Под алтернативна медицина, спаѓаат сите практикувања кои се базирани на верувања кои се некомплементарни со природните науки и не се покажани како точни со научниот метод. На пример, фитотерапијата и нутриционата суплементација, се едни од најзаебаните бидејќи имаат чат пат наука, а имаат и доста срања, што ја прави хербалната медицина, каша попара.
Не дека не постојат бенефити од некои суплементи и билки, дел од тие бенефити не се познати, а дел познати и јасно потврдени по пат на ригорозни научни тестирања, со што се проблематики кои спаѓаат во рамките на ботаниката и фармакогнозијата, а тоа не е алтернативна медицина и е многу мал процент од хербалната медицина.
Останатот процент се бабини деветини и шамански причи, со еден збор, плацебо.
Добар процент се и опасни, ко тие кинеските и индиските срања со олово у астрономски величини.
Индустриите за произведување на суплементи, го искривуваат тоа што го покажуваат научните студии, со што на неуката јавност, го сервираат во форма на полувистини. Purity first, смртните случаи во Хаваи со OxyElite, смртните случаи од Ефедра и многу други примери, покажуваат дека далеку од „безопасни, природни и здрави“ се сите суплементи достапни за купување.
Понекогаш, дозите во кои се произведуваат активните супстанции, се неколку пати поголеми од препорачаните, а некогаш продуктот не го содржи тоа што пишува дека го содржи, поради што ФДА има затворено многу такви компании, што ја прави целата работа позаебана.
Регулациите за компаниите кои произведуваат суплементи, се различни од тие коишто произведуваат лекови, со што, првиве не мора да приложат никаква научна евиденција за медицинската ефикасност на суплементите. За да не го јадат од законот, на умешен начин ги регулираат описите на нивните производи.
Нигде нема да прочиташ дека суплемент Х „лечи рак или спречува фаќање на дијабетес“. Ќе прочиташ дека суплемент Х „помага при третирање на рак, инфламаторни болести, можеби го намалува ризикот за фаќање на дијабетес и слично.“, пошто знаат дека науката не им штима ама наивни луѓе кои веруваат во различни „натура, природно и здраво!“ емотивно наштанцани бљувотини, ќе се залажат и ќе го купат срањето, со што евентуално ќе си го преебат здравјето повише пошто не побарале соодветна медицинска терапија.
За студијата со куркуминот погоре...
Студијата е една и покажува некоја корелација помеѓу конзумирањето на куркумин и намалувањето на шансите за фаќање на дијабетес. Истата студија треба да се репродуцира многу пати и да се направат ригорозни тестирања пред да се стигне до асална теорија за тоа што прави куркуминот, како делува куркуминот и во колкави количини е безбеден за конзумирање. И поради тоа, лековите се далеку посупериорна варијанта при лекување бидејќи све тоа поминува низ многу поригорозни процедури и регулации, а количината на све у лекот е прецизно искалкулирана со што се познати сите негативни ефекти и позитивните ефекти, со што нетото е у плус. Некои суплементи, се добра секундарна терапија заедно со примарната, а тоа го определуваат соодветни медицински лица и нема врска со алтернативна медицина.
Другите алтернативни практикувања ко лекување со енергија, хомеопатија и слично, не ги ни спомнувам пошто се комплетна превара и зимање пари од очајни и необразовани луѓе.
