Верски вести II

[exlexmk]

Секоја вест од областа на религијата или има некаква поврзаност со религија оди на оваа тема.
Значи споделување на било каква Вест и настани кои се случуваат/случиле. (во оваа тема и вестите од типот Денес се слави)

значи краток јасен пост, линк до веста (ако има ако не е Денес се слави), и никакво коментари под нив.

Ако одредена Вест заслужува/има интерес за дискусија се отвара нова тема.

Пријатни дискусии :smir:

 

[el_kewser]

„Општество“ го навреди пророкот Мухамед



10:00 | 19.08.2010 | Автор: Шпиц

Пророкот Мухамед со фотографија бил прикажан на страниците од учебникот по Општество, иако тоа е незамисливо според верувањата на Исламот. Припадниците на Исламската верска заедница се фрапирани и реагираат на овој сериозен и навредувачки пропуст, додека вината

постојано си ја префрлаат министерот за образование Никола Тодоров, рецензентите и авторите на контроверзниот учебник.
Сликите од пророкот Мухамед, како и останатите грешки се појавиле откако рецензентите го прегледале, тврдат тие.
- Бараме извинување за нарушувањето на нашиот углед. Не добивме ниеден отпечатен примерок пред да се објави учебникот. Рецензентската комисија нема никакви ингеренции и увид во процесот што се случува од моментот кога го кажуваат своето мислење за текстовите до моментот на нивното печатење и објавување - одговара на обвинувањата рецензент проф. д-р Антоанела Петковска, посочувајќи дека сериозно треба да се запрашаме колку пати досега се објавени соодветни учебници и каде треба да се бара одговорноста за нив.
Таа го обвини министерот Тодоров дека манипулира со фактите во врска со спорниот учебник, на што тој одговара дека најдобар демант на ваквите ставови е извештајот на тимот кој изврши повторно прегледување на текстовите и едногласно реши да ги повлече.
Додека одговорните си ја префрлаат вината, новиот учебник во вредност од 1 милион евра е во постапка на разгледување. Министерот вети негово повторно печатење и дистрибуција во 15.400 примероци и покрај кусото време до почетокот на учебната година

--- надополнето ---

Грците бараат црква кај граунд зиро

Американските Грци тврдат дека градот Њујорк одбил да им помогне во обновата на нивната црква, која беше уништена во нападите на 11 септември

Во екот на жестоката дебата во Америка дали треба да се гради џамија во близина на граунд зиро, Грчката православна црква во САД тврди дека њујоршките власти останале глуви на нејзините барања за обнова на единствената црква што беше уништена во нападите врз Светскиот трговски центар на 11 септември 2001 година.

Станува збор за грчката црква „Свети Никола“, мала четирикатна зграда која беше уништена во нападите кога една од кулите-близначки падна врз неа. Никој од црквата не беше повреден, а верниците во изминативе години се обидуваа да го обноват своето светилиште. Во моментот кога Америка е преокупирана со џамијата кај граунд зиро, претставници од грчката црква и од њујоршките власти велат дека преговорите за обнова на црквата заглавиле уште лани и дека нема да продолжат. Од грчката црква нагласуваат дека станува збор за различни и неповрзани проекти, но дека верниците се гневни што нивниот храм нема да биде обновен.

- Луѓето доаѓаат и нé прашуваат зошто нашата црква нема да се обнови и зошто другите се толку фокусирани кон џамијата - изјави за Фокс њуз, Алекс Карлуцос, помошник на грчкиот архиепископ во САД.

Карлуцос вели дека верските слободи им даваат еднакво право на сите заедници да изградат свој храм, обвинувајќи ги градските власти дека не сториле ништо за да помогнат во обновата на уништената црква.

- Тие цело време молчат. Едноставно, заборавија на црквата - додава тој.

Њујоршките власти и грчката црква во јули 2008 година соопштија дека постигнале договор според кој властите требаше да обезбедат земјиште и 20 милиони долари за изградба на храмот на друга локација. Исто така, властите беа подготвени да дадат уште 40 милиони долари за изградба на платформа отпорна на бомби под црквата. Но по една година, договорот пропадна, а преговорите прекинаа. Двете страни нудат различни објаснувања за пропаѓање на договорот. Властите тврдат дека црквата излегла со дополнителни барања, како на пример, 20 милиони долари пред почнувањето на проектот и ревизија на плановите на местото каде што требало да се гради црквата. Тие велат дека црквата може да продолжи со проектот, но без нивна помош.

