оружје во Сирија и се принудени да се борат на пеливански турнир во Ујгурско село. Се восхитуваат од убавините на Туркменистан и скулптурата на Нијазов, со која се фотографираат. Клучниот пресврт е кога стигнуваат во Хонг Конг и читаат во спецификациите дека Пунтото не е амфибиско. Со последните пари купуваат ефтини кинески купачи од најблиската тезга, и во наплив на очај тргнуваат да пливаат кон Јапан. Но, поради неквалитетните купачи, сите трагично завршуваат во кинеското море. Гвујо им прави скулптури и ги става на плоштад.

 

[Max Legend]

Dude, have you thought about writing a book or being a screenwriter?

Nah, comic book writer is where its at.[DOUBLEPOST=1397303428][/DOUBLEPOST]Волшебното самарче - серија за борбата на партизаните против нацистите која е само долга реклама за купување партизански акциони фигури, беџови и други партизански предмети. Воедно серијата покриваше празен простор пред емитувањето на Трансформерите, Нинџа Желките и други саботни утрински цртани.

Чорбаџи Теодос... и нинџата - Еден намуртен чорбаџија наидува на дете по патот кај оди. Земајќи го во раце, не е свесен дека бебето припаѓа на еден моќен нинџа клан. Вчера се бореше за идеалите на патријархализмот, денес се бори за преживување од нинџите. ПС: Чорбаџи Теодос е добра комедија која може да пројде како таква, но на холивудските продуценти повеќе им одговараше вметнување на нинџи во целата приказна со оглед на тоа што во 80-тите секој наслов кој го содржи зборот нинџа има поголеми шанси за финансиски успех.