Дела, а не зборови

[Струмикс]

По следењето на сите денешни дискусии на овој форум, и заклучувањето на неколку теми, се прашувам едно:
Дали сите во Македонија се чувствуваме толку многу задоволни од животот тука, па ни останало да се препукуваме на национална основа, на политичка основа, на незнам каква се не основа.
Да не бидам погрешно сфатен, убедувањата на луѓето се различни(партиски, национални), ама нели би требало сите да не обедини истата судбина која ја споделуваме - Македонија.Нејзината благосостојба,а на тој начин и нашата во неа.
Лично сметам дека целта нема да се постигне со фрлање дрва и камења по жителите од албанска етничка провиниенција, нити со бесполезни дебати во стилот овие крадеа,а другите не, едните се арни а другите не. Кога сите би ја работеле својата работа чесно, би било подобро, нели?
Значи:Дали во Македонија треба да се премине конечно на дела, пред се на економски план,за да излеземе од оваа летаргија, или сме задоволни од се, па сега ке расчистуваме според мене,небитни работи во моментот.

П.С. Ако модераторите и администраторите мислат дека не е местото за таква тема тука, или веке постои, нека ја преместат или заклучат.

Да се надополнам:Со оваа тема сакам да се обидеме сите форумџии заедно да дојдеме до некаков заклучок за тоа што всушност ние сакаме да постигнеме во Македонија, како да го постигнеме тоа што ни фали, но на еден конструктивен начин, и така да се обидеме да се запознаеме подобро едни со други.

 

[Дивајн]

Темава е повеќе од добра и нека остане овде дека е посветена на тие што се контраат тука најмногу.
Јас мислам исто како тебе, дека треба сите да се посветат на подобро утре со повеќе работа и дружба, а помалку омраза и решавање работи кои неможат да ги решат како што кажав претходно. Мислам дека е возможен еден подобар живот само ако луѓето го посакаат и се потрудат малку околу тоа.

 

[Мистичен]

Кругот е мал, а во него сме сите - пееа момците од К-15.

Темата е океј, исто како што во принцип е океј и дебатирањето. Без дебата, тешко може да се извлече било каков заклучок. Заклучок или поука не може да извлече ни човек кој упорно и хард кор стои на своето мислење, без разлика какви факти ќе му бидат приложени. Самобендисаност или глупавост поради која не може да разбере, можеби и двете заедно.

Во Македонија сите се незадоволни од се. Сите имаат проблеми. Проблемот е што на дело треба да прејдат политичарите, без нив ни народот тешко дека ќе може да го оствари тоа.

 

[Дивајн]

Во Македонија сите се незадоволни од се. Сите имаат проблеми. Проблемот е што на дело треба да прејдат политичарите, без нив ни народот тешко дека ќе може да го оствари тоа.

Да, имаат и тие што да направат за подобрување на целата ситуација, но за нормален соживот секако не се потребни нели? Потребен е само народот кој треба да свати дека животот и еден и краток за да се троши на жалење, кукање и омраза.:kajg:

 

[Перун]

Така е, викаm јас make love, ама... ..

 

[Мистичен]

Да, имаат и тие што да направат за подобрување на целата ситуација, но за нормален соживот секако не се потребни нели? Потребен е само народот кој треба да свати дека животот и еден и краток за да се троши на жалење, кукање и омраза.:kajg:

Да, ама само теоретски или по претпоставка. Во реални услови, политичарите какви подбуцнувања можат да направат или случаи кои ќе разгорат судири да исценираат...и најпаметните и најсталожените ќе загризаат. Ако некој сака да направи проблем, ќе направи.

 

[Струмикс]

Се согласувам со мислењето на Мистичен дека мора да тргне тоа од политичарите.За да тргне на арно, во нив е волшебното стапче. Мое мислење е дека во ситуација кога би имале висок животен стандард, ретки би биле тие кои би ја насочувале сета своја енергија кон дебати водени од омраза. Едноставно би уживале во животот.

 

[Macedalien]

No comment.

 

[Serdarot]

зависи кој како. некој константно работи и се труди, некој џаболеби, а некој растура.

проблемите во државата не се измислени, и расколот меѓу Албанците и македонците ниту е свеж, ниту е мал (се прошири малку со помош на шокојте команданти), ниту е безопасен.

и да е уште полошо, едните се убедени во својата „верзија“, а другите во „својата“... и некој паметен би рипнал јуначки и би рекол „вистината се крие некаде на средина“

а дали?

мислам дека не, всушност, убеден сум дека не. Дел од Македонскиот Народ Е жртва на Албанскиот Национал-шовинизам и жртва на Албанската национална „ренесанса“. Сеуште имаме присилно расселени лица од Тетовско-Гостиварскиот (можеби и од Кумановскиот) регион.