- Црквата сé уште има право да го обнови објектот, каде што стоеше пред нападите и ние сме подготвени да понудиме фер цена за подземниот простор - изјави портпарол на градските власти.

За Карлуцос, ваквите изјави се пропаганда. Тој тврди дека црквата ги почитувала сите услови што ги поставиле властите. Карлуцос нагласува дека тие треба да го почитуваат договорот, кој датира уште од 2004 година, кога на власт беше гувернерот Џорџ Патаки. Бившиот гувернер на Њујорк смета дека црквата треба да се обнови.

- Не разбирам зошто властите поставија толку препреки - вели тој.

Џорџ Демос, републикански кандидат за место во Конгресот, нагласува дека властите не ги почитуваат договорите што претходно ги направиле.

- Никој од нив лани не се сретна со претставници на црквата, а сега се откажуваат од одговорноста да го обноват објектот - вели Демос.

Според него, односот на градот кон грчката црква е скандалозен, имајќи предвид дека во меѓувреме планот за изградба на џамијата кај граунд зиро доби дозвола.

Проектот за обнова на црквата не привлече толкаво внимание во американската јавност како џамијата. Претседателот Барак Обама се вмеша во дебатата за муслиманското светилиште кога рече дека ги поддржува верските слободи на сите заедници, кои им даваат право да изградат свое светилиште каде што сакаат во согласност со законите. Тој не сакаше да коментира дали одлуката за изградба на џамијата близу граунд зиро е мудра. Проектот го поддржа и градоначалникот на Њујорк, Мајкл Блумберг. Тој тврди дека се залага и за обнова на грчката црква.

Јануљас поддржува само џамија

Демократскиот кандидат за сенатор од Илиноис, Алекси Јануљас, неделава ја поддржа изградбата на џамија во близина на граунд зиро. Потегот на Јануљас не треба да изненадува бидејќи тој е далеку зад својот републикански противкандидат Марк Кирк, па затоа не може да си дозволи да оди против Белата куќа. Луѓето што треба да бидат изненадени се неговите грчките поддржувачи, особено оние од Њујорк, кои бараат обнова на црквата „Свети Никола“. Пријателот на претседателот Барак Обама засега молчи по ова прашање, наведува Американскиот православен институт.

 

[el_kewser]

ХАГВо Холандија 900 пријави против свештеници за силување

26.08.2010 | 09:29

Извор: Макфакс

Комисијата за истражување на случаи поврзани со сексуална злоупотреба во католичката заедница во Холандија добила 900 пријави од средината на март до денеска - пренесува Бета. Пријавите главно ги поднесувале жртвите или нивните родители - изјавил портпаролот на комисијата, Герт Жан Ферхох.

Бискупската конференција за Холандија и конференцијата на холандските верски институти на 9. март годинава најави сеопфатна и независна истрага за вмешаноста на католичките свештеници за сексуално злоупотребување на деца.

Католичката црква последните години ја тресат низа скандали за сексуална злоупотреба на деца и педофилија во кои се вмешани свештеници од целиот свет, особено во Австрија, Белгија, Франција, Ирска, Германија и САД

 

[Björn]

Пакистанските талибанци планираат киднапирање на помагачите во катастрофалните поплав

26.08.2010 - 16:21

Пакистанските талибанци планираат киднапирање на странските хуманитарни работници кои помагаат во санирањето на последиците од катастрофалните поплави во Пакистан, пишува „Дејли телеграф“ повикувајќи се на американски дипломатски извори.
Милитантната исламистичка организација Тахрик-е-Талибан се закани и со напади врз федералните министри во Исламабад и врз функционери на регионалните власти. Околу 17 милиони луѓе се погодени од поплавите во земјата, што имаат зафатено подрачје големо колку Велика Британија. Странските хуманитарни организации помагаат со луѓе и со техника и тие се неопходни за да се спречи поголема катастрофа.
Обединетите нации на неколкупати досега упатија апели до земјите во светот за побрза и поенергична помош на луѓето во Пакистан, прогласувајќи ги поплавите како една од најголемите катастрофи во светот.
Странските хуманитарци главно дејствуваат во северозападните делови од земјата, каде инаку оперираат и се кријат талибанците. Таму се нивните бази и центри за обука и од тие делови на Пакистан се префрлаат во соседен Авганистан.
Повеќе забранети хуманитани исламистички организации во Пакистан, настојуваат да ја искористат ситуацијата за да го привлечат населението на страната на талибанците, вклучувајќи се во помагањето на настраданото население и тврдејќи дека само тие се грижат за нив.


