Конкретизирај што да се снима во јавност? Широк поим е да се снима во јавност.
Законски не е забрането но во пракса може да има нус појави
. Работата на полициските службеници е јавна и како таква не е забранета да се снима односно не постои правен акт што би те спречил во тоа. Полицаец на обврска не постои но знам на што мислиш. Полицискиот службеник кој е на должност има апсолутно право самиот да ти забрани да го снимаш, да снимаш настан на кој си се затекнал без разлика дали се работи за кривичен, прекршочен итн, или дали се наоѓаш на објект што е од стратешко значење.
Што се однесува до зафркавање по трговски центри во пракса трговскиот центар преставува правен субјект кој може да поседува сопствен или изнајмен имот со дејност на јавен услужен објект заедно со сите негови продажни центри и строго дефинирано работно време. По истекот на работното време преставува деловен простор со ограничено движење па според член 145 од КЗ на РМ
(1)Тој што неовластено ќе влезе во туѓ дом, затворен или заграден простор што му припаѓа на тој дом или приватен деловен простор означен како таков или по барање од овластеното лице оттаму не се оддалечи, ќе се казни со парична казна или со затвор до една година.
(2)Ако делото од став 1 го стори службено лице во вршење на службата, ќе се казни со затвор од шест месеци до пет години.
(3)Обидот за делата од ставовите 1 и 2 е казнив.
(4)Гонењето на делото од став 1 се презема по приватна тужба.
и член 152 КЗ на РМ
(1)Тој што неовластено ќе направи фотографски, филмски или видео снимки на друго лице или на неговите лични простории без негова согласност, повредувајќи ја неговата приватност или тој што таквите снимки непосредно ги пренесува на трето лице или му ги покажува или на друг начин му овозможува со нив да се запознае, ќе се казни со парична казна или со затвор до една година.
(2)Ако делото од став 1 противзаконито го стори службено лице во вршење на службата, ќе се казни со затвор од три месеци до три години.
(3)Гонењето за делото од став 1 се презема по приватна тужба.