И дел од Албанскиот Народ Е жртва на политичките игри на „запад“. Само шо ко ќе тие го сватат тоа, најверојатно многу повеќе Албански гробови ќе има низ балканите...

Е сега, дела, не зборови... по мое некогаш зборовите се првите или правите дела.

Зато, да почниме со дела преку зборови.

Ете јас, од името на сите кои мислат исто или слично ко мене, им се извинувам на сите Албанци кои ќе го прочитаат ова, им се извинувам за секоја навреда и неубав муабет шо јас сум го напрајл, или мојата фамилија, и мојот круг на пријатели. (познаваќи ги пријателите, знам дека истото би го направиле)

Им се извинувам за секој НЕПРАВЕДНО убиен Албанец во Македонија, без разлика дали бил убиен од етнички Македонец, Србин или Ѓуптин, или шо знам јас...

Им се извинувам за секој шамар и клоца шо ги добиле НЕПРАВЕДНО од Македонска полиција, војска и други државни службеници.

И се извинувам затоа шо навистина ми е жал за нивните НЕВИНИ жртви исто ко за нашите, човек е човек, душа е душа, жртва е жртва.

И афтоматски ми иди еден муабет:

Кога ќе оди некој албанец кај тетка ми да и се извини од името на Албанскиот Народ? ќе биди убав почеток... ама до сега никој не отишол, а нивните „борци за права“ и го мачеа детето полуизгорено, ни живо, ни умрено...

Зато зборат полни со гнев многумина тука. во право сте до некаде, да беа задоволни, немаше да се замарат со такви работи, ама не се. Ем ебани, ем тепани, ем убивани, на крајот и државата сакат да ни ја земат... па чудо е шо не полуделе скроз луѓето, и не почнат уште понасилно да се однесуваат. на многумина ни е познат шерифлукот на дел од албанската популација. мижење и преправање дека не е така НЕМА. реалноста е таа, кој сака нека ја согледа и обработи, кој не, нека биди здрав и жив.

А дела треба да праите и да праиме, не да чекаме политичарите да почнеле конечно бла бла бла бла бла бла....

Со такво мислење, самите се деградирате во фиром-офци, зато шо офците чекат да дојди офчаро и да ги поведи на убава ливада со сочна трева и вегетеријанци-волци. Ама и офците заебани, па или за Велигден или Бајрам или онака од досада заклани, или наместо трева, треба да јадат трње.

дела се нешто друго, дела се акција, работа, творење, ширење на една друга фреквенција наместо постоечкава - деструктивната...

продолжува...

 

[Jakov]

Се согласувам со мислењето на Мистичен дека мора да тргне тоа од политичарите.За да тргне на арно, во нив е волшебното стапче. Мое мислење е дека во ситуација кога би имале висок животен стандард, ретки би биле тие кои би ја насочувале сета своја енергија кон дебати водени од омраза. Едноставно би уживале во животот.

Абе од политичарите баш да тргне што знам. Некако не ми е верно тоа дека ќе испадне на арно. Гледам секој ден на телевизија и македонска работа, кога немаш свои ќе навиваш за странци. Седам и како мало дете се радувам и навивам за француските студенти, и синдикатите. Незнам ни зошто се бунат ни кој е во право кој е во криво. Гледам имаат фин Премиер, стокмен, секси тип ама ипак не ми иде да навијам за него.
Што сакав да кажам.
Им се восхитувам да ви кажам право, студенти значи деца на 18-24 години демонстрираат против нешто кое ќе ги закачи после некоја година и решени се да идат до крај.
Кај нас секое појавување на било кој мамалаз во Собрание или ЦК и секој негов збор не носи се подлабоко во гомнава во кои се удавивме последниве 15 години и никој не реагира. Сите квакаат у празно.
На сите им смета законот за пушење и новите цени и тоа го кажуваат јасно и гласно у кафана со цигара у рацете. На сите им смета невработеноста и реагираат на тоа со зборовите “Кој ги ебе, јас се пријавувам у завод за плави картони, не за нешто друго“.
Ние не ги имаме научено основните лекции за добро поведение и градење на држава. Ние идеме и палиме оган, блокираме улици и раскрсници за курташак да си прави некоја политичка партија. А кога ќе дојде јајцето у газот(зашто на газот одмна ни беше) сите по кафани ем библиотеки кидаме. И после секакме Бучко Гвуевски да не извади од гомната како не бе!!!
Се знае како се прави тоа. За држава како Македонија доволно е првата недела мирно да протестираат до 10 до 12 000 луѓе. Во понеделникот (втората недела) да им се придружат по 1000-2000 од неколку градови од внатрешноста. ВО среда да бидат првите мали инциденти со полицијата и во петок нормално ко револуционери 50-70 000 пред Собрание неколку иљади внатре палат кршат ебат мајка и крај. Искача некоја неафирмирана будала и тераме даље. Главна поука следниот кој ќе седне на чело и кој ќе ја убрља ќе помине исто како тие пред него.
Има и друг рецепт ама тој не сакаме да ни се деси. Имаме добар стадион, една вечер сите собери ги таму. кррр кррррр и после нека им даваат имиња на улици у Сантијаго де Чиле по нив. Само за тоа ни треба некое мајорче со ептен големи и влакнести. Али да не дојде до тоа.