извор


Милитантната исламистичка организација изгледа смета дека подобро е да се удават Пакистанците неголи Каури да им помагаат:uvo:.



Франција со кампања против смртната казна во Иран

Франција започна кампања да се запре смртната казна со каменување во Иран. Кампањата се интензивираше откако во неа се вклучи и претседателот Никола Саркози. Двајца поранешни претседатели и сопругата на сегашниот претседател Карла Бруни, исто така, се меѓу потписниците на петицијата . Кампањата е за да се запре со извршувањето на смртната казна со каменување на една жена осудена заради неверство и за соучество во убиството на мажот. Францускиот претседател рече дека случајот го отсликува иранскиот режим кој се служи со средовековни форми на казнување, како што е каменувањето.

извор

Е тоа е, кога толкувањето на верските текстови се прави игнорантски, без да се земе в предвид духот на времето во кој е пишуван текстот.

 

[Björn]

Иран забрани реклами за миленици

Во низата обиди да се поткопа културата од Западот, иранските власти сега забранија и секаков вид реклами за домашни миленици, за храна за миленици и други производи поврзани со нив.


Иранското министерство за култура ја донело одлуката откако Големиот ајатолах Насер Макарем Шираци, моќно свештенско лице, објавил фатва против домашните миленици.

И додека во Иран чувањето на кучиња и други миленици станува се помодерно последниве години, фатвата е во контекст на исламската традиција, според која кучињата се валкани.

Во јуни ајатолахот Шираци кучињата ги прогласи за нечисти, изјавувајќи дека луѓето кои ги чуваат “слепо го имитираат Запад“ и дека нивната посветеност на животните ќе резултира со зло.

“Многу луѓе на запад своите кучиња ги сакаат повеќе и од сопствените жени и деца,“ изјавил ајатолахот.
Последна промена: 27.08.2010 #

извор

Фатва (верска забрана) за домашни миленици? :pos2:


Разбиена исламистичка група во Канада

Канадската полиција соопшти дека разбила исламистичка терористичка група која планирала напади.
Двајца од екстремистите биле приведени во средата, а еден вчера во градот Лондон, во провинцијата Онтарио.
Тројцата уапсени исламисти, како што тврди канадската полиција, имале контакти со терористичка група од Авганистан. Тие се обвинети дека планирале бомбашки напади во Канада.
Во Торонто пред четири години беа уапсени 18 исламисти под обвинение дека планирале напади врз берзата и воените бази со цел да постигнат повлекување на канадските војници од Авганистан.


извор

 

[el_kewser]

Православните христијани го празнуваат успението на Пресвета Богородица

Миле А. Ристески Коментари (0)

28.08.2010 17:11

Богородица се смета за заштитник на сите христијани и на градот Скопје. Утрински литургии се одржаа во сите цркви и манастири на македонската Православна црква.
Во манастирот посветен на Богородица во скопска Матка од рано утрината раздвижено. Во манастирот полно на литургија, но и во дворот некои побрзале да ги зафатат дебелите сенки. „Редовно доаѓаме, атмосферата е убава,ми се допаѓа.
- Секоја година доаѓаме, но овој пат малку народ. Минатата година имаше повеќе.
- Многу е убаво, нема тука проблем и добро е што се чувствуваме како христијани со тоа“, изјавија анкетираните.
Архиепископот Г.г. Стефан и денеска повторно апелираше за многудетни семејства и склучување бракови. Сметајќи дека Македонија има многу немажени и неженети, а се подостарени.
„Чедоморството, избегнувањето на раѓањата, разводите и не стапувањето во брак се чумата на нашево време“, рече Г.г. Стефан.
Претседателот Ѓорѓе Иванов на Матка честитајќи го празникот ќе констатира дека сите верници ги оптоварува нерешениот статус на МПЦ. На секоја средба со српскиот Претседател тема се и односите на двете цркви. Политичарите вели Иванов може само да создадат амбиент, но спорот треба сами да го решат двете цркви.

