И јас да споделам искуство од Тасос:
Пат:
420км од Велес до Лименарија или околу 7 часа пат вкупно по правец автобус+траект (со кола и побргу)
*од Скопје 470км или околу 7:45 часа пат
*траект од Кавала или Керамоти (од Керамоти е пократок патот со траект, околу 45мин, поефтино, ама 35км подалеку од Кавала по автопат па по регионален пат, ама заштедува време и пари)
http://www.thassos-ferries.gr/english.html
Сместување:
Лименарија - 90еур пат и сместување по лице
*југозападен дел
*поевтино од другите туристички места (Панагија или Скала Потамија на источниот дел на островот)
*малку подалеку од останатите плажи
*Има една убава плажа на 20мин пешачење кон исток Metalia beach (
http://www.go-thassos.gr/about-thassos/places/metalia-beach )
Период:
од 13 до 20 септември 2013 година.
Временски услови:
од 25 до 30 степени, 2 долждливи ноќи и 1 облачен ден. Се друго сонце.
*нема потреба од клима уред, денски не си во смештајот, навечер е пријатно.
* носете средства против комарци задолжително
Плажи кои би ги препорачал:
Јужен дел:
-
Металиа (итересна плажа, вреди да се види, близу Лименарија)
http://www.go-thassos.gr/about-thassos/places/metalia-beach
-
Пефкари и
Потос (туристички местенца со просечни плажи, покрај самиот брег е патот, лесно достапни)
-
Псили Амос (лесно достапна, на самиот пат со 2 барови на плажата, ситна песок и со поглед на малечко карпесто островче)
-
Ливади и интимната
Арсанас (околу 1 км off road, има паркинг на самата Ливади, а Арсанас се оди пешки преку едно ридче, ама вреди да се посети)
-
Алики (полуостров со две плажи, една од едната страна, друга од другата, лесно пристапна со паркинг покрај патот)
* на самиот полуостров, има античко наоѓалиште и се оди пешки околу 30мин да го свртите целиот полуостров
* на крајниот дел на полуостровот се античките ископини на мермер, и прекрасна глетка, како да сте на друга планета.
-
Агиос Јоанис (залив со ситни камчиња, 1км off road)
-
Гиола (Го нарекуваат Окото на Зевс и не е плажа, туку буквално хоризонтална дупка во карпа, 4-5м длабока, идеална за скокање од високо, 10тина метри. Кристално чиста вода. Интересно да се види да, ама не би одел пак. Тешко достапна, по земјен пат 3-4км и после пешки по козја патека. Стрмно и не тргајте таму без вода.)
http://www.youtube.com/watch?v=Sgviy3W0sc8
Источен дел:
-
Paradise Beach (ситен песок и плитка плажа, кристално чиста вода и поглед на островот Нисира Кинира. Има на главниот пат паркинг или ако сакате до плажата off-road 1км пристапен и за коли. Прекрасна борова шума во околината на плажата)
http://www.greeka.com/eastern_aegean/thassos/thassos-beaches/thassos-paradise_beach.htm
-
Golden Beach (најголема плажа на Тасос, песочна полна со таверни и ресторанчиња, најголема концентрација на туристи, кристално чиста вода. Плажата е во вид на голем залив, плитка и мирна вода, погодна и за деца. Преубаво изгрејсонце)
http://www.greeka.com/eastern_aegean/thassos/thassos-beaches/thassos-golden_beach.htm
-
Marble Beach или Saliara (мермерната плажа. Ја викаат така оти има свлечиште на остатоци од мермерното наоѓалиште над плажата. Ситни тркалезни мермерни камчиња и кристално чиста вода. Во ек на сезона нема каде да се фрли крпа, во септември релаксирано, патот до таму е веќе сериозен off-road 4-5км, и не те покрива осигурувањето на рент-а-кар, ама вреди да се посети)
http://www.greeka.com/eastern_aegean/thassos/thassos-pictures/marble_beach-pictures/members-1.htm
-
Макриамос (се плаќа и влез и лежалка. малку off-road, и кристално чиста вода)
http://www.greeka.com/eastern_aegean/thassos/thassos-beaches/thassos-makriamos.htm
Северен дел:
- Лименас (во главниот град Лименас, градска плажа, ништо посебно)
-
Нистери (само ако сте сместени во главниот град, оти е на 2км)
-
Папалимани (само ако сте сместени во главниот град, оти е на 1км)
Западен дел:
- ништо посебно од плажи, има песочни, има и со камчиња, но поради голем пожар пред 20 години, нема вегетација и е некако пусто на овој дел. Не дека е лошо, но јужниот и источниот дел на островот се далеку подобри
Места за посетување:
- Лименас или Тасос - главен град на островот Тасос, најголемо населено место полно со таверни и ресторани. Би препорачал да го посетите
Bar Karnagio (
https://ssl.panoramio.com/photo/95291394 )
, убаво место за релаксација. Може да го посетите и античкиот театар до кој се стигнува пешки низ борова шума.
