Ова е многу комплицирана и лоша игра кај нас. Имаш дел врз кој што ќе се гради - значи дека без тебе не може да се оформи урбанистичка парцела?
Можам да ти кажам за ситуација во која имаш постоечки објект дека отприлика е 25-30% (ретко минимално над 30%). Секогаш е долга напорна игра во која обично инвеститорите се повеќе во ќар затоа и се нафаќаат да праат таква комбинација. Процентот паѓа со големината на новопланираниот објект. Треба да ја имаш на ум пазарната вредност на земјиштето во реонот (не знам каде е). Мои пријатели ја дадоа куќата за кеш затоа што така им требаше, ама се убија од чекање и барање инвеститор, други ја дадоа за поврат-станови, живеат две години под кирија и никој не знае кога ќе се вселат во становите кои им следуваат (затоа што инвеститорот се бори за измена на ДУП со која ќе добие кат вишок кој нема да го дели со родниниве - мизерија)....најнов пример е еден објект кај мене во соседството каде луѓето (кои сега живеат во ќенефи) бараа нереални 50% од згради П+9+Пк - затоа само тие останаа во ќенефите, а се' околу нив се изгради...глупо правило е дека кога му исплаќаат кеш на сопственикот на земјиштето му се исплаќа помалку - тоа е веројатно пошо нема пари во оптек во земјава.
Мој совет е секогаш да ја имаш на ум цената за градење целата зграда, пазарната цена на зградата (становите кога би се продавале) и да бараш коректен процент во рамки на условите (кои вака без локација, урбанистички услови, постоечка состојба не можам да ти кажам)...а главен совет е да си составиш некаква понуда и да ја нудиш на повеќе инвеститори, т.е да собираш понуди од нив за да си ги видиш можностите. Се зборува за некаков пад на цени на станови, раст на цени на градежни материјали - тешко се фаќа некаква логика...
