Уште еден во Локерен
Во наредните две години Ертан Демири ќе го носи дресот со бреој 11 во тимот на Локерен. Довчерашниот фудбалер на Работнички К. вчера откако успешно ги мина долгите и исцрпувачки лекарски прегледи го стави потписот за новиот клуб по што го имаше и првиот тренинг со фудбалерите на Локерен.
"Среќен сум што се исполни мојата најголема желба. Долго време посакував да направам трамнсфер надвор од Македонија и ете сега му успеа. Многу сум им благодарен на моите менаџери Дејан Вељковиќ и Драган Силјаноски. Двајцата се најзаслужни за моето доаѓање тука во Локерен", изјави Демири веднаш по промоцијата за тимот во кој настапуваа Горан Мазнов и Бобан Јанчевски.
"Демири е одличен тимски играч. Игра со срце и го има насекаде по теренот. Многу е корисен и ќе се уверите во тоа. Можеби не е Аршавин, Чави или некој друг познат фудбалер но сметам дека Демири за нас ќе биде големо засилување", беа зборовите на познатиот белгиски тренер Џорџ Лекенс за неговиот нов фудбалер.
Барем засега ниту од Работнички а ниту самиот фудбалер не сакаа да коментираат околу условите под кои се прави трансферот на Демири во Белгија. Дознаваме дека цифрата е помала од онаа на Неџипи кој пред неколку недели замина во Лирс. Неофицијално станува збор за 300.000 евра кои Работнички (Вардар), ќе ги заработи од продажбата на фудбалерот кој спопред сите најави ќе биде во списокот на селекторот Среќко Катанец за следните предизвици на националниот тим.
_______________________
Петров во Грција
Македонскиот репрезентативец Роберт Петров кариерата ќе ја продолжи во тимот на Пансериакос од Грција. Тој вчера беше на преговори со екипата од Сер која во новата сезона ќе настапува во најсилната лига кај нашиот јужен сосед.
"Во сабота треба да се реализира трансферот и да се потпише договорот на две години", изјавува Петров за "Македонски Спорт"
Левиот бек до неделата тренираше со ЦСКА Софија кога и му истекоа обрските кон шампионот во Бугарија.
"По 6 години минати во Бугарија дојде времето да се смени земјата. Се надевам дека по две години во Грција ќе има нов предизвик во некој поголем клуб. Пансериакос е амбициозна екипа која се надева дека долго ќе се задржи во елитната лига на Грција", коментира Петров кој со Локо Пловдив и ЦСКА Софија освои по една шампионска титула во Бугарија.
Стандардниот наш репрезентативец треба да биде големо засилување за Пансериакос, а дека фудбалерот се враќа во топ форма покажа и неговиот настап за Македонија на тест дуелот со Полска, на кој одигра одлично на неговата позиција. Петров во минатата сезона имаше многу малери исполнети со паузи и повреди.
Sport.com.mk