Јордан Петровски
23-01-2011, 08:38 PM
Quote: СДСМ И ВМРО ДПМНЕ ГИ ВРЗУВА И МАФИЈАТА!
Бранко Црвенковски 30.05.2006 во БАРИ
Елитите на двете главни партии што се менуваат во позициите на власт и опозиција во изминатите дваесет години од независноста на Македонија не ги сврзува само истиот идеолошки центар од кој поттекнале и се оформени и обликувани. ВМРО ДПМНЕ и СДСМ имаат една многу поголема заедничка „ствар“ што ги врзува во нераскинлива врска – мафијата.
Мафија
Дали во Македонија досега видовме такво нешто? Од СДСМ не дај боже, зашто тие, како што вика Бранко Ц, можеби немале кодоши во своите редови, ама затоа сигурно имаат високопозиционирани претставници на мафијашки организации, со акцент на една од Италија.
Но, што е со ВМРО ДПМНЕ. Исто, само во друго пакување. Имено, на почетокот од својот мандат, Груевски и Михајло Маневски глумеа голема политичка волја за справување со организираниот криминал и корупцијата. Па викаа експерти од Италија, па една романка која е експерт против корупција, па реформи во Oбвинитлеството, во судскиот буџет и што уште не. Како тоа заврши, многу добро, особено во неговите први колумни во Фокус и тука, објасни Ване Цветанов. Сите тела што ги формираа за да се справуваат со овие зла, брзо, брзо ги обезмоќија, ги оставија без луѓе и опрема и практично ги оставија да постајат про-форма.
Сето ова се разбира дека не е направено од незнаење или неразбирање на потребите. Уште помалку е направено ненамерно. Сето тоа е направено со политичка волја да не се презема суштински ништо околу методите и механизмите за борбата против мафијата и корупцијата.
Единствен логичен одговор е дека мафијата и системот на коруптивност длабоко се навлезени и во т.н. десница, т.е. ВМРО ДПМНЕ. Според сознанијата кои ни се достапни и тука работата е на доста високо ниво. Од највисоките ешалони на оваа партија лоцирани во владата или во полицијата се контролираат бизнисите, кои де факто се бизниси на светските мафијашки организации, на кои нашиве им се еден вид филијали или алки во синџирот.
Притоа, поделени се по етничка линија само навидум. Имено, транзитот со дрогата, делумно и со цигарите, во голема мерка го контролираат локалните мафијашки групации на македонски и косовски Албанци, кои на европско ниво ги контролираат албанскиот клан Османи лоциран во Германија и мафијашката мрежа на најславниот Албанец, Беџет Паколи, чија партија од неодамна е коалиционен пртнер во новата косовска влада.
Но, дали тие можат да делуваат сами. Апсолутно не. Потпирајќи се на своите министри во македонската влада, влијанието се остварува по принцип на поделба на колачот заедно со министрите Македонци и тоа оние кои се на позиции клучни за непречено делување на мафијата. И таа поделба е по две основи. Едната е платена услуга за непречени активности поврзани со транзит, а другата е по територијален принцип.
На пример во трговијата со луѓе, особено во западна Македонија бизнисот го контролираат локални Албанци на ДУИ и на ДПА, кои се дел од големите мафијашки организации од Италија и од Русија. Но, со помош, се разбира, од македонските врвови во полицијата, која, освен во една година, постојано добива критики по овој однос и од САД и од ЕУ и од меѓународните тела за борба против организираниот криминал.
Не ние познато дали знаете, но проценките на странските екссперти се дека во Македонија константно има помеѓу 1500 до 2000 жени кои работат како проститутки не по своја волја и кои се само дел од огромниот број жени што годишно се трансферираат најчесто од Исток кон Запад или кон земјите од Балканот. Прави ли нешто тука македонското Ме-Ве-Ре? Едно година и пол до две, не сме чуле за ниту една поголема акција притив овој вид криминал, особено распослан во западна Македонија. Исто е и со трговијата со дрога и со цигари.
