Распукани Воиславци - домашна игра

[Мацо_Д()]

2D игра трето лице пукање за Windows

Играта е римејк или пародија на стара аркадна игра
од јапонската компанија SNK "Ikari Warriors" излезена 1986 година. За името прво мислев дека е печатна грешка, потоа мислев дека е шега а сега знам дека Ikari е село во Јапонија, за оние што не знаат Воиславци е радовишко. Аватарот во играта изгледа како Рамбо, затоа што во тоа време Рамбо II станал многу популарен филм.
Оригиналната јапонска верзија се играла со специјални вртливи џојстици, но американците ја прилагодиле за своите аркадни машини - тоа е верзијата што се играше овде. Играта почнав да ја правам додека учев програмирање и бев упорен да ја завршам до некаде. Сеуште е во бета фаза, кодот е валкан и тежок за одржување и поправање, го запоставувам. Се надевам ќе ви биде доволно интересна да ја завршите до крај, можете а ја симнете овде http://maco.sitey.me/downloads.

Очекувам прашања, пофалби и поплаки во продолжение.

 

[Kostur123]

Како си ме погодил со играва...

Ја немам играно твојава, ама ако е сличана имаш 5.

 

[nE0n1nja]

Браво, не е лошо. Направив 100 и нешто илјади поени. Не е закон играва, ама не е ни ѓубре, поготово што си ја правел сам.
Моите забелешки се:

1. На почеток по default треба да биде активирано тоа "контролирај го маусот на двете оски" или така нешто.. Кога не е ова активирано нишанењето е многу чудно и тешко, поготово кога треба да нишаниш зад тебе.
2. Позгодно би било контролите за движење да бидат на WASD наместо на стрелките. Исто така логично е примарниот пук да биде на лев клик, а бомби да се фрлаат со десен клик. На почеток по навика сакав да пукам со лев клик и пола бомби ги истрошив за џабе.
3. Главниот тенк (босот) умре од само една бомба. Би било убаво да има поголема енергија и различни напади, инаку освен по изглед не се разликува по ништо друго од малите обични тенкови.
4. Животите треба или да се ресетираат после завршување на секоја стаза, или да има дропови како што има за муниција, гориво итн..
5. И за крај најбитната забелешка е тоа дека играта треба да биде побрза, пофлуидна за да го направи самото играње позабавно.

 

[Мацо_Д()]

Штотуку прикачив нова верзија од играта. Додадени се звучните ефекти за 64-битни машини и поправени се некои багови.

 

[Мацо_Д()]

Уште неколку поправки и крпеници за подобар изглед и gameplay. Веројатно и последни. Симнете ја најновата верзија ако ви се допаѓа играва.