Torte Mobile
Модератор
- Член од
- 29 ноември 2007
- Мислења
- 7.098
- Поени од реакции
- 1.885
Полициските “крајслери“ што беа набавени пред 12 години ќе одат на продажба, а според професионалните возачи, за нив би можеле да се заинтересираат таксистите, пишува “Дневник“.
Но, Министерството за внатрешни работи сè уште не донело формална одлука за продажба на “крајслерите“.
Весникот пишува дека МВР ќе ја донесе одлуката за продажба на возилата кога ќе ги добие новите 150 полициски возила “шкода јети“ кои се очекува да стигнат на крајот на годинава. Според професионалните возачи, за “крајслерите“ би можеле да се заинтересираат таксистите. Со вградување плински уред би се зголемила потрошувачката, но ако се спореди цената на бензинот и на плинот, сепак значително би се заштедило. Истовремено “крајслерот“ е пространо и комотно возило, со добра амортизација, што е дополнителен плус да биде искористено како такси-возило.
“Крајслерите“ беа набавени во 2000-тата година кога со МВР раководеше сега покојната Доста Димовска. Тогаш од САД беа набавени 210 патнички возила “крајслер“ и 30 џипа. Сите имаат бензински мотор. За искористеноста на “крајслерите“ говори фактот што секое од овие возила има поминато во просек по 500.000 километри, пишува “Дневник“. Познавачите велат дека тие се издржливи возила кои би можеле да се користат и во наредните години без поголеми проблеми.