Нов скандал на Евровизија - на делегацијата на Холандија и се заканува дисквалификација. На пејачот Joost Klein не му било дозволено да настапи на генералната проба денеска. Причината не е 100% позната, ова е единственото образложение од ЕБУ, за сега:
Прегледај го приврзокот 416489
После вчерашното полуфинале, на прес конференцијата на учесниците кои влегоа во финале имаше мал „инцидент“. Кога дојде на ред Израел да одговара на прашањата, на пејачката Иден Голан и беше поставено прашање од медиум кој не е израелски - дали се чувствува виновна што дошла на Евровизија со што ја загрозува безбедноста на сите останати учесници. Модераторот на конференцијата (инаку Србин кој живее во Шведска и беше водител на српскиот избор за песна за Евровизија пред 2 години) и рече дека не мора да одговара на тоа прашање, на што холандскиот претставник праша „А зошто да не“. Притоа, додека израелската претставничка одговараше на прашањето, Joost Klein ја покри главата со знамето на Холандија, а грчката претставничка се преправаше дека спие. Пред тоа, претставникот на Латвија имаше коментар дека неговата држава била единствена во светот чија карта личела на пеперутка, а пеперутката била симбол на слободата, и дека сите земји во светот требало да бидат слободни (јас сум сигурен дека мислеше на Украина тука, но и неговото мислење беше поврзано со Израел, па имаше доста коментари дека сите тројца: пејачите на Холандија, Грција и Латвија немале почит кон претставничката на Израел.
Е сега - можната дисквалификација на Холандија наводно не е за ништо од ова погоре, туку кружи шпекулација дека наводно пејачот удрил член на израелската делегација откако тој се потсмевал со неговата песна, поточно со крајот на истата каде пејачот ја посветува песната на неговите починати родители.
Вакво нешто не памтам да се случило на ESC некогаш, а следам Евровизија скоро 35 години. Со двојните аршини, мислам дека EBU ќе направи таков преседан кој можеби ќе доведе до згаснување на целата манифестација, зашто ако ја дисквалификуваат Холандија, убеден сум дека многу земји ќе се откажат од учество.