Кучиња кои постојано лаат и завиваат, закони за санкционирање и контрола

[PurplePuma]

Сум за спроведување на законите од областа на јавен ред и мир.
Ако кучето или соседот се погласни од законски дозволеното, си постои полиција која се вика.

И моето куче лае, како и секое друго - но едно е ,лаење, на мачка што претрчала, а сосема друго е лаење 40 минути без престан.
Тоа значи дека човекот кој го чува кучето, не му обрнува внимание, кучето не лае ако се чувствува добро.
Или е гладно, или е жедно, или му се оди по нужда, или едноставно - му е досадно.
Секој што не е спремен да ги задоволи потребите на некое живо суштество кое тој свесно одбрал да го чува, не ни заслужува да го има.
И треба да се казни.

 

[Juve-Fan]

Мене ми смета затоа што луѓето зборуваат. Ете, ме иритира звукот. И сега, како супериорно биче на планетава, има да барам да се санкционираат сите што ќе проговорат!

А?

Мене ми смета брусалица, бетономешалка, бормашина,бичкиџиска кола и се на Б изгледа ама во никој случај лаење и завивање.А чим кучето ги има овие знаци гарант не е задоволно од вниманието.

 

[PurplePuma]

а шо сакаш да прават, серенади да свират, претерувате со работи против природата

Не зезај, кога станува збор за мое куче можам очи некому да извадам, ама што е право - право е
Имавме кучка која чекаше да биде оплодена, веднаш во комшии, а овој мојов полн тестостерон, не прекинуваше да завива ако го оставиш сам (значи кога нема ,контролор, во видно поле).
Можев да го оставам 3 дена да умара све живо, ама тие три дена почесто седев со него, дур ме гледаше не правеше проблеми.

Чување на куче не е лесна работа, кој што сака нека збори.
Кучето ЌЕ комуницира со луѓето околу себе, и ќе бара начин да си ги задоволи потребите.
Тој што не е спремен да се справува со лошите денови на кучето, со омразата кон точно определени 2-3ца (што кучето ќе си ги одбере), со неговата потреба да се измоча на секој бандаж, со потребата од дружење со други кучиња (завива кога бара друштво), итн, ПОДОБРО ИЧ ДА НЕ ЧУВА.

Да, лаењето е природно за кучињата - но само и само кога имаат потреба од нешто.
Кучето нема да лае ако се чувствува добро и ако нема нешто што го вознемирува.

Куче што лае 1 саат, е како да видиш дете што плаче 1 саат - има потреба, нема кој да му ја задоволи.
Оставањето на кучето да биде гласно колку сака, е нехумано и према него, и према комшиите.

 

[AnFem]

Или е гладно, или е жедно, или му се оди по нужда, или едноставно - му е досадно.

Или комуницира со други кучиња во текот на ноќта. И што тогаш? Да му ја врзам муцката или да му ставам каивче што ќе го пецка со струја секогаш кога ќе залае?

 

[PurplePuma]

Или комуницира со други кучиња во текот на ноќта. И што тогаш? Да му ја врзам муцката или да му ставам каивче што ќе го пецка со струја секогаш кога ќе залае?

АнФемке, колку и да комуницира - еве мојов пред 15 минути прозборе со оние од соседна улица, гласното и постојано лаење не е нормално за ниту едно куче.
Мислам дека е една работа да залае, прво тоа никого нема ни да разбуди, ама сосема друго е 40 мин. без престан да лае.

Ги знам сите форми и облици и тонови на ,,лаење,, на кучињата, знам како лае кога некој доаѓа, знам како лае кога му се моча, знам како лае кога се договара за душкање со комшискиве, и знам како лае кога му е досадно и сака да игра.

Кај мене бар на улица, скоро секоја куќа има кучиња, и точно знам зошто некое лае.
Кучката што ја спомнав предходно, лае и во моментов, и наутро, и попладне и цело време.
Зошто не е пуштена низ двор да протрча, а не па некој да ја прошета, затоа што ја хранат комшиите, нејзините сопственици забораваат, затоа што сака да се дружи, ама нема со кого.

Нејзиното лаење е многу различно од она на фраеров мој пред малку.

