Во документите на ЕУ веќе нема да се користи кратенката ПЈРМ

[Bratot]

Европратеникот Ерик Мејер врз основа на чиј извештај Европскиот парламент ја усвои резолуцијата за Македонија вели дека своевидна победа е што за првпат на расправата во Европарламентот нормално се зборувало за Македонија, а не за ФИРОМ.
Тој во неговиот извештај до Европаламентот предложи дека името не смее да биде пречка за европска интеграција на Македонија што беше прифатено во резолуцијата.
- Службената позиција на ЕУ е дека сé уште не сте признаени според уставното име Република Македонија. Спорот во Европскиот парламент оди во три различни насоки: оние кои велат Македонија, како мене, оние што велат ФИРОМ и одбиваат да употребат било што каде се содржи името Македонија и службениот став, потврден неодамна, дека во документите на ЕУ ќе стои Поранешна југословенска република Македонија без да се користи кратенката ПЈРМ, истакнува Мејер во интервјуто за Македонската редакција на Би-Би-Си.
На прашањето дали беше неопходно менувањето на формулацијата Мејер вели: - „Во првиот документ јас дадов свој личен предлог, а сега конечниот исход е под влијание на парламентот, а мнозинството мислам, е донекаде помалку пријателско кон вашата земја од мене. Тоа игра улога. За прв пат е важно што во оваа дебата, нормално се зборуваше за Македонија а не за ФИРОМ, што е важна разлика бидејќи во минатото во секоја дебата, кога некој ќе употребеше Македонија, некои членови стануваа и велеа дека името е забрането и не смее да се изусти а тоа не се случи на дебатите во средата и четвртокот. Тоа веќе е своевидна победа".
Прашан дали дијалогот меѓу ВМРО-ДПМНЕ и ДУИ го смета како предуслов за отворање на преговорите за зачленување на Македонија во ЕУ Мејер вели да, но не само разговорите меѓу ДУИ и ВМРО-ДПМНЕ, туку и договорот меѓу лидерите на, како што вели, главните две етнички групи, се смета за мошне важен.
- Ако идејата е Македонија да не се однесува како мултиетничка држава потврдувајќи дека има различни јазици, во владата и образованието, тогаш имате проблем. Бидејќи другите членки на ЕУ ја признаваат разновидноста во себе, особено земјата со која можеби најлесно се споредувате - Белгија со своите две големи јазични групи, сега треба да има прифаќање кога ќе се користи едниот јазик, а другиот не, истакнува Мејер посочувајќи го како важен напредок во образованието на албански јазик Универзитетот во Тетово.
Иако не влезе во завршната резолуција во извештајот Мејер истакнува дека Македонија има незаконски ѓубришта долж патиштата, реките и шумите.
- Видов ѓубре и го видов загадувањето на Вардар кое е едно од најголемите во Европа иако немате некоја голема индустрија. Тоа е едно од важните прашања во Европа. И самите членки во изминативе десет години мораа да напреднат по ова прашање, бидејќи се сфаќа оти не можеме да преживееме ако не го чиниме тоа, вели Ерик Мејер во интервјуто за Македонската редакција на Би-Би-Си.
Европскиот парламент во својата резолуција го поздрави напредокот на Македонија откако стана кандидат за членство во Европската унија. Но, за тој напредок да биде проследен со отворање преговори за членство, Парламентот ги повика сите страни во земјата да го консолидираат духот на дијалог во решавањето на разликите меѓу нив.

http://www.mrt.com.mk//index.php?option=com_content&task=view&id=11730&Itemid=27

 

[Bratot]

Името не треба да биде услов за членство во ЕУ

Прашањето околу името на Македонија не треба да биде дел од условите за членство на земјата во ЕУ, се наведува во извештајот на европратеникот Ерик Мејер за Македонија, што Европскиот парламент го усвои со големо мнозинство.
Во извештајот во исто време се бара што е можно најскоро отпочување на преговорите за членство на Македонија во ЕУ.
Европратениците сметаат дека прашањето околу името на никаков начин не треба да претставува пречка за започнување на преговори и за зачленување на Македонија во ЕУ и тоа не може да биде дел од условите, бидејќи како и за сите дриги земји-кандидати единствен услов за интеграција е исполнување на критериумите од Копенхаген.
Во извештајот се поздравуваат реформите во Македонија и се псочува дека темпото на нивно спроведување треба да продолжи и дека усвоеното законодавство треба да се имплементира на ефикасен и брз начин, посебно во сферата на полицијата, судството, јавната администрација и борбата против корупцијата, со цел да се воспостави вистинска пазарна економија, да се стимулира економскиот раст и да се подобри бизнис климата.
Европратениците ја поздравија соработката на македонската Влада во сферата на заедничката европска надворешна и безбедносна политика и одбраната, особено поради учеството на Македонија во мисијата АЛТЕА на ЕУ во Босна и Херцеговина.
За време на вчерашната пленарна дебата по извештајот, европарламентарката Елс де Гроен оцени дека „не било паметно“ Македонија две години да се остави без датум за преговори, знаејќи колку таа во минатото се бореше да и се доближи на ЕУ.
- Недавањето датум на Македонија ме потсетува на раѓање на бебе, на кое потоа му го оспорувате изводот од матичната книга на родените. Затоа апелирам до Советот и до Комисијата да ја преразгледаат својата две години стара одлука и да и го дадат тој документ на Македонија, истакна Гроен, додавајќи дека „таква прогресивна одлука ќе биде стратешки мудра за ЕУ, како и за Македонија“.

Разгорени страсти
Извештајот на Европскиот парламент за Македонија во кој се наведува дека прашањето околу името не треба да биде дел од условите за членство на земјата во ЕУ, ги разгори предизборните страсти во Грција, коментира атинскиот весник „Нафтемборики“.
Весниците ја пренесуваат изјавата на грчкиот европратеник од редовите на Левата коалиција (Синаспизмос) дека извештајот на Европскиот парламент едноставно само птоврдил една вистина оти е пропуштена шанса за наоѓање компромисно решение за името кое би било прифатливо за двете страни.
Весникот „Етнос“ го цитира поранешниот грчки министер за надворешни работи и член на опозициското Сегрчко социјалистичко движење (ПАСОК), Теодорос Пангалос дека Владата на премирето Костас Караманлис се однесува како „набљудувач“ и дека води политика на двојни стандарди во однос на спорот околу името.
Во одговор на нападите на опозицијата шефот на грчката дипломатија Дора Бакојани го обвини ПАСОК за „ситнопартиски игри, популизам и вештачко создавање тензии“, наведува „Етнос“.
„Елефтеротипија“ оценува дека грчките европратеници „не успеале да се пребројат“ и да се изборат за исфрлање на некои делови од извештајот во кои се споменува постоењето на македонско малцинство во Грција. Според весникот, во првичната верзија на извештајот имало и текст во кој сите земји-членки на ЕУ биле повикани да ги признаат македонските пасоши.
Весниците одбележуваат и дека во извештајот Европскиот парламнет ги повикува Атина и Скопје да продолжат со преговорите во ОН за изнаоѓање на решение околу името.

Треба да се наградат постигнувањата на Македонија
Македонија формално има статус на земја кандидат за членство во ЕУ, но треба да се донесе одлука за одредување датум за почеток на преговорите.
Не треба да се занемарат огромните напори кои Владата на популарниот премиер Никола Груевски ги вложува во спасувањето на честопати тешкиот дијалог со етничките Албанци од опозицијата, како и храбрите реформи и конструктивниот приод кон косовското прашање. Постигнувањата на неговата земја треба да се признаат и да се наградат со тоа што ќе се дозволи неговата земја да оди на следното ниво на скалилото на Европската унија, оцени шефот на словенечката дипломатија Димитриј Рупел во авторскиот текст објавен во престижениот весник „Индипендент“.
Европската унија треба што побрзо да ја пополни „празнината“ меѓу Словенија и Грција и тие земји да ги прими за свои членки, пишува министерот за надворешни работи на Словенија Димитриј Рупел.
Како шеф на дипломатијата на Словенија, која на 1 јануари 2008 година го презема претседавањето со Европската унија, Рупел се надева дека дотогаш Унијата ќе „заврши со барањето на својата душа“ и така ќе се создадат услови за одамна ветеното проширување со сите земји од југоисточна Европа. Европската унија треба да го зацврсти јужното крило со привлекувајчи ги, што е можно побрзо Албанија, Босна и Херцеговина, Македонија, Хрватска, Црна Гора и Србија (вклучувајќи го и Косово).
Во авторкиот напис Рупел оценува дека доколку Европа не го направи тоа би можела скапо да ја плати својата неодлучност, додавајќи дека за југоисточна Европа треба да се размислува како за корисна прилика, а не за товар. „Ова е богат регион: не само со туристички и културни атракции, туку и со енергетски врски и човекови ресурси. Тука лежат традиционалните и модерни корени на источниот Медитеран“, оцени Рупел.