@davorstoj1
Ризикот за фаќање на многу болести помеѓу кои и рак, е поголем од тој кај непушачите и кај пушачи кои пафкаат, а не само кои вовлекуваат. Со тоа што пафкаш, можеби не внесуваш дим во дишникот и белите дробови, со што ја намалуваш до некаде шансата за канцер на тие делови (иако и кога пафкаш, дел од честичките кои се во димот ти вдишуваш, во најмала рака на ниво на пасивен пушач), но истовремено, подолго ги изложуваш усната шуплина и грлото на дим пошто ти стои во уста, а со тоа ја зголемуваш шансата за фаќање канцер на тие делови. Исто така, пушењето го зголемува ризикот за канцер на џигер, панкреас, црева, простата, хранопровод и бубрези, без разлика на тоа дали вовлекуваш или пафкаш.
Освен канцер, постои ризик да заболиш од разно разни други болести и со пуфкање и со увлекување, како кардиоваскуларни болести, оштетување на забите и непцата, астма, па дури и според некои нови истражувања, се зголемува шансата за фаќање на дијабетес 2 кај долгогодишни пушачи со што не знам колкави се шансите кај пушачи кои увлекуваат наспроти тие кои пафкаат.
Сите овие ризици, ги добиваш за само 60-100 денари дневно потрошени пари, со 100-150 денари дневно за викенди кога си излезен ако пиеш и ги швајцаш цигара за цигара, а тоа се околу 2000-3000 денари од твојот џепарац месечно!
Евтино е, посебно за наши стандарди.