Најлесно може да се спореди со дете што плаче - може да заплаче ако го изгребе коленото, ама ако 1 саат плаче без престан, сигурно има проблем - а нема кој да го реши.

 

[Prasko Karpozov]

Или комуницира со други кучиња во текот на ноќта. И што тогаш? Да му ја врзам муцката или да му ставам каивче што ќе го пецка со струја секогаш кога ќе залае?

Да не се мачи пумата да ти реплицира. Да толерирам, но моето куче е за мене златно и значи никој не смее да го чепка. Ако лае е тоа мој проблем мој живот мое право.

Да има кучиња кои лаат, но не го поддржувам тоа и максимално сум за тоа да се направи решение за овој провлем. Едно е куче да лае малку друго е 7 дена без престан.

И не дозволувам моето куче да лае цел месец без престан секогаш се грижам за кучето за разлика од некои сопственици на кучиња кои ги оставаат и по 2 месеца. Таквите треба да се казнат.

Но моето куче е мое и е мое право, мој живот.

 

[PurplePuma]

Што слушнав на крајот на вестите на сител,Ивона рече,Жерновски забранил да се чува куче по дома????
И треба да се забрани по станови....ако е точно,секоја чест....

Не можат да забранат чување куче во стан, можат да забранат одредени ,,практики,, кои сопствениците ги имаат
--- надополнето: 15 септември 2013 во 02:44 ---

Не правиме ништо, едноставно човекот е секогаш поважен од животното. Така да, ако мене твоето куче ми смета а со тоа не мислам на неговото постоење туку со постапки какви што спомнав погоре, тогаш ти едноставно не си кадарен ( способен ) да чуваш милениче. Кога подобро ќе размислам, овој проблем и нема две страни

Во заблуда си
Човекот не може без животните, ниту е поважен.
Природата е поважна од сите нас. Ако ве лажат во школо поинаку.
--- надополнето: 15 септември 2013 во 02:52 ---

Да се очекува мир и раат во сопствениот дом не е себичност, тоа е право на секој човек.


Твојот разговор со Amaterasu на страна, за другово што го пишуваш ама баш ИЧ не си ми јасен што всушност кажуваш?

Изгледа како да жалиш на губењето на индвидуалноста на луѓето што се научени да живеаат со животински миленици како кучињата (тотално бесмислена изјава патем)... Но всушност излегува дека се жалиш на тоа дека сега ќе бидеш приморан да си го дресираш миленикот да не лае како улав.

Пази кучињата и тоа како можат да се издресираат да НЕ ЛААТ ПОСТОЈАНО. Има и други опции како што повеќе пати напишав, огрлици кои ја работат твојата работа: го прекоруваат кучето да не лае (пуштаат мирис, или ултразвук, или мал напон).
Никој не бара да немаш куче, имај си го, чувај го, сакај го. Ама не можеш да дозволиш тоа куче да лае кога не треба да лае, и да им смета на соседите.

Едноставно немаш изговор да не го цивилизираш твоето куче. Сега кога почнуваат да се носат закони за овој проблем, не смееш ни да го игнорираш проблемот.
Освен ако не љубиш да плаќаш казни.

Ванлоче, мене ми е жал секад Бубу кога ми лае.
Ама секад, без исклучок.

Мрза жива е, и да лае му е тешко.

Еве една ситуација, и кажи ми ти мене кој е прав.

Покрај кучето, чувам и мачка и морско прасе.
Кучето и мачката ми живеат заедно.
На влезот на дворот имам голема табла - ПАЗИ КУЧЕ.

Е сега, имам една комшика која радо би ја затепала, озбилно.
Кучево мое ич не ја сака, затоа што ми влага во двор кога не сме дома, да ја гали мачката внука и.

Пред некој ден, лежам јас на лежалка во двор и читам книга, кутраков спие до мене - дворот како и секогаш затворен - кога е веќе кутракот пуштен.

И слушам едно лаење, мислам од опашка го извади, додека укапирам што се дешава поминаа неколку секунди.

И сфаќам дека моронката ми се прикрала во двор, отворила врата (пред која стои ПАЗИ КУЧЕ) влегла СОСЕ ДЕТЕТО во двор, и кучето само што ја примети и скокна. Не ја нападна, ниту некогаш нападнал било кого, ама беше накострешен и и попречуваше да мрдне од местото кај што беше и лаеше како чакнат.

