ЖИВА ,,ПЉАЧКА“: АКО САКАТЕ ДА МРДНЕТЕ НАДВОР ОД ЗЕМЈАВА СО КОЛА – ЗЕЛЕН КАРТОН 90 ЕВРА
Сопствениците на една третина од вкупниот број регистрирани автомобили во земјава секоја година плаќаат од 60 до 90 евра за да купат зелена карта без која со своите возила не можат да ја напуштат земјава. Многумина од нив негодуваат и сметаат дека осигурувањето што го плаќаат при регистрацијата на возилата е доволно за да се покријат евентуалните штети при патување во други држави, пишува
Нова Македонија.
Скопјанецот Живко Стојковски за својот автомобил плаќа околу 12 илјади денари за регистрација и за зелена карта околу 5.000 денари. Тој вели дека овие трошоци се високи во однос на примањата. Имено, ако се земе предвид дека просечната плата во земјава се движи околу 21.000 денари, тоа значи дека околу 80 отсто од просечната плата се троши за регистрација на возило и за зелена карта.
Во Националното биро за осигурување велат дека цената на зелената карта не е менувана од 2011 година иако цените и осигурителните покритија постојано растат.
- Според статистичката евиденција што се води во Националното биро, годишно во земјава се продаваат од 120.000 до 130.000 зелени карти – вели заменик-директорката Гелевска.
- Зелената карта во Македонија се наплаќа дополнително 60 и 90 евра, во зависност од возилото, само доколку возачот го вози надвор од земјава. Во другите земји, со мали исклучоци, зелената карта е додадена во полисата за осигурување без разлика дали возилото излегува од земјата или не – вели заменик-директорката на Национално биро за осигурување, Лепосава Гелевска.
Сепак вакви цени има само во нашата Македонија. Србија на пример плаќаа претходно при регистрација 15 евра годишно и тој зелен картон им важеше за цела Европа освен за Македонија и за Босна – за кои земји мора да вадат посебно и чини дополнителни 20 евра.
Но последните години во Србија е укинат зелениот картон – а и осигурувањето не е значително поскапено, односно иако зелениот картон е укунат поодамна тоа поскапело дури оваа година – и тоа за мала сума, недоволна за да се каже дека таа давча за зелен картон е причина за поскапувањето. Но за србите кој сакаат да возат низ Македонија и Босна се уште треба зелен картон што ги буни возачите кој не патуваат често во овие земји. Па на граница се принудени да вадат картон кој важи за неколку дена и чини богами многу. Чиста пљачка – коментираат возачите.