Прекинете две!
Карајте се преку пп а не тука на форум!
ДИЕТА
Експресно слабеење
Иако постојано опседнати со методите за усовршување на фигурата, жените секогаш се во потрага по нов начин, нова диета со волшебна моќ, што може за седум дена да нў внесе во облека помала за еден број од нашиот вообичаен конфекциски. Секојдневната облека ја прикрива несовршената линија, но малиот црн фустан, скудната кошула, или припиените панталони, ни од далеку не се толку великодушни. Завиткани во удобната зимска облека, одеднаш ќе се сетиме дека нў очекува некоја свеченост или забава, а веќе е предоцна за да се направи нешто. Или можеби не?
Еве што предлагаат личните тренери на славните ѕвезди, кои иако се вечно на диета, понекогаш мора да ја дотераат линијата за само неколку дена.
Диета за две седмици
Во текот на две седмици навистина можете да се намалите за еден број (приближно 3 до 4 кг. ) на здрав начин, вели Џоана Хол, стручњак за фитнес и тренер на Мишел Колинс и Дајдо. Најважно е секој ден да се вежба.
Што да се јаде?
Појадокот, ручекот и вечерата се задолжителни, плус овошен сок во средината на претпладнето, кој ќе ви обезбеди енергија и ќе го ублажи гладот. Во текот на попладнето, можете да изедете ужина приближно од 100 калории, а половина час пред вечерниот оброк, обилна чинија со топла супа, која ќе ви го наполни желудникот.
Мора да се признае дека 1.300-1.400 калории, колку што треба да се консумираат со оваа диета не се многу, но ако внесувате доволно храниливи материи, диетата нема да биде опасна за здравјето.
-Секој ден пијте (или јадете со житни растенија) 3 дл. варено млеко, па 2 л. вода, правилно распоредена во текот на денот. Потребно е да изедете 5 порции овошје и зеленчук. Вклучете многу јаглеродни хидрати со низок гликемиски индекс (брзина со која јаглеродните хидрати се претвораат во гликоза или шеќер во крвта), како тестенините и интегралните жита, зашто тие ќе ви обезбедат долготрајна енергија и ќе ги спречат нападите од глад. Исто така, јадете есенцијални масни киселини (риба), неопходни за добра работа на метаболизмот, потоа овошје, заради витамините и белковините, заради обновување на ткивото.
-Научете да ја контролирате порцијата, зашто повеќето од нас, едноставно јадат премногу. Парчето месо би требало да биде во големина на дланката, парчето сирење со големана на кутија кибрит, тестенините (варени) - две лажици. Набргу ќе се навикнете на помало количество храна.
-Не јадете скроб (месено тесто, ориз и леб, или коренесет зеленчук, како компирот) по пет часот попладне, зашто во вечерните часови не ви е потребна толкава енергија.
-Внимавајте да јадете многу течна храна, како супа, варива и сокови: истражувањата покажуваат дека тие оставаат поголемо чувство на ситост, отколку сувата храна.
Што да се прави
-Пешачење. Постепено продолжувајте го времето, а цел е маратон од 45 до 50 минути, поделен во тури од 10 до 15 минути.
-Мост. Оваа вежба ги зацврстува задникот и стомакот: легнете на грб, свиткајте ги колената, со стапалата потпрете се на подот, а рацете поставете ги покрај телото. Стегнете ги стомачните мускули и со силата на колковите подигнете го задникот од земјата толку, за телото од рамениците до колениците да биде во дијагонална линија. Задржете се во таква положба 10 секунди. Вежбата ќе биде потешка, ако ја испружите едната нога: тогаш во подигната положба задржете се 4-5 секунди, па повторете со другата нога. Вежбата повторете ја 10 пати.
Една седмица
Личните тренери што ги доведуваат во форма славните ѕвезди за големите случувања, тврдат дека телото може да се зацврсти само за една седмица. Дејвид Кирш ја довел во фантастична форма врвната манекенка Хајди Клум, а Софи Дал токму нему му ја должи својата трансформација од конфекцискиот број 42 до 38. Повеќе од загубената тежина е вода, а не маснотии. "Но ако избегнувате храна што содржи вода и го забрзате метаболизмот со секојдневно интензивно вежбање, по една седмица, сигурно ќе бидете полесни"- вели Кирш.
Што да се јаде?
Повеќе немасни белковини и зеленчук, распоредени во 5 мали оброци, со еднакво количество белковини и јаглеродни хидрати, и многу вода (најмалку 2 литри дневно). Оброците може да се состојат од три лажици ориз и три лажици туна, тенки кришки тост, со едно јајце, или мала порција пилешко од скара, со исто толку тесто. Важно е оброкот да се испланира однапред. При планирањето на неделното мени, внимавајте на следното.
-Пченичниот леб, бисквитите, тестенините и житата, почесто од другата храна предизвикува надуеност. Навистина осигурува енергија, но можете да живеете една седмица и без нив. Јадете повеќе немасни белковини (риба, пилиешко, мисиркино месо), кои ќе ви обезбедат енергија и чувство на ситост. Во спротивно, ќе чувствувате неиздржлив глад и на крајот ќе се прејадете.