Ти гарантирам дека сите комшии околу се разбудија, пошто беше поручек, сигурно одмарале, остај кучето што лаеше, почна и детето да плаче.
Сега јас одма го прибрав, му викнав и се тргна, ама кажи ми, што требаше да и направам на лудачата што дошла, се прикрала во двор (а ме гледа дека сум тука) гледа дека има куче и гледа дека има табла за куче, ЗА ДА ЈА ПОБАРА МАЧКАТА.

Како јас бев крива што сите мои комшии сигурно беа вознемирени?
Како може таа моја комшика да си земе за право да ми влага во двор кога сака, или да ми влага без воопшто да прозбори, да видам дека е тука?

Да ја нападнеше кучето јас немаше да бидам крива, сите законски мерки ги имам преземено, а таа башка можеше да добие и тужба за упад на приватен имот - ама дали до таму треба да одиме?


Барањето да ги цивилизираме кучињата е супер, и јас сум за тоа, ама прво треба луѓето да ги цивилизираме.

Повеќе стока имам во комшии, него во просечно бачило.

 

[Vanlok]

Мене ми смета затоа што луѓето зборуваат. Ете, ме иритира звукот. И сега, како супериорно биче на планетава, има да барам да се санкционираат сите што ќе проговорат!

Лошо го правиш ова, обиди се повторно.

 

[AnFem]

Лошо го правиш ова, обиди се повторно.

Не знам како, според твојата замисла, би требала да го изведам ова, битно си кажав што ми тежи на душата. Страшно ме иритира кога ќе чујам човечки говор. Глава ме заболува. Ќе барам да се укине говорот!

 

[Џонтра Волта]

Повеќе од една година трпам еден лингур како крвнички ме лае, кучето живее точно карши моето живеалиште. Комшиите го донесоа како малечко слатко кученце од расата Азијат, надевајќи се дека кучето стварно ќе израсне како азијат.

Но проклетото суштество порасна во една недефинирана форма на куче ја би рекол порасна како магаре, нон-стоп лае, кога некој ќе помине на улица копилето лае 20тина минути додека не му излезе газдарицата да го смири.
Почнува од такт да ме вади, у принцип сум голем љубител на животни но ова ме тера на убиство!!!

 

[Vanlok]

Како јас бев крива што сите мои комшии сигурно беа вознемирени?
Како може таа моја комшика да си земе за право да ми влага во двор кога сака, или да ми влага без воопшто да прозбори, да видам дека е тука?

Да ја нападнеше кучето јас немаше да бидам крива, сите законски мерки ги имам преземено, а таа башка можеше да добие и тужба за упад на приватен имот - ама дали до таму треба да одиме?


Барањето да ги цивилизираме кучињата е супер, и јас сум за тоа, ама прво треба луѓето да ги цивилизираме.

Твојот случај е јасен, комшивката твоја го крши законот. Твоја одлука е дали ќе ја пријавиш и/или кривично ќе ја гониш. Тој проблем е лесно решлив ако сакаш да преземеш акција, што несомнено ќе направиш ако истата продолжи да упаѓа на твој имот.

Но од друга страна, пред ваков закон да се донесе, каква заштита од полицијата би имале сите вие од вашата улица... од таа кучката со несовесни власници?
Кога закон опфаќа и претерано лаење, тогаш може и тој проблем да се реши.


Мислам дека се разбираме, нели?
Сосема е извесно дека некои луѓе се за никаде и немаат ни осет ни абер дека сметаат на другите окулу нив. За култура и етика ич па да не зборуваме. Еве гледаш и по некои „дискутанти„ тука.
За среќа повеќето од страњата што ги прават луѓето можеш удобно или да ги игнорираш (како на пример одредени пацери од форумов или од улицата) или можеш и кривично да ги гониш (како комшивката твоја).

Дури сега со вакви закони, се санкционираат и работите со кучињата кои претерано лаат. Еве пак во твојот пример, твојот двор е територија на твоето куче... па се разбира дека ќе лае кога непознат влегол на територијата. Или понекојпат да џафне, да залае со комшиите. Тоа е прифатливо.