 

[Serdarot]

е мој јакове. за муабетот шо ти го правиш треба или петли или лавови, ама во никој случај офци. офците, и ако се 2 000 на број, при појавата на првиот волк, или ќе почнат да бегат, или ќе почнат глупаво да блејат со надеж дека волкот ќе го чапни тој до нив, дека тие ќе куртулат...

Кој да и објасни на кутрата глупава оФца дека волко утре пак ќе биди гладен? Кој да им објасни дека 3-4 брава ако го затепаат волкот со роговите, коските ќе му ги искршат и вегетаријанец од него ќе напраат?

Кој да им објасни дека не треба една офца да се жртвова и изиграва херој, да го предизвика волкот на мегдан „ека ек”?
Доволно е сите да се затрчаат во еден правец, ОРГАНИЗИРАНО, да нема стампеда, да нема невини жртви, туку само волкот или волците да бидат прегазени.
Како да му кажеш да Народот дека силата е во нив, само не си ја знаат силата...

Како да му кажиш да некој со врзани очи, дека очите му се врзани, ако тој секогаш кога пробаш да му кажиш нешто, ги затвара ушите?
-----------------------------------------------------------------------

Едни од главните проблеми кај нас се дефанзивата, летаргијата, ништопраењето...

многупати се прашувам, доколку ние кои имаме „моќ” да видиме некои работи такви какви што се, ќутиме и не превземаме ништо, дали сме соучесници во уништувањето на стадото?

Дела? да, време е да се почни конечно да се делува! нме да е време, туку аџале е работата!

и секој изгубен час, секоја изгубена прилика на некого од твоето стадо да му објасниш дека патот по кој оди ќе го доведе до провалија, е една расплакана Мајка повеќе, една црнина повеќе, еден чекор подалеку од раатот.

Зато, по мое, луѓе ко Сторм, Еко, Принц и други, ако навистина го мислите тоа шо го зборувате, тогаш треба да почните на своите офци да им објасните некои работи...

Дела, преку зборови, кои ќе родат нови дела и нови зборови, дела и зборови кои ќе ни го вратат звукот на зурлите и тапаните, оџи и попои, за свадби и крштевки, не за закопи и војни

 

[Jakov]

Сердар......
Очигледно е дека сме заедница на контрасти и аномалии. Во оваа држава офците ги тресат работите. Ене оние на Џемаили ем мртви ем тресат, а и пари носат.
Околу летаргијата што ја споман. Има една апсурдна работа. Секоја година на приемни испити на Филозофски најнеодоговорено прашање на тестовите по социологија е
Што е конформизам?
уствари и не е апсурд. конформистите немора да знаат што се битно им е да се тоа што се.

 

[Serdarot]

прашај го буќко за конформизам, тој комфорно се чувствува со процентот од 700-те илјади евра шо си ги делеа со некој

+ како професор би требало да знае шо значи тоа...

јас знам шо се маки народни, конформизам заборавив шо беше...

 

[Sotir]

Темава е повеќе од добра и нека остане овде дека е посветена на тие што се контраат тука најмногу.
Јас мислам исто како тебе, дека треба сите да се посветат на подобро утре со повеќе работа и дружба, а помалку омраза и решавање работи кои неможат да ги решат како што кажав претходно. Мислам дека е возможен еден подобар живот само ако луѓето го посакаат и се потрудат малку околу тоа.

Јас мислам дека темава треба да ја заклучиш, пошто по малку задира во мултикултурните-мултинационалните чувства на граѓаните на „нашата држава“ и може да го поткопа соживотот во републикава доколку одредени „структури“ почнат да дискутираат по истата.

А исто така мислам дека со заеднички напори (на Македонците и на Албанците), доколку запнеме добро, ќе успееме да го испратиме и првиот Македонец во орбитата, а можеме и да почнеме со истражување на Јупитер. Само мораме сите заедно (и Македонците и Албанците да се сконцентрираме на тоа). Ама ова кога би живееле во 2348 година. А ако малку ги симнеме розевите наочари, тогаш ќе видиме дека живееме во една „безимена земја“ во која секој си тера по свое, само „припадниците на најголемата заедница“, т.е. нејзините водачи се обидуваат на сите да им удоволат, па макар и по цена да ја расчеречат својата заедница.

Сега може да ја заклучиме темава а? Дај јас еднаш да бидам последен, да се порадувам малку, а?

 

[Serdarot]

не

зато шо само зборови се тоа
и тоа празни зборови (сакразмот само некогаш е ок...

премини на дела