- Член од
- 14 март 2010
- Мислења
- 17.115
- Поени од реакции
- 16.772
После сите трилер завршници кои ни ги направи репрезентацијата на Македонија, испиени диезепами, испразнети аптеки, земање на лекови без плави картони, Македонската кошаркарска репрезентација стигна до историското 1/2 финале за неа на Европското првенство во Литванија. Ќе се сретни со бранителот на титулата Шпанија, на чело со Пол Гасол.
До овој најголем успех нашата репрезентација стигна послем победата над домаќинот на ова првенство Литванија со резултат од 67-65 , која важеше за голем фаворит за освојување на медал, па дури беа и оптимистички настроени дека ќе освојат и злато. Но за да не биди се така идеално за домаќинот се погрижи нашата репрезентација, поточно во овој дуел се истакна Војдан Стојановски со 5/5 за три поени и Владо Илиевски со клучната тројка во последната минута од натпреварот, Борче е веќе стандарден со над 20 поени и веќе однапред се запишани тие поени, па не го сметам за јунак на овој меч.
Во глобала до овој успех стигнавме со тимска игра, со одлична одбрана, најдобрата на првенството, и ги оправдавме тие резултати кои ги имавме во првата, а подоцна и во втората фаза. Додека другите не бараа на атласот, а некои и го вртеа глобусот кој сме и што сме, ние им покажавме на терен како се игра со срце за репрезентацијата, а резултатите дојдоа сами по себе.
Дуелот со Шпанија ќе се одигра во петок, во 20 часот, време во кое ќе ја испишеме историјата, ако останало уште мастило.
Секое мое излагање е сувишно за ова што го направија кошаркарите, новите национални херои.
Уште еднаш честитки за овој успех, и да одиме до МЕДАЛ! кога веќе сме дошле до тука, да не се враќаме со празни раце.
Да живее МАКЕДОНИЈА!
![[ Македоникус ]*](/data/avatars/m/26/26045.jpg?1373015970){kind=avatar}