Ама да забегува со лаење, дали од потреби, дали заради мачки, птици, комшии или минувачи што се извесно далеку и од дворот и од оградата на тој двор. Тоа е веќе неприфатливо. И сама знаеш дека има многу начини како куче да се научи нешто да прави или да не прави, вклучително и лаењето.
Е сега тоа што некои се мрзи и не си ги исполнуваат обврските кои доаѓаат со чување на куче... тоа е причината зошто ни требаат закони.
--- надополнето: 15 септември 2013 во 04:15 ---

моето куче е за мене златно и значи никој не смее да го чепка. Ако лае е тоа мој проблем мој живот мое право...

...твои казни за плаќање?

Не знам како, според твојата замисла, би требала да го изведам ова, битно си кажав што ми тежи на душата. Страшно ме иритира кога ќе чујам човечки говор. Глава ме заболува. Ќе барам да се укине говорот!

Дефинитивно не е тоа тоа. Пробај пак, ама овојпат потруди се повеќе.


*шепкање* -Пробај да бараш да: се забранат мобилните телефони, секој да мора со саати да зборува со сите комшии, ама исклучиво секој од сопствениот двор и обавезно да се вика и да се урла за да слушаат ама баш сите на улицата, а и во маалото... ЗА ДА БИДЕМЕ ЕДНАКВИ СО КУЧЕНЦАТА!!!

 

[Roko Dilan]

Дефинитивно треба да има закон за џукели,преку нос ми се дојдени со џукеливе!
--- надополнето: 15 септември 2013 во 08:23 ---

Sieg heil!

Шо раса е кучево???

 

[Uluru]

Лесно решлив проблем а? Па ајде да видиме...
Во Србија, уште пред времето на Белградското фијаско со данокот за опасни кучиња (поточно уште од 2005 година) важи законот за задолжително микрочипирање на миленичињата. Дури, кога србите го воведоа во 2005, преку целата година постојано се организираа акции за масовно бесплатно микрочипирање на кучињата со цел да се покријат што поголем број на животни.
Ланското даночно фијаско откри катастофален ефект од наплатен данок кај само 3% од регистрираните кучиња но и уште поголем проблем - сеуште има огромен број кучиња кои и покрај законот, не се чипирани или на било кој друг начин регистрирани, особено од опасните раси (се шпекулираше мислам дека бројката на нерегистрирани е и до 2-3 пати поголема од таа на регистрираните) така да е ммногу тешко да се пронајдат за да бидат опфатени со некоја законска мерка.
Овој проблем го имаат и многу други поразвиени земји - на пример на истиов проблем се укажува и во Велика Британија, каде моментално има масовна кампања за промена на законот за опасни кучиња. Во глобала иако има важечки закони, како овој за регистрација на кучињата, ако некој не сака да го регистрира кучето - нема да го регистрира, а ова особрно е случај со сопствениците на опасни кучиња кои се под закана од разноразни рестрикции.
Во нашава Македонија пак пак ќе кажам, многу одамна постои закон за задолжителна годишна регистрација на кучињата, како и закон за микрочипирање, кој нас задожително важи уште од пред 2 месеци но еве го парадоксот - во Македонија уште нема микрочипови со МК поставка (како по обичај уште не се стигнати) и уште поважно - сеуште не е пуштен во функција систем за електронска евиденција на истите. А и кога сето тоа ќе профункционира, пак тој што не сака, нема да го чипира кучето.
Значи, јас не велам дека не треба да има закони,туку дека не треба да има непромислени закони и вакви ретардирани одлуки како оваа и онаа од паркот за миленици каде е наведено ако не се лажам заштитни маски се задолжителни за одредени раси на кучиња. Епа драги мои, закони со кои за се ова што кукате дека не ви чини има и тоа многу одамна, само наместо да кукате за нови закони кои пак никој нема да ги спроведува, треба да кукате да се спроведуваат законите кои ги имаме. Инаку новокомпонираниве одлуки кога ќе дојдат до уставен суд ќе летнат како издишани балони затоа што се толку игнорантно формулирани што отворено ги кршат законите кои веќе постојат за овие проблеми.
Значи реално чипирањето ако профукционира како што треба дури за некоја година а и тогаш како ќе се спроведува е знак прашање, во меѓувреме иако со закон е забрането напуштање а и девокализација на кучињата (да да, постои важечка законска одредба за тоа) ние ќе сме ги забранеле да се чуваат! Па многу нормално дека голем број од нив ќе бидат едноставно испуштени на улица ни микрочп ни бутур!
Па сега видете дали реално нема некој да се најде во ситуација да биде соочен некоја вечер на улица од на пример некој ротвајлер кој никој не го воспитал и контролирал како што треба а сочен со казни и даноци сопственикот место да го регистрира едноставно го испуштил на улица. И сега со тоа куче кое за разлика од улично куче кое знае што е ќотек и кога треба да се тргне понастрана од луѓето, а ова е моќно и нема страв од луѓе а пак ако е плус и агресивно, што ќе ви се случи? Отворен лов!
Па башка па што имате одлука за маски за одредени раси а постои важечки закон за задолжителни маски за сите кучиња! Само заборавиле да воведат и отворена линија за тужби против општината за каснувања од кучиња.
Инаку пак ќе кажам немојте да мислите дека нешто којзнае што ќе се постигне со одлукава, и досега имаше каде да се пријави нарушување на јавен ред во форма на ексцесивен лаеж од куче, само што пријавувањето беше во форма на префрлање на топка помеѓу повеќе иституции кои едноставно не сакаат да се замараат, сега има само еден телефон повеќе за вртење.

