ЕКС-ДИРЕКТОР НА ЈУВЕ ТВРДИ ДЕКА Е ЖРТВА НА ЗАВЕРА
Моџи: Галијани ме намести
Лучијано Моџи, човекот во центарот на големиот скандал во калчото, го обвини потпретседателот на Милан, Адриано Галијани, дека му ја "наместил" оваа афера.
Во своето прво интервју откако изби аферата Моџи рече дека обвинувањата над него се "масло" на Галијани и поранешниот претседател на федерацијата Франко Караро.
"'Наместен' сум. С$ почна минатиот септември откако имав средба со Силвио Берлускони. Тој ми понуди да се преселам во Милан. Бев изненаден од понудата, но во исто време и почестен. Тогаш му кажав на Берлускони дека ќе размислам пред да му ја соопштам одлуката. Тоа се случуваше на стартот од сезоната и бев фокусиран на настапите на Јувентус. Очигледно дека Берлускони оваа своја идеја му ја соопштил и на Галијани. Потоа, две недели по средбата со Берлускони до федерацијата беа испратени снимени телефонски разговори меѓу мене и луѓе од федерацијата. С$ почна по таа несреќна средба со Берлускони", истакна Моџи.
Тој го обвини и Караро, екс-претседателот на федерацијата, кој набргу по објавувањето на скандалот поднесе оставка.
"Караро беше запознаен со ситуацијата. Сигурен сум дека првите информации кои се појавија во медиумите излегоа по негова заслуга", продолжи Моџи.
Поранешниот извршен директор на Јуве заедно со сите членови на бордот на директори поднесе оставка откако во јавноста се појавија снимените разговори во кои тој сугерирал кои судии да ја делат правдата на средбите на Јувентус. Поради оваа афера Јуве можно е да биде исфрлен од Серија "А" и да биде префрлен во пониските лиги.
"Јас не правев ништо ново. Ваков систем на работа функционира одамна. Вакви разговори меѓу клубовите и федерацијата се случуваат со години. Секогаш има некој што се жали и тоа сака да & го каже на федерацијата. Јас како и моите колеги од останатите клубови сакав на средбите на Јувентус да судат професионалци кои си ја знаат работата. Ништо повеќе немаше од тоа", заврши Моџи.