Повремените акции кои ќе ги видите како успех на МВР, во најголем дел се затоа што тие морале тоа да го сработат. Во најголемата акција со заплената на околу половина тон хероин на Блаце од пред некоја година, според она што ние го знаеме, стануваше збор за дојава од американски извори. Но, наместо да се остави дрогата да транзитира од Македонија до Грција и да се види крајниот нарачател, пратката беше откриена во Македонија и патот на дрогата беше прекинат. Кој кого штитетше во оваа операција во која несомнено беше замешана и српската мафија?
Делување затоа што се мора, затоа што странците знаат, е видливо и во акцијата на апсење на т.н. деловите од Франкфурстака мафија во Македонија. Откако во Скопје во ресторан беа убиени локалниот мафијашки бос Јордан Јорданов-Ркулот и полицискиот офицер Владо Милошев, стана јасно дека полицијата оддамна имала сознанија за велешкиот бос и дека тој регрутирал стотина поситни дилери на дрога, но иако беше во затвор, никогаш не беше осуден.
По убиството и по акцијата што ја спроведе австриската полиција која и се обратила на нашата, дојде до разбивање на мафијашката група и апсење на неколку десетина припадници на мафијашкиот клан од Македонија. Но, да повториме, сето тоа е сторено откако европските полиции, пред се австриската и германската решиле да ја запрат оваа мафијашка група. Ме-Ве-Рето, во овој случај со шефот на јавната полиција, попознат како „Радник“, едноставно немала кај да бега.
Дури и последниот случај на заплена на 1,5 кг течен кокаин скриен во пумпа за вода, што се случи во Охрид, е дело на странци. Од она што можеше да се прочита, дрогата чие стартно место е Боливија, најпрво била откриена од властите во Германија, но била оставена за да се види крајното одредиште. Притоа, Германците го известиле нашето МВР, по што овие немале каде, па морале да прекинат една пратка, за која, како што беше објаснето, требала да заврши кај нарачатели од познатото Велешта, Струшко.
Како што може да се види, борбата против активностите на мафијашките организации во Македонија се одвива само кога се мора. Добро, понекогаш се правата претстави. За да помине главниот транспорт, се открива нешто поситно, понекогаш и намерно подместено. Така е кај дрогата, така е кај цигарите, така е кај трговијата со луѓе.
Вие денес ќе ја видите македонската полиција, оваа со која управува ВМРО ДПМНЕ, која, исто како во најдобрите Фрчкови времиња, гони деца на Бит-пазар и запленува неколку десетина штеки цигари. Но, со години, пардон можеби и со децении, не сме чуле за заплена на организиран транзит на шлепери со цигари кои секојдневно влегуваат во Македонија, од кои дел остануваат и на македонскиот пазар. Апсењето на Бајруш, е сосема друга работа и таа нема врска со борба против овој вид криминал, но за тоа во некоја друига прилика.
Од сето погоре изнесено, белким е доволно јасно колку двете партии во Македонија што се менуваат во власт и опозиција може да ги сметаме како кадарни, што уште поважно, волни да се борат со мафијата и корупцијата. Тоа е така, затоа што врвови на двете партии, дел од нивните елити, до гуша се забраздени во криминал и се дел од мафијашки организации.
За разлика од нив, дури и многу криминализираната Албанија, чини нешто повеќе. Албанските власти во септември лани, во Валона го уапсија Албино Прудентино, шеф на една од поголемите италијански мафијашки организации, Sacra Corona Unita, а на 12 јануари годинава го екстрадираа во Италија, каде ќе одговора за трговија со дрога и за рекетарство. Светата Обединета Круна е со седиште во Пуља, Италија.
Пуља патем, е место во кое едвреме навреме македонски политичари одат на посета и одржуваат пријателски односи со тамошната локална влада. Оти сме имале многу добри односи со таа италијанска провинција. Одлични, би рекле!
Владимир Костовски
skopjeinfo.mk
![[Image: BC-BARI-30maj20063_zpse6f2a3f0.jpg]](http://i1193.photobucket.com/albums/aa357/jordan524/BC-BARI-30maj20063_zpse6f2a3f0.jpg)
