Оваа визија за Македонија ја создале студенти од Македонија, Германија и Франција кои си играле стимулациска игра наречена „создавање на нова европа“, а која германската амбасадорка во земјава Улрике Мариа Кноц минатата сабота ја опиша како убава визија за Македонија.
„Во 2020 ќе бидете членка на ЕУ. Ќе имате ново име-Северна Македонија. Владата ќе биде составена од партија со име Нова македонска партија, во која членови се Албанци и Македонци. Албанското население ќе го зборува македонскиот јазик што е случај и денеска, а македонците ќе го зборуваат албанскиот јазик што ќе го учат уште од детски градинки. Мислам дека ова е убава визија за земјата. Не е нереална, не е утопија. Може да се направи и пред 2020 ако се работи на политички план“, изјави Кноц.
Денеска од германската амбасада испратија соопштение за печат во кое се вели дека изјавите никако не ја опишуваат германската политика спрема Македонија. Амбасадорката Кноц вчера била повикана во МНР каде и бил упатен остар протест и и’ било укажано да се држи во рамките на своите овластувања и надлежности односно да не излегува од својот мандат во земјава и во иднина да не се меша во внатрешните работи на Република Македонија. Денеска од германската амбасада побаравме и објаснување на овој дел од говорот на амбасадорката Кноц минатата сабота на педагошкиот факултет.
„Заедно со францускиот амбасадор организиравме дебата со млади од Македонија, од албанскиот дел на Македонија и од македонскиот дел на Македонија, и поканивме и млади од Франција и Германија“, вели Кноц.
За ова, не добивме одговор од германската амбасада. Можеби зошто амбасадорката не денеска не беше во амбасадата.
Извор:
http://a1.com.mk/vesti/default.aspx?VestID=105829
од Башино село не е ни два саата....