--- надополнето ---

Продолжува контроверзата околу изградбата на џамија близу „граунд зиро“

Коментари (0)

27.08.2010 19:23

Продолжува контроверзата околу планот за изградба на исламски културен центар и џамија близу „граунд зиро“ - местото на терористичките напади 2001-вата во Њујорк.
Ова првично локално прашање стана национална дебата и најверојатно ќе даде тон на претстојните конгресни избори во ноември.
Ведран Андоновски од Гласот на Америка ни го пренесува расположението на самите њујоркчани.
Ведран, што велат жителите на Големото јаболко?
-Протестираат, поделени во две групи. Противниците на Исламскиот центар дури исковаа и термин - „граунд зиро џамија“. Еве зошто е против една њујоркчанка, родум од Украина.
„Стравувам дека џамија изградена на ова место ќе стане симбол на оние кои го извршија нападот - не сакам ни да ги наречам луѓе. Оние кои би доаѓале да се молат тука би можеле да бидат симпатизери на нивните екстремистички погледи“, вели њујоркчанката Рита Балмина.
Други пак, велат дека случајот со џамијата се сведува на почитување на уставното право на Американците на слобода на вероисповед.
„Како и сите, сочувствувам поради загинатите, но тоа не значи дека треба да ги уништуваме вредностите на нашата земја. Кога испраќаме војници да гинат, тие се борат за нашите слободи: на вероисповед, на печат, на говор. Оние против исламскиот центар во основа се против слободата на вероисповед“, рече њујоркчанецот Мет Скај.
Каков е пулсот според анкетите?
-Мнозинство на оние кои живеат околу граунд зиро ја поддржуваат изградбата на исламски центар, иако мнозинството Американци на национално ниво се против. Неодамнешна анкета во Њујорк укажува дека повеќето противници уважуваат дека центарот е во согласност со Уставот, без оглед што се противат на неговата изградба.

 

[Björn]

31 загинат во терористиките напади во Лахоре

Најмалку 31 лице загинаа во трите самоубиственни напади во Лахоре, за време на шиитска религиозна церемонија.Ова е последната вест за жртвите чиј број се стравуваа дека не е конечен поради тоа што голем број ранети се наоѓаат во критична состојба. Шиитите во Пакистан се честа цел на сунитските екстремистички групи кои се често поврзани со Ал Каеда.

 

[Tetro]

НА ВСЕЛЕНАТА НЕ И ТРЕБА БОГ

Stephen Hawking says universe not created by God

Господ не го создал универзумот, тврди Стивен Хокинг во својата нова книга “The Grand Design”, во која Големата експлозија е објаснета како неизбежен резултат на законите на гравитација.

Во “Кратка историја на времето”, напишана во 1988-та година, британскиот физичар ја прифати улогата на Бог во создавањето на вселената, но во новото дело на кое работеше заедно со колегата од САД, Леонард Млодиноу, тврди дека новите теории се чист доказ за тоа дека нема потреба од никаков создавател. Делови од книгата, која ќе излезе од печат на 9-ти септември, се објавени во британски Тајмс.

“Бидејќи постои закон каков што е оној за гравитацијата, универзумот може и се создава себеси од ништо. Спонтаната креација е причина за постоењето на вселената и човекот. Нема потреба Господ да го запали фитилот и да го предизвика создавањето на универзумот”, напишал Хокинг.

Според него, самиот факт што луѓето се доволно способни за да ги разберат законите кои управуваат со нив и универзумот е огромен триумф. Како прв контраудар на верувањето на Исак Њутн дека нема шанси универзумот да настанал од ништо, Хокинг го посочува набљудувањето од 1992-та година на планета која кружи околу ѕвезда која не е нашето Сонце.

“Тоа прави совпаѓањата во нашата планетарна состојба - едно сонце, среќна комбинација од оддалеченоста на Земјата од Сонцето и соларната маса – да изгледаат многу понезначајни, освен тоа покажува и дека не се доказ за тоа дека Земјата е внимателно создадена само за да им удоволи на човечките суштества”, објаснува физичарот.

 

[el_kewser]

Потребни ли и' се минариња на Австрија?

Христијани, муслимани, Евреи... сите сакаат јавно да ја практикуваат сопствената вероисповед. Во демократските држави имаат право на тоа. Но, кога станува збор за високи минариња, секогаш одново се отвора истата дебата.

По Германија, Швајцарија и Њујорк, дебата околу градењето џамија се разгоре и во Австрија. Во оваа земја живеат половина милион муслимани, кои, по католиците, се најголема верска заедница. На располагање имаат двесте објекти за молитви и четири џамии со минаре - во Виена, Тирол, Салцбург и во Долна Австрија.

Меѓутоа, муслиманската верска заедница во Австрија би сакала повеќе.

„Пожелно би било во секоја австриска сојузна покраина да постои по една препознатлива џамија. Можеби не утре или ден потоа, меѓутоа еден ден сигурно“, вели претседателот на муслиманската верска заедница, Анас Шакекфех.

Неговата желба предизвика бурни реакции, пред се', од Сојузот за иднината на Австрија и Слободарската партија на Австрија. Прв за збор се јави шефот на Слободарската партија, Хајнц Кристијан Шрахе:

„Просториите за молитва се в ред, меѓутоа не и повеќенаменските објекти. На Австрија не и' се потребни минариња. Тие се симбол на победата, но не се безусловно и симбол на верата“, рече Штрахе.

Шефот на Слободарска партија на Австрија е најостар критичар на исламот во Австрија. Фактот што токму сега минарињата се тема број еден во Австрија му оди во прилог, бидејќи предизборната кампања за градоначалник на Виена е во полн ек. Целиот град е излепен со плакати со неговиот лик и натписот: „Повеќе храброст за виенската крв - премногу странско никому не му годи“.

За партијата на Штрахе, џамиите претставуваат расадник на радикалниот исламизам. На критиките од страна на исламската верска заедница дека партијата шири омраза во Австрија, генералниот секретар Харалд Вилимски одговара:

„Сакам да ја одржам Австрија онаква каква што е. Не сакам ниту екстремизам ниту арабизација“.

Граѓаните на Австрија, пак, се поделени околу исламското прашање. Ова се мислењата на кои се наидува на виенските улици.

„Тоа е прашање на толеранција, дали сакате да одите преку своите граници или не“.

„Па, не морам на улица да гледам слика што не е австриска“.

„Мислам дека е можно да се живее заедно со муслиманите. Не е добро некој да чувствува страв овде“.

Теолозите велат дека минарињата не мора да бидат неизоставен дел од џамијата. Дали тогаш станува збор за симбол на политичка моќ или вера? Ова прашање ќе ги ги окупира граѓаните на Австрија уште извесно време. Барем до изборот на новиот виенски градоначалник... (Дојче веле)

 

[el_kewser]

ГЛАЗГОВ Шкотска црква: Бог веќе не е машко

06.09.2010 | 13:40

Извор: Макфакс

Шкотската епископска црква ги повика своите верници да престанат Бог да го сметаа за машко и да го ословуваат со „тој“. Новото правило на црквата предизвика бројни контроверзи. Со оваа одлука, со која зборовите како „Господ, тој, негов, него“ ќе бидат отфрлени од службата, црковните власти сакаат да им порачаат на верниците дека Бог е над поимањето на човечкиот род, пишува лондонски Телеграф.

Се наведува дека црквата одобрила воведување на поголем број „општи“ термини кои нема да го одредуваат Бог како припадник на машкиот род.

Меѓутоа, традиционалистите ги критикуваат овие промени, сметајќи дека се воведуваат само да се задоволи „политичката коректност“, а дека се во спротивност со учењето на Библијата.

„Тоа е потполно непотребно. Зборот човек, особено меѓу научниците, подразбира лице од двата пола“ вели Стјуарт Хол, професор од универзитетот Сент Ендријуз.

„Ние не велиме дека Бог е машко. Бог е истовремено и женско“ објаснува Дарен Мек Фарланд, преставник на црковниот литургиски одбор, наведувајќи дека проблемот е во тоа што се обидувале неописливото да го опишеме со човечки јазик.

