За случкава во Аеродром мене веќе ми делува дека ќе биде брзо заташкана и никој нема да понесе одговорност. Директорот гледам одма се истрча да дава изјави дека сите биле мирни и фини ученици, дека само си играле, дека не било ништо страшно...
Ако барем едно од децата што го фрлиле девојчето е син или ќерка на некој функционер, бизнисмен или барем пријател на раководните во школото, никој нема да одговара.
Уште јас кога бев средношколец имаше такви настани што се ставаа под тепих. Добро, не толку екстремни како овој, ама сега нови генерации, нови глупости. На повеќето директори и професори им е поважен „мирот во куќата“ и имиџот на училиштето, отколку доброто на учениците. Затоа булингот обично го сметаат за игра и зафрканција, а не за сериозна појава која може целосно психички да зафркне некој како личност.