насловна на дневниот весник Вечер
еве што пишува:
Избегнат скандал среде Скопје
На свеченото дефиле во салата "Јане Сандански" малку недостасуваше нашиот тим да биде претставен под референцата F.Y.R. of Macedona, но по интервенцијата на генералниот секретар на КФМ, таблата беше повлечена и на теренот репрезентацијата се појави само со знамето на Македонија
На свечното отворање на Европското првенство во кошарка за играчи до 18 години, во салата "Јане Сандански" , во Скопје, во последен момент е избегнат скандал кој можеше да добие поинакви димензии, политички, посебно во деновите на борба за сочување на уставното име Република Македонија. Имено, во рамките на подготовките за свеченото отворање на првенството, според ФИБА правилата, нашата репрезентација требаше да биде претставена со табла на која ќе биде испишано името Ф.Ѕ.Р. оф Мацедониа, но луѓето од КФМ не дозволија такво нешто да се случи во официјалниот дел, за заштита на својата земја, идентитет оспоруван од само една земја - Грција, која има претставник на ова првенство.
- Во рамките на подготовките за организација на првенството во Скопје на сите материјали беше испишано нашето уставно име. Добивме забелешка од ФИБА Европа дека не ги почитуваме правилата, потсетувајќи не под кое име сме примени во светската и европска куќа на кошарката. Затоа подсвесно беше направена грешка, на таблата беше испишано F.Y.R. of Macedonia. Сето тоа на време го воочивме и не дозволивме среде Скопје да се случи скандал. Додека репрезентациите се подготвуваа за свеченото дефиле, кога ја забележав таблата на која беше испишано F.Y.R. of Macedonia веднаш реагирав, ја повлеков и нашиот тим беше единствениот кој на теренот во салата се појави само со знамето на Република Македонија. Дури и претседателот на КФМ Даниел Димевски во поздравниот говор секогаш го користеше нашето уставно име и не гледам зошто сега се прави случај кој не постои, вели генералниот секретар на Кошаркарската федерација на Македонија Дејан Лекиќ.