Стадион-„Никола Мантов“. Гледачи-100. Главен судија – Драганчо Јаневски. Помошници-Игор Богатинов и Симиончо Митев (сите од Кочани).Стрелци–Георгиевски-6м. Наков–36м,60м,65м. Велинов–70м. Картони нема.
„ОСОГОВО“ – Трајков, Данилов, Дамески, Темелков (Арсов), Манчовски, Георгиевски (Коцев), Наков, Шуманов (Дамјанов), Велинов, Коцевски,Карафилов.
„ФИЛИП II“ – Анакиев, Анастасов (Димитров), Кузмановски, Стојков (Амедов), Здравков, Илиев, Соколовски, Митров, Васевски, Петров, Николов (Стојанов).
НОВА „ПЕТАРДА“ ВО КОЧАНИ
Заостанатиот натпревар од петото коло помегу „Осогово“ и „Филип II“ што во редовниот термин беше одложен на барање на виничани поради труење со храна на дел од нивните играчи се одржа вчера додека во државата се празнуваше. Што се однесува до играта и до конечниот резултат ништо ново кога Осогово е во прашање. Младата и полетна екипа на Осогово одигра добро по тешкиот терен за игра, но и во такви услови „жолтите“ постигнаа пет погодока што според играта е малку.
1-0–Осогово поведе уште во шестата минута. Дамески нафрли ниско по земја во голманскиот простор, на топката појде Горгиевски ја зафати колку да и го смени правецот и ја упати во мрежата. Анакиев се фрли но неговата интервенција се покажа како залудна.
2-0-Вториот погодок за кочанчани е дело на расниот голгетер Наков. Топката повторно од десната страна беше нафрлена на шест метри од голот на гостите, прв до неа дојде Наков и со манир на искусен стрелец го постигна првиот гол од неговиот хет-трик.
3-0-Се играше шеесетата минута кога по кој знае кој пат „жолтите“ нафрлија од десната страна. Топката со глава ја зафати Наков, но биеше во гостинскиот голман кој ја одби пофторно до Наков кој двапати не греши. Мрежата на гостите се заниша по трет пат.
4-0-Наков беше проигран во празно покрај „подзаспаната“ гостинска одбрана. Излезе сам и од косо од левата страна биеше во спротивниот агол на немоѓниот Анакиев.
5-0-Последниот гол е дело на итриот Велинов. Од втората линија на домакините топката беше уфрлена во празниот гостински простор,на околу 40 метри од голот појдоа и голманот Анакиев и Велинов. Играчот на Осогово беше побрз ја зафати топката и со лоб удар ја смести во празниот гол.
Осоговци по „петардата“ во мрежата на гостите застанаа но виничани немаа ниту сила ниту знаење барем да постигнат почесен гол.
Се на се одлична престава на домакините на радост на малубројната публика која по се изгледа ако сака добар и ефикасен фудбал ќе мора да се врати на стадионот „Никола Мантов“.
Судиите одлично си ја завршија задачата која рака на срце и не им беше тешка бидејки и двете екипи играа крајно фер и коректно.