The Handmaiden -
WOW! Не очекував ништо ни малку слично на ова. Мислам: лезбејска драма. А ги имам гледано едни Carol или Blue is a Warmest Color, па некако сѐ натаму ми одеше паметот, очекувајќи и ова да се движи во таа линија. Нооо (за среќа), ова беше вистински roller coaster кој те прави да се мрднеш. Од убавини. Буквално.
Не знам од кај да почнам, и знам дека ќе испуштам многу, но бидете сигурни дека и тоа што сум заборавил да го споменам тука, и тоа беше врв. Прво нешто што ми помина низ ум кога го гледав е колку наликува на костимирана драма за викторијанско доба (и по музиката, и сетовите, и дел од костимографијата, и по целата аура која лебди околу филмот). Го изгледав, и читам рецензија на интернет - приказната била инспирирана од некој викторијански роман, што значи: не бил случаен мојот впечаток. Потоа: музиката беше мелем за уши, кинематографијата со продукцискиот дизајн и костимографија, пак, мелем за очи. Сценариото перфектно! Од секоја можна реплика, до секој најситен детаљ... Приказната мајсторски раскажана, преку три перспективи кои самостојно кажуваат секоја по една лага, за на крај од нив гледачот да успее да ја конструира целата вистина. Филмот е баш отплеткување на едно замрсено и заплеткано клопче, нешто кое навидум изгледа преедноставно. Корејците годинава дефинитивно се на врвот на светската кинематографија. Не знам што уште да кажам, сѐ е прекрасно, а јас, ваков, опиен од убавини, само ќе си останам да се надевам дека ќе следат уште вакви ремек дела од годинава која полека изминува.
