Страшни фотографии од Русија на Ленин: На пазар продавале човечко месо, јаделе мртви за да преживеат
31.12.2016 | 14:07
Извор: Точка
Прочитано: 8269 пати
Испрати на пријател
Зголеми го фонтот
Намали го фонтот
Вознемирувачките фотографии прикажуваат луѓе кои продаваат делови од човечко тело, вклучувајќи и глави и тела од деца, бидејќи, за да ја преживеат гладта која владеела во Русија во текот на 20-тите години од 20. век, станале канибали.
Повеќе од 5 милиони луѓе умреле во периодот од 1921. до 1922. година од глад и беда кои владееле во тоа катастрофално време.
Економските проблеми по Првата светска војна, 5-годишната граѓанска војна, сушата во 1921. година, но и наредбите на Ленин за преземање на храна од сиромашните, довеле до тоа дури 30 милиони Руси да останат без животните намирници.
View image on Twitter
Follow
The New Viewer @TNewViewer
Photos show how 1920s Russian famine turned peasants into cannibals
http://viid.me/qyj5ni
3:35 PM - 30 Dec 2016
Ленин тогаш изјавил "Нека гладуваат селаните", поради што многумина за да преживеат почнале да тргуваат со човечко месо на црниот пазар. Руските академици истражувале примери на канибализам и јадење на лешови, а во еден случај откриле и како една жена одбила да го предаде мртвото тело на својот сопруг бидејќи сакала да користи неговото месо за исхрана.
Изгледнетите селани дури и откопувале неодамна погребани покојници само за да дојдат до нивните тела. Некои јаделе трева и своите домашни миленици.
"Семејства убивале и јаделе татковци, дедовци и деца. Грозните приказни за колбаси од човечко месо можеби делуваат неверојатно, но тоа била секојдневната страшна реалност", рекол еден научник.
Ужасните слики како од концентрациони логори прикажуваат деца сериозно заболени од неухранетост и со надувани стомаци, додека на нивните тела се гледа речиси секоја коска.
Еден од најлошо погодените градови бил Самара, кој се наоѓа во југоисточниот дел на Европска Русија, каде што реката Самара се влева во Волга.
И додека Ленин одбивал да прими помош надвор од Русија, поларниот истражувач Фридтјоф Нансен бил ужаснат од тоа што го видел кога дошол во градот во кој речиси сите жители умирале од глад.
Нансен започнал голема акција и собрал 40 милиони швајцарски франци, а потоа воспоставил 900 места на кои на луѓето им се делела храна.
Потоа, Ленин наводно бил убеден да одобри достава на меѓународна помош, а Нансен поради своите простапки заработил Нобелова награда за мир.
http://tocka.com.mk/1/218147/strasni-fotografii-od-rusija-na-lenin-na-pazar-prodavale-covecko-meso-jadele-mrtvi-za-da-preziveat