 

[Vanlok]

...кога србите го воведоа во 2005, преку целата година постојано се организираа акции за масовно бесплатно микрочипирање на кучињата со цел да се покријат што поголем број на животни.
Ланското даночно фијаско откри катастофален ефект од наплатен данок кај само 3% од регистрираните кучиња но и уште поголем проблем - сеуште има огромен број кучиња кои и покрај законот, не се чипирани или на било кој друг начин регистрирани...

...пак тој што не сака, нема да го чипира кучето.

Па нормално е дека секој закон функционира онлку колку што се спроведува.

Тоа е извесно, исто како што е извесно дека со спродување на пропишаните мерки тој закон ќе функционира. Во ситуација кога санкциите за непослушност против законот се спроведуваат како што се пропишани, тогаш можност да се ескивира тој закон е само кучињата да се чуваат во илегала и исклучиво дома без вадење надвор. Само на тој начин околината нема да се посомнева нешто и нема да има пријави... Во тој случај, таа околина (соседите) не трпи штета па повторно се е во ред.

Да, секако дека кај нас и во соседството реалноста е таква каква што е, и законите ретко се применуваат.
Но ако зборуваме за принципи и за целосно спроведување на тој закон за идентификација преку микрочипирање, тогаш не гледам како е можно истиот да не функционира. -Секој што ќе го застанат со куче и ќе се утврди дека истото не реагира на читачот, е подложен на казни. Никој нормален не сака да плаќа казни и да води инает за нешто што на крајот на краиштата е за доброто на сите. Исклучоците можат додатно да го финансираат проектот преку плаќање казни.

Во врска со бранот напуштања кучиња, што би ја зафатил урбаната средина во почетокот на таков закон за идентификација на кучињата, пак повторувам дека тоа ќе биде еднократна појава која може да се стави под контрола со појачана шинтерска служба.
Впрочем тие што ќе ги напуштат кучињата заради инает и несакање да се идентификува кучето... тие и не заслужуваат да чуваат куче и ги само ги оцрнуваат и срамат совесните власници. Таквите и не чуваат кучиња заради љубовта кон истите.


Нејсе, одиме офтопик и да се вратиме на темата (има други теми, или можат да се отворат и нови, ако сакаш дискусија за законот за идентификација на кучиња). Микрочипирани или не... во урбана средина кучињата не смеат претерано да лаат и сега конечно тоа почнува да се регулира со закон. Дали ќе се спроведува или не, тоа тек ќе го видиме.

 

[annaja01]

Демант од Градоначалникот Жерновски...
Повторно манипулација од тв.Сител и Ивона Талевска....
Се работи за постоечкиот закон кој важи на територија на цела Македонија...а не како што кажа Ивона,со зборовите....Жерновски забранува чување кучиња дома....
До кога оваа телевизија ќе го манипулира овој “прост“ народ....