Дома >
Македонија
Сајбер терористи го нападнаа сајтот на А1
Александар Момировски
14.02.2008 22:08 Сајбер терористи ја нападнаа интернет страната на А1 телевизија, веб сајтот веќе два дена не е достапен за корисниците, поради вирус што го пуштила организирана група.
Страната е под блокада од вторникот вечерта, нападот почнал во Америка директно врз мрежата на компанијата „Активхост“, која што се грижи за серверот на А1.
По падот на нивната мрежа надлежните откриле дека се работи за атак на интернет сајтот на А1, кој го исклучиле за да ги заштитат останатите сервери.
„Се работи за одредена група што контролира одeден број од неколку стотини до неколку илјадници компјутери заразени со некој вирус на кој тие во одреден момент можат да им дадат команда да пристапат до некоја одредена точка на интернет и со тоа со големиот промет што ќе го генерираат да го блокираат сајтот или мрежата што ја напаѓаат“, стеван Стеван Трајкоски, интернет сектор на А1 Телевизија.
Овој графички приказ покажува како изгледа нападот на интернет страната на А1 преку мрежата на „Активхост“. Навалата доаѓа од огромен број компјутери заразени со вирус.
Во соработка со американската фирма и со МВР, А1 работи на пронаоѓање на напаѓачите. Според проценките интернет сајтот нормално ќе профункционира од утре.
Засега има привремено решение на истата адреса на сајтот на А1, но со ограничена функционалност.
Веб сајтот на А1 дневно го посетуваат од 45.000 до 50.000 корисници.
како погоди жити се?