Најубавите стихови во Библијата

[Darling]

Јован
11:25
Јас сум воскресението и животот; Кој верува во Мене, и да умре, ќе живее.
11:26
И секој што живее и верува во Мене, нема да умре довека.

 

[Лаик]

1 Солунјаните 5
21-Проверувајте се што се проповеда и држете се до тоа што е добро.

 

[Хептаграм XI]

„По нивните плодови ќе ги познаете. Се бере ли грозје од трње, или смокви од чичка?“
- Матеј, еден од побитните христијански апостоли

 

[Tyrael]

1 Во почеток беше Словото, и Словото беше во Бога, и Словото беше Бог. 2 Тоа беше во почетокот во Бога. 3 Сè стана преку Него, и ништо, што стана, не стана без Него. 4 Во Него беше живот и животот им беше светлина на луѓето. 5 И светлината свети во темнина, и темнината не ја опфати.

 

[zspirit2]

Дојдете кај мене сите уморни и обременети, и јас ќе ве одморам. Земете го јаремот мој на себе, учете се од мене, зашто јас сум кроток и понизен по срце, и ќе најдете одмор на душите свои. Зашто јаремот мој е сладок, а бремето мое e лесно.

Матеј 11: 28-30

 

[alf]

Трета книга Ездра 1

27. Вие како да не Ме оставивте Мене, туку се оставивте себеси»», вели Господ.

 

[Хептаграм XI]

„Стани, Господи, за да не се засили човекот; народите нека примаат суд пред Тебе.
Заплаши ги, Господи, за да разберат незнабошците дека се само луѓе.“
- Псалм 9:19-20​

 

[alf]

Откровение 2

2. ги знам делата твои, трудот твој и трпението твое, и дека не можеш да ги трпиш лошите; знам дека си ги испитал оние што себеси се наречуваат апостоли, а не се, и дека си нашол оти се лажци;
3. дека си претрпел и дека имаш трпение, дека си се трудел за името Мое и дека не си се уморил.
4. Но сум против тебе, зашто ја остави својата прва љубов.

 

[Византиецот]

„По нивните плодови ќе ги познаете. Се бере ли грозје од трње, или смокви од чичка?“
- Матеј, еден од побитните христијански апостоли

 

[Лаик]

(Кол 2.8) - Браќа, пазете некој да не ве заведе со филозофија и со празна измама според човечкото предание, според стихиите на светот, а не по Христа.

 

[Лаик]

Духот е тој што оживува,телото ништо не помага. Зборовите што ви ги кажав се дух и живот. (Јов. 6.63)

 

[Tyrael]

Матеј 6:
5. ,,А кога се молите, не постапувајте како лицемерите, кои сакаат да бидат забележани од другите кога се молат по синагогите и по плоштадите. Ве уверувам дека друга награда за нив ќе нема!
6. А ти, кога ќе се молиш, влези во својата соба, затвори ја вратата и помоли Му се на твојот невидлив небесен Татко, Кој го гледа тоа што е тајно и ќе те награди јавно.
7. Кога се молите, не редете празни зборови, како што тоа го прават оние што не Го познаваат Бога, мислејќи дека ќе бидат услишани поради својата речовитост.

 

[alf]

Книга Мудрост Соломонова

13. Бог не ја создал смртта и не ѝ се радува на пропаста на живите;

 

[alf]

Прва книга Мојсеева

19. И си рекоа помеѓу себе: „Ене оној што сонува, иде.
20. Ајде сега да го убиеме и да го фрлиме во некоја од овие јами, па ќе речеме – лута ѕверка го изеде. Тогаш ќе видиме што ќе стане од неговите соништа.”

 

[Хептаграм XI]

„Блажен е човекот, кој се здобил со мудрост, и човек, што спечалил разум;
подобро е да ја добиеме неа, отколку ризници со сребро и злато;
таа е поскапа и од скапоцени камења; ни едно зло не може да ѝ се спротивстави; таа им е добро позната на сите, што се приближуваат кон неа, ништо, па и сè што ти е мило, не може да се спореди со неа. “
- Соломонови Изреки, хебрејски мудрости