Денеска, 11 септември, со скромна свеченост беше одбележана 71–та годишнина од првото ослободување на првоослободениот град во Македонија во времето на НОВ, Кичево
Отако беше интонирана македонската химна, пред музејот Западна Македонија во НОВ, беше подигнато знамето на Кичевско–мавровскиот партизански одред од страна на претставници на боречката организација. Знамето на јарболот ќе остане во наредните 21 ден, поточно до први октомври, период колку што траела првата слободна територија во Македонија. Потоа, на платото пред музејот беше изведен рециталот „Песни на мртвите поети“ од страна на Давор Јанкуловски и Андреа Ристески.
Малубројните присутни на свеченоста се упатија на Китиното кале, каде што пред спомен костурницата за воените случувања во кичевијата за време на НОВ и Илинден, говореше кустосот од кичевскиот музеј, Александар Нестороски.
На крај, на спомен костурницата во Паркот на револуцијата, делегации на општината, Сојузот на борците и на политичките партии, положија букети свежо цвеќе.