Хахахха па уште и странава од АМЦ е нешто сомнителна за Хром, така да не фала quart телефон. Овој сигурно е од истата гаража кај што ги прават 110% идентичните копии на Самсунг Галакси
Почитувани,
Следејќи ја дискусијата решивме официјално да се обратиме за да ги расчистиме недоразбирањата, недостатокот на информации околу производите од брендот Quart.
Брендот Quart е заштитно име (trade mark) на АМЦ ДОО и под него во моментот АМЦ увезува LCD, LED, 3D телевизори, паметни телефони и таблети.
Накратко во превод тоа значи, АМЦ ги контактира произведувачите (за кои не е тајна дека се од Кина, ќе се навратиме на тоа подоцна) од нивното производно портфолио бира производи, се контролираат производите и на крај се брендираат под брендот Quart и се продаваат. Во моментот брендот Quart е исто така достапен во Србија како и во Македонија со стратешка тенденција да стане регионален бренд. Квалитетот на производите од брендот Quart е нешто за што стои АМЦ со сето свое реноме, искуство и присутност на пазарот во Македонија. Значи за сите производи има обезбедено сервис, техничка поддршка, одржување како во гарантен така и вон гарантен рок.
Брендот Quart спаѓа меѓу таканаречените ценовно достапни В (Бе) брендови во кои има имиња и како Grundig кои се одликуваат со висок квалитет и секако визуелно добар дизајн.
Коментарите на некои веруваме недоволно информирани корисници како функционираат работите во принцип од типот на „се прави во гаража“, „се прави на брод“ и слично не сме сигурно дали воопшто треба да го коментираме бидејќи ако не се смешни би биле тажни. Што и да велиме за кинеските производи, факт е дека Кина станува најголема извозна сила на светот. Оние позапознаените знаат дека Apple производи како iPhone, iPad итн се произведуваат во концернот Foxconn кој е асемблер и на најголемиот број компоненти за лаптопи и персонални компјутери на светот (матични плочи). Foxconn исто така најчесто Foxconn ги склопува повеќето од компонентите за лаптопи и персонални компјутери на брендови какви што се HP, Dell, Toshiba, Asus, Acer и останатите светски ИТ премиум брендови.
Сите производи од Quart и пред да се брендираат поминуваат низ сертификациските постапки за CE, ISO и други безбедносни сертификати пропишани како од македонските тела, така и од Европската Унија. Доколку некој е вистински заинтересиран дали е тоа така, слободно го покануваме во седиштето на АМЦ каде ќе му се презентираат сите можни сертификациони документи за било кој производ од Quart кој е актуелен во моментот.
Контра на сите отровни коментари од оние нели кои пишуваат отровни коментари е корисничкото искуство на сите оние кои дома во моментот имаат телевизори, монитори или телефони Quart. Токму пишувачот на оваа објава, одговорен за маркетинг и ПР во АМЦ е лично голем фан на Quart и дома двата телевизори и мониторот за компјутерот му се Quart, веќе се стари по 2 години и воопшто немаат никаков проблем. Ги покануваме и другите корисници кои веќе имаат дома Quart да ги споделат своите искуства со цел да се развие вистинска дебата на искуства а не дебата на кој по отровно мислење ќе каже.
Веруваме дека доволно објаснивме општо за брендот Quart продолжуваме конкретно за телефонот QT550.
QUART QT550 и таблети Quart
Телефоните и таблетите Quart се кинеско производство во компанија која е создадена од поранешни инженери на Foxconn (како што пишавме фабриката која ги произведува iPhone и iPad) и кои решиле дека нема веќе да работат за други, туку за себе, излегуваат од Foxconn и отвораат сопствена фабрика. Се работи за познато име во круговите кои тоа го работат професионално а на обичните корисници тоа нема да им е важно.
Важно е дека пред воопшто да се нарача телефонот минуваат неколку месеци во дефинирање на спецификација, тестирање, проверка на квалитет, дури телефонот да излезе во продажба. Истиот модел телефон од овој произведувач низ светот е познат по разни имиња, кој трговец како го порачувал низ светот, така му ставал свое име. Значи телефонот не е нешто специјално направен за АМЦ, туку тоа се милиони и милиони телефони низ светот, само во Македонија ќе се викаат Quart.
Бидејќи ништо не се заменува со личното искуство постојано и преку социјалните мрежи и сите наши маркетинг канали апелираме, заинтересираните за овие производи, да дојдат во салон на АМЦ да го тестираат телефонот или таблетот пред да го купат. Така се создава меѓусебна доверба меѓу трговецот, брендот и купувачот.
Во прилог бидејќи без факти муабетот е само празна филозофија ви постираме неколку слики од хардвер тест софтверче кое ги покажува сите карактеристики на телефонот и benchmark споредба со исто такво софтверче со Samsung GalaxyS.
Дополнително ги покануваме сите оние учесници на форумот, кои имаат скептично мислење за телефонот, да дојдат во АМЦ, ќе се договориме, пишете на
contact@amc.com.mk да добијат телефони на тестирање со цел да пишат издржано мислење после вистинско користење.
Извинете за одземеното време
АМЦ ви посакува пријатен ден
Ако, знаеме дека тоа ти е работа...