- Теологос - бивш главен град на Тасос сега мирно селце карактеристично по јагнешкото месо и неколкуте религиозни објекти (
https://ssl.panoramio.com/photo/51758369 ). Се наоѓа во средишниот дел на островот, со пристапен, не стрмен, асфалтен пат кој води од Потос на јужниот дел од островот
-
Манастир Архангел Михаил - се наоѓа на јужниот дел од Тасос, на врвот на една карпа од каде има поглед на отворен море кон југ. Доста голем, значаен и убав манастир, дел од света гора од Атос. се наоѓа на самиот пат. Не смеете да влегувате по шорцеви или купаќи, ама затоа има сукњи за женски и панталони за машки, ги даваат од таму.
-
Скала Марион - на запад, местото е идентично како и сите други, со таа разлика што има прекрасно зајдисонце со поглед кон Атос на Халкидики на хоризонтот.
Патна инфраструктура:
Патиштата им се генерално во ред. Доволно широки без дупки. Да го свртите цел остров е 100км. Имате бензински скоро секаде, ама внимавајте кога ќе одите од Псили Амос кон Paradise Beach, 30-40км нема бензинска пумпа, на југо-источниот дел, затоа на тој дел планирајте си го гориво.
- Северен дел - ок
- Источен дел покрај море и рамен
- Јужен дел - покрај море, па после низ борова шума низ планини (за мене многу живописен дел)
- Западен дел - покрај море и исто низ борова шума низ планини и прекрасни глетки на плажите и заливите.
*не се секирајте на островот скоро и да не видов полиција, криминал нема, дури и ги заборававме клучевите во бравата на моторите кога ги остававме на паркинг.
Превоз на островот:
Никако без превоз на островот, ако сте со автобус, рентајте кола или мотор. Која е поентата да сте на остров ако не го прошетате?, ако сте само за плажа и море и Паралија е доволна и поефтина.
Сопствен превоз - супер
Рент-а-кар: Јас рентав скутер, 10еур днавно за 6 дена (ако се ценкате и поевтино) + некаде 20еур за гориво = 80еур скутер+гориво
Поминав 320км низ островот и вредеше секој километар.
Автобус: има автобуски линии преку цел ден, како до плажите, така и до населените места (
http://www.thassos-view.com/en/information/bus-schedules-thassos )
Храна: стандардно за Грција, има и супермаркети со поприфатливи цени за нас. Таверни и Fast-food насекаде.
Ноќен живот: Освен барови покрај плажи и ресторанчиња, не нуди повеќе. Има некоја дискотека отворена кај Потос, ама не ме занимаше многу.
Заклучок: Кога тргнав бев скептик, но сега пак би одел.
Ако сакате полежарен одмор со песочни плажи, одете на источниот дел (Paradise beach, Golden beach,..).
Ако сакате подинамичен одмор одете на јужниот дел (Metalia, Giola, Alyki, Livadi,...) бидејки покрај патот позади секоја кривина има плажичка и ќе застанувате на секој 2-3км.
,се надевам дека информациите ќе ви бидат од корист.
Поздрав, Виктор
Нa мен 8 еврa ми се види добре. Aко имaш информaција зa aвтобуси или туристически влaкчетa...рент-a-кaр не ми трјабвa.
мислам оти се наоѓаше после Скала Потамиа