Интервју за работа, што сега?

[Acid]

Информациите од биографијата користете ги само како потсетување за составување приказна
Дали некогаш ви се случило, веднаш откако оној кој го води интервјуто кога ќе ви го постави прашањето, да не знаете што да одговорите? Преку комуникацијата оставате впечаток дека сте личност која лесно се социјализира, но и се снаоѓа во неочекувани ситуации, па ќутењето во таков момент е вашиот најголем непријател. John Challenger, директор на американската консултантска компанија Challenger објаснува дека секој кандидат за работа има свои мани кои може да ги ублажи со правилен одговор на прашањата кои ќе му бидат дадени.

Кои се вашите слабости?
Не го сфаќајте ова прашање премногу лично, предупредува Challenger. Најдобро е пред самото интервју да размислите како би одговориле. Подобро истакнете ги своите навики кои во секојдневниот живот или на моменталната работа може да ви претставуваат потешкотии, но кои кај новиот работодавец би бил препознати како корисни. Пример, доколку станува збор за работа во сметководство може да нагласите дека премногу внимание обрнувате на деталите, но сметате дека токму таа „мана" во оваа работа би можела да биде предност.

Зошто си заминавте од претходната работа?
Во овој случај обидете се приказната да ја прикажете како што попозитивна, затоа што интервјуто не е момент за плукање по претходниот работодавец. Секогаш може да истакнете дека на вашето претходно работно место не сте можеле да ги искористите сите ваши потенцијали или сте дошле во ситуација во која не сте можеле повеќе да напредувате, па сте се одлучиле за промена во кариерата.

Зошто сакате да работите кај нас?
Да знаете правилно да одговорите на ова прашање, пред самиот разговор мора добро да прочите со што се занимава компанијата и да размислите кај се гледате себе во таа компанија. Истакнете ги вредностите кои ги промовира компанијата и нејзиното значење на пазарот и со тоа објасните зошто сакате да работите во такво опкружување.

Кажете ни нешто за себе
Запамтете, не ги повторувајте работите од биографијата! Ова е ваша можност да блеснете, па добро е да се искористи на најдобар начин. Немојте да ја раскажувате својата животна приказна, повеќе обрнете внимание и задржете на најважните работи од биографијата. Искористете ги податоците од неа, а особено оние кои се однесуваат на вашите карактеристики, како би објасниле повеќе за вашите желби и амбиции. Објаснете зошто мислите дека вашето знаење, искуство и работни навики можат да помогнат во понатамошниот развој на вработувањето. На пример: „Јас сум креативна личност. Во иднина да би работел/а на позиција водич на продажба, а својата креативност би ја развивал/а на иновативни методи за подигнување на мотивацијата на продавачот. Поради тоа, продажбата би пораснала за...„ наведувајќи конкретни резултати и постигнувања.

Кои се вашите цели?
Најдобро е само да се присетите на краткиот дел од вашата биографија во која наведувате што сакате да постигнете и за што сакате да се усовршувате. Воздржете се од изјави од типот: „Сакам да бидам менаџер" или „сакам да основам своја фирма". Одговорот би требало да биде дека сакате да имате сигурна и перспективна работа токму во конкретната компанија, која ги цени своите вработени и правилно ги потикнува да допринесат во развој на работата која ја извршуваат. Исто така, може да нагласите какви работи би сакале да работите, но да ја опишете работата, а не да неведувате позиција.

С.С.

 

[leandra]

Интервју за вработување

Интервјуто претставува двонасочен процес на комуникација помеѓу работодавачот и кандидатот. Во оваа фаза на процес на селекција, еднакво важни се квалификациите, личноста и остварувањето. Оттаму, важно е да се прави разлика помеѓу различни типови на интервјуа.
Интервјуто дава можност да покажете дека одговарате на работното место кое го сакате, но тоа исто така е момент да ги добиете информациите кои не сте можеле да ги најдете на друго место.
Општи насоки:

• Подгответе се за интервјуто: направете истражување за компанијата/позицијата, и доколку можете за лицето што ќе ве интервјуира. Понесете со себе материјал за компанијата, и доколку е потребно проверете го во текот на интервјуто. Подгответе дополнителни копии од вашата кратка биографија- CV. Ако сметате дека може да помогне, понесете примероци од ваша пишана или објавена работа и истражување. Сепак направете избор, немојте со себе да носите огромно портфолио.
• Бидете пријателски настроени без голема присност. Истакнете работи кои може да бидат заеднички со лицето што ве интервјуира: заеднички интерес, вештина, искуство. Интерперсоналните и комуникациските вештини значат многу.
• Пристапете со јасна цел и имајте ја на ум. Тоа ќе ви помогне да се релаксирате и внимателно да слушнете што кажува лицето што ве интервјуира.
• Покажете темелно познавање за индустријата/компанијата, и истакнете ги вашите вештини.
• Бидете позитивни, подготвени, покажете професионализам.
• Бидете искрени, но не и наивни. Не давајте повеќе информации отколку што се бара, особено за вашите слабости.
• Поставете го вистинското прашање во прав момент. Ова е можност да одредите дали навистина го сакате тоа работно место.
• Раководете со времето и почитувајте го времето на лицето што ве интервјуира.

