- Член од
- 17 октомври 2011
- Мислења
- 13.797
- Поени од реакции
- 33.615
The Gilded Age е американска историска драмска ТВ серија креирана и напишана од Џулијан Фелоус (авторот на Downton Abbey, освојувач на Оскар за сценариото на Gosford Park), за HBO. Дејството е сместено во Њујорк, САД за време на тн. Gilded Age, 80-тите години на 19 век кога економијата во САД е во огромен подем и Америка за прв пат ја надминува Европа во многу нешта. Оригинално била наменета за NBC во 2018, но во 2019 HBO ја презема под своја капа.
Премиерата на првата сезона беше во јануари 2022, а втората во октомври 2023. Во декември 2023 серијата е обновена за трета сезона. Има одлични критики за серијата, пред се за одличниот кастинг и глума од актерите: Кери Кун (ја знаеме од The Leftovers), Морган Спектор, Синтија Никсон (Sex and the City) и Кристин Барански (The Good Wife), како и за одличната сценографија и костимографија.
Слично како во Downton Abbey, серијата ги следи конфликтите меѓу богатите семејства од стариот ков во Њујорк, и новопечените богаташи кои се збогатуваат со развојот на индустријата и технологијата во САД (во случајов, семејството Расел со железницата), како и конфликтот меѓу високата и средната класа, газдите и послугата, како и афро-американската висока класа и работничката класа.
Интересно е што една од главните улоги ја толкува актерката Луиса Јакобсон, за која ова е прво појавување на екраните, а станува збор за ќерка на Мерил Стрип. Беше номинирана за SAG Award во 2023, како дел од ансамблот на серијата.
Иако серијата заработи неколку номинации и освои ЕМИ Creative Award за продукциски дизајн во 2023, сепак изостануваат номинациите за главните ЕМИ и Глобуси, но со оглед на тоа што дел од сериите кои често беа номинирани последните 2 години за овие награди завршија или завршуваат (Succession, The Crown, Stranger Things...), очекувам во наредните години ова да е една од главните конкуренти за освојување на наградите. Најтопла препорака за сите кои сакаат костимирани period drama серии.