„Бискупите ги одбраа овие промени, но верниците не мораат да се придржуваат“ вели тој

 

[Björn]

ИВЗ: Фантомски НВО носат исламски радикали во Македонија

Невладина организација под име, Калаја Шкуп нема евидентирано во централниот регистар на Македонија.
Овој податок дополнително го комплицира одговорот на прашањето, кој всушност стои зад организацијата на говорот на контраверзниот имам од Косово, Шефкет Красниќи.
Сите официјални институции се оградуваат од каква било вмешаност. Исламската верска заедница предупредува дека токму на ваков начин, преку фантомски невладини организации во последно време се прави обид да се инфилтрираат радикалните исламистички структури во Македонија. Тоа е најлесниот начин, да се заведуваат верниците, предупредува, поранешниот претседател на Југословенската ИВЗ, Јакуп Селимовски.
Сепак, според законските прописи во Македонија, невладина организација не може да бара дозвола за извршување на верски обреди за странци. Таква дозвола може да се издаде само на регистрирана верска заедница.
Во Комисијата за односи во верските заедници, велат дека за Красниќи, не само што немало дозвола, туку сите надлежни институции биле навремено информирани за неговото доаѓање, бидејќи ИВЗ ја алармирала претходно комисијата.
Во Министерството за внатрешни работи велат дека не постои начин да не му се дозволи влез на лице, ако против него нема постапки за кривични дела. Затоа Красниќи легално влегол и ја напуштил Македонија.
Неофицијално во ИВЗ присуството на Красниќи го поврзуваат со дејствувањата на Рамадан Рамадани во Македонија. Рамадани пак, тврди дека не е поврзан со неговото доаѓање во Скопје, но кога би бил, вели дека гордо би го истакал тој факт.
Шефкет Красниќи, според информациите кои доаѓаат од косовските медиуми, веќе подолго време е на различни релации со тамошната ИВЗ. Поради неговите вахабистички погледи, бил разрешен од професорското место на приштинскиот теолошки факултет.
За Селимовски, неговите погледи за Исламот не дозволуваат ИВЗ да може да му организра престој во Македонија.
Иако ИВЗ не стравува од можноста вахабистите да навлезат подлабоко во верскиот живот на муслиманите во Македонија, сепак предупредува дека државата треба посериозно да го сфати ова прашање.
Од албанскиот политички фактор, само Нова демократија засега официјално се огради од говорот на омраза на Красниќи.
ДУИ одбра да молчи, а ДПА најверојатно деновиве и официјално ќе реагира.

извор

 

[el_kewser]

bajramska cestitka

Бајрамска порака на Реис Ул Улема Сулејман Реџепи

Коментари (0)

08.09.2010 13:36

Сулејман ефенди Реџепи
Вечерва завршува Рамазан - светиот исламски месец на постот. Во традиционалната бајрамска порака, поглаварот на исламската верска заедница Реис Ул Улема Сулејман Ефенди Реџепи на верниците им порача да бидат великодушни, да работат на возобновување на духовното богатство, мирот и правдата.
Овој благословен месец Рамазан има посебна вредност за сите муслимани во светот, бидејќи овој месец се навршуваат 1.400 години од објавата на чесниот Куран. Куранот е последната објава за човештвото, завршен тестамент за човекот. Го молам возвишениот Алах да ни ги прифати нашите ибадети и да не води по вистинскиот пат“, изјави Реис Ул Улема Сулејман Реџепи








neka nie cestit ovoie mubarek bajramski denovi ;bajram seriv muberek olsun!

 

[el_kewser]

ОСВЕТАСвештеник започнал тепачка на сред миса

09.09.2010 | 16:04

Извор: Точка

Неделната миса во Валенсија се претворила во масовна тепачка, откако свештеник нападнал член на верската заедница бидејќи го обесчестил светиот обред.Отецот Виктор Јимено му удрил неколку шамари на човек кој плукнал на неговата мантија, па тој му возвратил и членовите на заедницата биле принудени да ги разделуваат.

Отецот го нападнал човекот бидејќи плукнал на мантијата за време на миса. "Знам дека треба да го свртиме другиот образ, но Отецот одлучи дека треба да се примени освета, а не простување" - кажал еден сведок

 

[el_kewser]

Светот го осуди планот за палење на Куранот

Свештеникот Тери Џоунс, лидер на мала евангелистичка црква од Флорида, не се откажува од намерата годишнината од терористичките напади врз САД на 11 септември 2001 година утре да ја одбележи со јавно палење на стотици примероци од Куранот, наспроти острите критики на светските лидери