Што да облечете за интервју
Повеќе од педесет проценти од перцепцијата на другото лице за вас се базира на тоа како изгледате, и затоа вашиот изглед е особено важен за да оставите добар впечаток. Особено внимание посветете на чевлите. Менаџери, особено оние кои биле во војска, можат доста да утврдат гледајќи ги вашите чевли.
Треба добро да се истражи што да се облече за на интервјуто, и за тоа треба да направите добра подготовка за интервјуто. Овие совети може да ве упатат, но не се применливи во сите ситуации.
Општи совети за мажи и жени за тоа што да се облече за на интервју:

• Бидете конзервативни. (класични) За интервјуто е најдобро да бидете конзервативно (класично)облечени независно од кодексот за облекување на компанијата.
• Ако сте несигурни, јавете се и прашајте! Не го прашувајте менаџерот за човечки ресурси. Полесно е да го прашате рецепционерот или асистентот за човечки ресурси. Ако повторно не сте сигурни, одберете конзервативен изглед.
• Уредна фризура.
• Чисти и исечени нокти.
• Ставете малку парфем или колонска вода.
• Немајте видлив пиерсинг на телото.
• Немојте да џвакате гума за џвакање, бомбона или да пушите цигари.
• Носете само еден прстен и малку накит.

Што треба да носат мажи на интервју:

• Конзервативно (класично) одело – одело во два дела & вратоврска, умерена и еднобојна.
• Кошула со долги ракави.
• Избегнувајте лептир машна. Носете умерена вратоврска.
• Чевли и чорапи со темна боја.
• Избегнувајте брада и мустаќи. (Ако не можете да се откажете од мустаќите, бидете сигурни дека се добро потстрижени).
• Ишишајте ја косата. Краток и умерен изглед е најдобар.
• Не носете обетки.

Што треба да носат жени на интервју:

• Избегнувајте фустани.
• Чевлите треба да имаат умерени потпетици.
• Носете акт чанта, наместо портмоне.
• Умерен лак за нокти.
• Минимална шминка.

Накитот сведете го на еден прстен и обетки.
Подготовка за интервјуто
При вашата претходна подготовка, бидете сигурни дека го разбирате бизнисот, дејноста, организациската структура, моменталниот развој и конкуренцијата на компанијата.
Колку повеќе знаете за целната индустрија или компанија, толку полагодно ќе се чувствувате во текот на интервјуто.
Подолу се наведени прашања кои веројатно ќе бидат поставени од страна на работодавците:

• Која е вашата професионална цел?
• Зошто сте заинтересирани во оваа индустрија/компанија?
• Зошто компанијата би покажала интерес за вас? Што е тоа што е посебно за вас?
• Како се споредува ова работно место со други работни места за кои сте заинтересирани?
• Кои се вашите јаки страни/слабости?
• Опишете се себеси со три придавки.
• Како ве опишуваат луѓето?
• Со каков тип на луѓе би се чувствувале пријатно/непријатно да работите?
• Каде се гледате себеси пет или десет години од сега?
• На вашето последно работно место, на што посветувате највеќе време и зошто? Во што уживавте највеќе/најмалку?
• Опишете тешка ситуација со која сте морале да се справите.
• Кои други прашања би сакале да ви ги поставиме?

Интервјуто исто така дава можност да проверите дали одговарате за таа компанија. Осигурајте се дека сте ги поставиле прашањата кои ви останале неодговорени во текот на истражувањето. Подолу се дадени примери на неколку прашања кои може да ги поставите:

• Како би ја опишале вашата философија на менаџмент?
• Опишете еден вообичаен ден.
• Што очекувате од мене?
• Пред кого ќе бидам одговорен, или со кого ќе работам?

Во текот на интервјуто
Личноста, увереноста, ентузијазмот, победничкиот став и одлични интерперсонални вештини се основните квалитети кои треба да ги покажете во текот на интервјуто. Таму сте за да се продадете; направете лицето кое ве интервјуира да ги разбере и да ги цени вашите вештини и постигнувања.
Дипломите и квалификациите најверојатно биле претходно проценети, а она што се одмерува во текот на интервјуто е вашата личност и остварување.

• Внимавајте на изгледот и говорот на телото. Tие се значаен аспект од вашиот стил и како лично ќе се вклопите во културата на компанијата.
• Управувајте со времето за интервјуто. Вие сте таму да одговарате на прашања, но исто така и да слушате внимателно. Пратете ги сигналите на лицето што ве интервјуира. Поставувајте прашања во прав момент; покажете интерес; бидете фокусирани.
• Покажете дека сте погодни за таа позиција. Истакнете работи со кои сметате дека можете да го придобиете лицето што ве интервјуира.
• Контролирајте ги последните моменти. Вообичаено тоа е добро време да ги поставите вашите прашања. Исто така може да ве запрашаат дали сакате да додадете нешто. Појаснете кога очекувате да бидете известени од страна на компанијата.

