Дураку за ТВ21: Слупчане под редовна полициска контрола, но не се работи за вооружена косовска група
Слупчане, Матејче и Арачиново се под полициска контрола. Од Министерството за внатрешни работи потврдија дека има блокада на влезот во Арачиново, а детали најавија за утре. ТВ21 го контактираше и министерот за внатрешни работи Оливер Спасовски кој во телефонски разговор изјави дека се превземаат само вообичаени мерки на безбедност и им порача на граѓаните дека нема простор за паника.
Покрај блокадата пред влезот во Арачиново, пунктови со полициски специјалци има и кај селото Ропаљце како и на местото викано Слупчански бунар.
Екипа на ТВ21 беше на терен, поточно во кумановскиот регион, во општина Липково.
Во разговор со новинарот на ТВ21 Фуркан Салиу, градоначалникот на Липково, Садула Дураку тврди дека ситуацјата е мирна и дека не е вистина дека има вооружена група од Косово.
-Ова што го читав по интернет порталите не e ништо друго туку нивна сензација, начин на кој се обидуваат да соберат „клик“ повеќе. Ние веднаш ги проверивме информациите во надлежните институции и се работи за нормални полициски контроли. Нема никакви вооружени групи и можам да им порачам на граѓаните дека можат мирно да спијат, изјави Садула Дураку, градонаќалник на општина Липково.
http://tv21.tv/mk/?p=76041