Американскиот претседател Барак Обама вчера го осуди најавеното палење на светата муслиманска книга, нагласувајќи дека тоа ќе и овозможи на Ал каеда многу полесно да регрутира нови членови. Сусило Бамбанг Јудојно, претседател на најголемата муслиманска нација во светот Индонезија, побара од Обама лично да интервенира и да го спречи палењето на Куранот. Намерата на лидерот на црквата со само педесетина следбеници претходно ја критикуваа повеќе високи претставници од администрацијата на Обама, армијата на САД, ОН, Ватикан, како и повеќе лидери од Европа, вклучувајќи ја и германската канцеларка Ангела Меркел. Тие планот за палење на Куранот го оценија како опасен, одвратен, погрешен, па и идиотски. Против свештеникот се огласи и неговата бивша црква во Германија, но тој изјави дека нема намера да се откаже, јави АФП.

- Исус не палел книги, но мислам дека оваа би ја запалил. Радикалниот ислам е опасен и треба да му се спротивставиме - порача Џоунс

--- надополнето ---

Пастор од Флорида ќе пали Курани
Вашингтон ги осуди плановите на протестантскиот пастор од Флорида Тери Џонс јавно да запали 200 примероци на Куранот на деветгодишнината од нападите врз Њујорк и Вашингтон на 11 септември.

Властите предупредија дека таквиот потег ќе биде навредлив за муслиманите и сигурно ќе предизвика насилни протести низ светот, а генерал Дејвид Питрејас, командант на силите во Авганистан, изјави дека неговите трупи се под директна закана. Во Кабул веќе имаше демонстративни палења на кукли со името на пасторот, а во шест града во Индонезија протестираа илјадници луѓе.

Но, агенциите укажуваат дека Џонс всушност има право да ја запали светата книга на муслиманите, зашто тоа се толкува како „право на изразување мислење“ и е заштитено со Првиот амандман на Уставот на САД се' додека не се користи директно за застрашување или за поттикнување насилство.

- Нема да ме спречат ни повеќе од сто смртни закони - истакна пасторот Цона од црквата во Гејнсвил, чија конгрегација има педесетина верници.

 

[el_kewser]

БРИСЕЛСкандал во белгиската црква

11.09.2010 | 13:32

Извор: Макфакс

Сексуалното злоставување на деца кое е распространето во Католичката црква во Белгија, зад себе оставило 13 самоубиства, пишува во објавениот извештај на надлежната комисија на црквата. „Пријавени се 13 самоубиства кои се поврзани со сексуално злоставување од свештеник“, пишува во извештајот.

Повеќе од половина од 200 страници од извештајот се базирани врз основа на снимени докази, кои се состојат од извадоци од сведочењата на жртвите, пренесува Ројтерс.

Се работи за 475 забележани случаи во кои некои од жртвите имале само две години, а две третини од злоставените се на возраст од 12 години. Злоставувањето е прекинато кога децата наполниле 15-16 години.

„Не се работи за случаи кога има само допирање на деца, туку ова е нешто многу посериозно. Свештениците од кои побаравме помош беа спремни да ни предадат листи со по 10,15, 20 жртви кои се злоставувани по враќањето во интернатите, а Комисијата не знаеше за ниту еден случај“, вели претседателот на Комисијата Петар Андриенсенс.

Поголемиот дел од злоставувањата се случиле во текот на шеесеттите и седумдесеттите години на минатиот век во институциите, училиштата, и посебно во интернатите.

--- надополнето ---

Контроверзниот свештеник Џонс отпатувал за Њујорк

11.09.2010 | 13:58

Извор: Макфакс

Контроверзниот американски свештеник Тери Џонс, кој ја вознемири јавноста со најавите дека ќе го запали Куранот, отпатува за Њујорк со надеж дека ќе се сретне со имамот Фејсал Абдула Рауф, раководител на изградбата на спорната џамија во близина на „Гранд зиро“, „Пасторот Џонс повеќе не е во Гејнсвил. Одлета за Њујорк“, изјави негов близок пријател, пренесува агенцијата Франс прес.

Џонс во четвртокот рече дека се откажува од својата иницијатива за палење на Куранот во замена за ветување за запирање на градбата на џамија во близина на местото каде што беа урнати кулите близначки.

Имамот Фејсал Абдула Рауф, кој го води проектот со џамијата, демантираше било каков договор за изградба или средба со пасторот во Њујорк.

Најавата на Џонс за палење на светата книга на муслиманите предизвика загриженост во САД и светот, како и протести во некои муслимански земји