По интервјуто, одделете време да ги запиштете вашите впечатоци и што сте научиле. Проверете ги имињата и звањата (струката) на лицата кои биле присутни на интервјуто. Направете евиденција за интервјуто, тоа ќе ви помогне да ја донесете крајната одлука.

 

[vone]

Хе хе хе...... убаво срочено......
Само, сето тоа, за таму негде далеку, но не и кај нас, овде поинаку се игра.:kesa:

 

[bucio]

Да да ме подсетува мене на едно нешто кое што убаво изгледа теориски ииииии....
Па излезе дека не е се баш толку сјајно......
Него морам да се согласам тука со Vone за жал , се знае или работиш сам за себе или партиски ќе те вработат или кај Бато во фирма нема мрдање, за ниедна од тие работи нема потреба од интервју, пих ништо не разбира ќе научи бре .

 

[leandra]

Овде ги минеш овие прашања најдобро што можеш и на крајот не си примен.Причини добро познати :helou:

 

[bucio]

Овде ги минеш овие прашања најдобро што можеш и на крајот не си примен.Причини добро познати :helou:

Ако сам човек се нуди што е и реалност овде кај нас поради високиот процент на невработени тешко да помине на интервју. Два пати ми имаат понудено работа а два пати да одбијам еднаш требаше да одам странство далеку далеку да работам заеби не е за мене, вториот пат извадов една диплома и поради моите физички карактеристики му се допаднав на работодавецот, што ти е си реков на скопјани работата ќе му ја земам па ќе ме пцујат и колнат .

 

[leandra]

Од моите интервјуа можам да извадам листа наредени од скандалозни,преку пцуење,се до европски систем на интервју.
Затоа и отворив тема,на некој што се спрема за интервју да му дадеме совети од искуство со фирмите.Некаде не ни мора да оди,ама само треба да праша

 

[vone]

Најинтересно е кога на тие квазиинтервјуа ќе те прашаат каде си работел предходно, откако ќе кажеш следува:

„Кај тој ли работеше, по чурук фирма и човек непостои, абе жива превара се тие, кај се зацрни бе таму.....:pos2:

 

[Слушаш Ли]

е да и тоа се случува, ќе поминеш и на тестирање и на интервју ама за жал нема кој да те ,,подгурне" и ќе си останеш така... голем број од вработувањата денес се базираат на врски но тоа е, нешто да промениш не можеш...
бтњ сум била на интервју, сега не ми е толку страшно како првиот пат... првиот пат кога ми се јавија и ме викнаја за на интервју цела во паника бев

 

[Divider]

Prasanje:
- zosto zaminavte od prethodnata rabota?
Odgovor: komunjari eden kup, site napikani od SDSM!
Prasanje:
kako mislite da pridonesete tuka, dokolku ve primime?
Odgovor:
Pa ja sum clen na VMRO od 1991 godina!

Primen ste, cestitam!

 

[Брокер]

Има едно интересно прашање кое секој вистински менаџер треба да го постави сега малку чудно ќе ви звучи ама прашањето е "Со кое животно можете да се споредете" изгледа интересно прашање ама одговорот е важен за менаџерот најчесто сите одговараат со лав или со некое такво животно што е многу не исправно затоа што менаџерот не сака некој како лав кој ќе доминира треба да се споредиме со куче поради верноста кој сопственикот.

 

[leandra]

Има едно интересно прашање кое секој вистински менаџер треба да го постави сега малку чудно ќе ви звучи ама прашањето е "Со кое животно можете да се споредете" изгледа интересно прашање ама одговорот е важен за менаџерот најчесто сите одговараат со лав или со некое такво животно што е многу не исправно затоа што менаџерот не сака некој како лав кој ќе доминира треба да се споредиме со куче поради верноста кој сопственикот.

Па ние секако сме кучиња кај некој приватњак.Кога тогаш ќе те исклоца:smir:

 

[Брокер]

Па ние секако сме кучиња кај некој приватњак.Кога тогаш ќе те исклоца:smir:

Е па затоа треба да му одговориш куче верен како куче оти ако му речиш лав значи си моќен упорен страшен такви не му требат.

 

[leandra]

Е па затоа треба да му одговориш куче верен како куче оти ако му речиш лав значи си моќен упорен страшен такви не му требат.

Сакав да кажам дека не му требаат вакви прашања,кога знае дека можам да бидам или крава или овца и куче е премија

 

[Брокер]

Сакав да кажам дека не му требаат вакви прашања,кога знае дека можам да бидам или крава или овца и куче е премија

Да да само сакав да кажам дека често се случува да ги прашат за ова прашање колку да видат дали идниот вработен е свесен дека ќе биде куче или пак како што велиш овца или крава.