-Ако сосема ги исфрлите јаглеродните хидрати, ќе останете без енергија, но ако ги ограничите на неколку плодови дневно и зеленчук со лисја (подобро од компир), ќе се чувствувате добро. Секако, јаглеродните хидрати во вид на бисквити, колачи и друга слатка храна, треба сосема да ги исфрлите.
-Повеќето луѓе што ќе ги исфрлат млечните производи, слабеат брзо. Ако ги исфрлите засекогаш, мора многу внимателно да јадете, за да си обезбедите калциум од други извори, но за една седмица, можете да ги надополните со производите од соја.
-Алкохолот носи празни калории, а по неколку пијачки и цврстата волја ја одвејува ветрот.
Можете да јадете само белковини и брзо да губите тежина, но тоа не е здраво, па ни за кус рок. Но, ако во секој оброк јадете малку немасни белковини, ќе го забрзате метаболизмот. Покрај тоа, согорувањето на белковините е подолготрајно, па подолго време ќе бидете сити.
-Сиот зеленчук ( освен компирите) е добар: брокулата, кељот, цвеклото, празот... богати се со влакна што ќе го исполнат желудникот, а нема да чувствувате надуеност.
-Изедете најмалку два плода овошје дневно, а оние богати со шеќер, како бананите или грозјето, ограничете ги на една порција.
-Јадете масна риба, како лосос, туна и скуша. Маслото од рибата, како и малку маслиново, или масло од сусам, ќе созда чувство на ситост.
-Не заборавајте да пиете вода, зашто таа го поттикнува отстранувањето на токсините од организмот и ја намалува отеченоста на телото.
Што да се прави?
Мат Робертс, личниот тренер на Наоми Кемпбел, Натали Имбруглија и Труди Стајлер, препорачува комбинација на аеробик вежби и вежби за издржливост, зашто тие имаат најдобар ефект за мускулите. Вежбајте ги големите мускулни состави: брзото одење или трчање ги зајакнува квадрицепсите и листовите, а пливањето грбот и градите. Вежбањето на горниот дел од телото дава брзи резултати: ќе се изненадите кога само по неколку дена вежбање, ќе ви се разубави деколтето. Кога ќе ги зајакнете мускулите, тоа значи дека согорувате повеќе калории, дури и во мирување. Ако пропуштите едно вежбање, надоместете го , зашто ако еднаш почнете да ги прескокнувате тренинзите, тешко ќе ја постигнете целта. Стручњаците тврдат дека е најдобро да се вежба наутро, пред појадокот и да се јаде половина час по вежбањето. Тоа го поттикнува метаболизмот и согорува повеќе калории. Исто така треба да се пешачи, 30-40 минути дневно.
Забавата е навечер?
Тренерот Ники Вотермен, кој се грижеше за Дениз ван Утен, верува дека никогаш не е доцна да си го поправите изгледот. "Држењето е од пресудна важност: исправен од, може значително да ве смени. Подигнете ја брадата, така што ќе биде паралелна со подот, рамениците повелечете ги наназад, а боковите исфрлете ги нанапред", советува Вотерман. А веќе со 20 минути вежбање, пред да се облечете, ќе ви се поправи држењето и ќе ви се зголеми самодовербата.
Раце
Застанете со грбот свртени од едно зацврстено столче, фатете се со рацете за работ на седиштето и спуштете се толку, за задникот да ви биде во висина на седиштето. Рацете се зад телото, а нозете напред, под агол од 90 степен во однос на подот. Полека спуштајте го телото, сў додека задникот не дојде на десетина сантиметри од подот. Задржете се во таа позиција, а потоа подигнете се со силата на рацете. Повторете 15 пати.
Задник
Застанете исправено со рацете на боковите. Исчекорете напред со левата нога. Колената свиткајте ги толку, задесно да го допрете тлото, а во десното бедро да чувствувате напнатост. Вратете се во почетната позиција. Повторете 15 пати со секоја нога.
Колкови
Застанете исправено, стапалата се раздвоени малку повеќе од ширината на колковите. Спуштете се во полуклекната позиција, така што бедрата ќе да бидат паралелни со подот. Задржете се малку во таа положба, а потоа полека подигнете се. Додека се спуштате, задникот исфрлете го наназад ( како да се обидувате да најдете столче зад себе), а погледот е вперен напред.
Стомак
Легнете на грб, лесно свиткајте ги колената и рацете ставете ги на бедрата. Лесно подигнете ја главата и рамениците од подот. Не го кревајте трупот докрај. Рацете треба да лизгаат по бедрата до колена. Задржете се малку во таа положба, а потоа, вдишувајќи спуштете се на подот. Постојано гледајте во точка високо на ѕидот.
За темава толку од мене од Господа појќе!
IsidoraD, ако и ова не ти помогне...:pop:
