Oчигледно згрешен тимов уште на почеток. Тоа флуиден напад може да помине против екипа која малку од малку игра напаѓачки фудбал и ке ти остави простор. Вест Хем што со 9 играчи се брани во свои 16 метри, џабе ги ротираш Бруно, Куња, Мбеумо и Амад. Бруно е 10% од играчот против екипи кои се бранат длабоко, едноставно, нема простор за него тука со неговите пасови во празно. За вакви екипи треба класичен напаѓач, што и се виде на крај со шансите на Зиркзе и голот на Шешко, кој патем, каков само голгетерски финиш.
Кој и левак да ставиш на лево крило, нулиран е, затоа што до него веднаш имаш уште еден левак Шо, и Мартинез, уште еден левак. Ова ги вади веднаш Мбеумо и Амад од замислата. Не разбирам зошто идејата е да се направи триаголник со 3-ца леваци на лева страна, кога очигледно не иде ако немаш центарфор.
Голот права плетора од грешки. Шо 2 грешки направи во истиот напад, Мартинез наместо да го нападне веднаш Бовен, остави некој друг од подалеку да се обиде да го затвори, па на крај ни играч, ни простор не одбрани.
Амад е за ќотек. За цели 90 минути, 2 пати се обиде да го помине бекот на Вест Хем, на кого патем посилна страна му е офанзива. Она на крај и не се коментира. Не знам зошто Керик не му даде инструкции да игра 1 на 1 со бекот, наместо цело време да ја рециклира топката.
Лоша утакмица, нажалост. Поклонивме гол, млитави во напад, згрешена постава, и додај на сето тоа, некои braindead потези на наши играчи, и тоа е исходот. Никој нема да ти подари победа во ПЛ. Добро е што Челси прокоцка сигурна победа, и се надевам утре на победа на Сандрленд.
