Значи пред да пишам сакам да разграничиме дека постовите ми се насочени во контрааргументи на кабалата, а не на ниедна личност од форумот, ок?
(за да нема "љутиш").
Колку да биде јасно за сите, тоа што изнесувам свој Христијански поглед во однос на кабалата не е воопшто стран и "паднат од небо", кога взаемно за Христијанството како и за кабалата критериумот по кој ги споредуваме нештата е базиран на Библијата (Стариот Завет, ако повеќе милувате...). Тоа значи дека го имам сето право да ги изнесам ставовите на Христијанството кои се судруваат со учењето на кабалата и секако, на нејзиното погрешно толкување на Библијата. Затоа ќе збориме од теза на аргументи и контрааргументи кои сигурно имаат допирни точки во Библијата, како што предходно се изнесов.
За да го спознаеш божественото е потребно да знаеш кој е вистинскиот Бог. Богот на Авраам, Мојсеј и Пророците е личносен Бог, Бог на Љубовта и нема врска со лажната "божественост" на кабалата кое е безлично (не е личност) и во суштина нема егзистеција, АИН. Така, ниту вистинскиот Бог нема врска со Адам Кадмон, едно ѕверско полубожество кое е содржано од "божествените енергии" и кое се уништува. Сигурно основната практика на кабалата е медитацијата и магијата со наводното "име божјо" е одговорна за развој на една таква лажна теорија за Бога. Медитацијата како практика, никогаш не била практицирана од Авраам, Мојсеј и Пророците и никој неможе да ги осуди за недостаток на искуство и арогантност кои го следеле вистинскиот Бог, а не биле следбеници на обредите и магиите на незнабошците во тоа време. Пророкот Илија им докажа на лажните пророци кој е всушност вистинскиот и жив Бог преку молитвата која ја изнесе за да го запали телето, кое лажните пророци (иако биле во екстаза и се самокамжикувале и боделе со разни ножеви) неможеле да го запалат и со тоа нивниот бог не бил вистинит, туку биле свештеници и слуги на ѓаволот кој нема сила. Ѓаволот, во главном се користи со техники кои ја уништуваат свеста - умот (медитација, хипноза, наркотици) и тие техники не водат кон спознавање на Бога, но кон една состојба на сон - фантазија. Тоа е докажано од разни експерименти направени врз мозокот (encephalogram) преку кои се докажало дека мозокот не се проширува, но напротив, работат зраците Алфа (Alpha) и Тета (Theta) кои покажуваат состојба на педсонска состојба или состојба на сон. Така ѓаволот создава разни фантазии (светли ангели, духовни светови, светли царства итн.) која во суштина не се вистински туку ѓавослки измишљотини. Значи се работи за обманувачка енергија од страна на ѓаволот.
Спротивно на ова, молитвата кон Бога (која е еден личносен активен однос меѓу човекот како создание и Бога како создател) нема потреба од такви практики-техники и може да го одбведе човекот во вистинско познавање на Бога, во вистинското Небесно Царство. Најверојатно ви е познато дека кабалата и христијанството се крајно спротивни, како спрема одговорите кои ги даваат во врска со Спасението, така и за верата кон Бога. Во кабалата богот Адам Кадмон, е уништен и човекот преку магија треба да го спаси. Таа лага на ѓаволот му ги "чешка ушите" на човекот и бидејќи е највискок степен на арогантност да верува некој во нешто такво, човекот верува дека така се жртвува и го доведува светот во спасение. Тоа е една голема лага бидејќи на лажниот бог не му е потребно спасение. Вистинскиот Бог ниту се уништува, ниту се дели на машки и женски страни, но останува неделив.
Кога човекот е замајан од злите духови кои се објавуваат како "ангели на светлината" и верува дека е "избраниот" кој ќе го спаси Бога, многу е тешко за таквиот да ја разбере измамата во кооја е западнат поради практикување на техниката на медитација врз која се темелат сите ѓаволски лаги и учења. Само Бог може да го спаси човекот, а не некакви магепсници ниту ангели, а уште повеќе човекот кој никако може да го спаси Бог.
Многу бивши окултисти се имат спасено од оманата на ѓаволот кога со вера и смирение го повикаа името на Исус Христос и небесните царства кои ги гледале преку астрална проекција се стопиле пред нив, а дека оние кои го режирале сето тоа во нивните глави биле демоните. Со молитвата ГОСПОДИ ИСУСЕ ХРИСТЕ СИНЕ БОЖЈИ СПАСИ МЕ МЕНЕ ГРЕШНИОТ демоните бегаат како "ѓавол од крст" и престануваат да влијаат врз човечкиот ум. Така, сите фантазии се топат. Ако имате храброст, можете и вие да го пробате овој научен експеримент кога ќе патувате низ лажните светови на кабалата и кога ќе се сретнувате со лажните ангели. Тогаш ќе видите кој е вистинскиот Бог.
