Масони

[Apokalipto]

Почна да се одразува...

 

[baksterski]

Мислам дека голата суштина и целта на постоењето на масонеријата е голиот интерес на тоа друштво да си обезбеди позиција ,,волк со волк да не се јади туку волк на волк да помага,,. Замислете да си имате за ,,браќа,, премиери, претседатели, министри, судии, обвинители, градоначалници, бизнисмени, директори на царини, директори на разни инспекции, банкари, бизнисмени, професори, новинари........ Со такви ,,браќа,, дали има некоја функција која би ви била недостапна или некој бизнис кој не би можеле да го направите, работа која не можете да ја завршите.... Секој на секого помага и на сите им е супер.... Па сето тоа поврзано и на интернационално ниво. Фантазија, пари за сите........ Како правиш повеке пари и стекнуваш повеке моќ одиш во погорен ранг, во поголеми бизниси........ Ритуали, просветлување, храмови, богови, хуманизам, знаење и незнам што друго, сето тоа е само параван и начин да се држи и контролира друштвото заедно..........

Во сите овие 246 страни го даде најкраткиот одговор. Според мене, а многу нема да се согласуваат но, потајно посакуваат да бидат масони. Заради власта или (во масонеријата како што би било кажано) влијанието над другите луге. Како што би рекол Ниче во неговата книга Волја за Моќ над другите. И во господарот и во робот видов волја за моќ. Се друго е срање, тоа и самите масони го знаат.

 

[gestapo271]

Imasonite se luge umiracka ima itie ke psovisat smrta ne prasuva dali si bogat i kojsi.Po siromav ama raat spijam tl koga zvoni go otvaram nemem stres uzivam,tie nemozat ni sex da imat od problemi,mene seedno mie koga mocam polu svrsuvanje koga ke vidam zena eksplozoja.Neka mislat masonite sto e podobro pari i mok da imat ili normalen zivot.

 

[Marchelo93]

У Крива Паланка има масони.

 

[Тапетарот Петар]

У Крива Паланка има масони.

Има, уште од прошлиот век. Првата масонска ложа била основана у с. Псача у родната куќа на Тито Петковски.

 

[somoteitbe]

Скоро сите политичари се масони.Ретко кој не, а и дали ке опстои во политиката со друга религија.Гледав на еден сајт(ако го најдам ке ви пуштам линк) дека грујо и ѓорѓе се масони прв ред.За бранко не прочитав, како што и прочитав за бројни функционери и од позиција и од опозиција.Едноставно е "тренд" да бидеш масон.

Пријателе , еден добронамерен совет од мене започни со пишување на научнофантастични романи пари ке направиш...Од погоре посочените политичари ниту еден не е масон а кај нас во МК има околу 100тина масони признаени за останатите инстант не коментирам.

 

[Urban Female]

Еве кој сака да погледне,а не го е гледал,нешто конкретно за Македонија.

 

[Lord Calypso]

Vo vrska so masonite, i tajnite drustva procitajteja knigata "Vistinska prikana za klubot Bilderberg" na Estulin. A mislam deka dosta fakti se izneseni i vo " Kodot na Da Vinci " na Den Braun.

Inaku predvodnici na masonstvoto i tajnite drustva koi se borat za mok i prevlast se aristokratskite semejstva! Go imaat zaposednato celiot mediumski prostor, sto im ovozmozuva besprekorna i efikasna propaganda!

 

[gjoko-mkd]

се има некој запрашано дали е случајно новиот мост да е во форма на ОКО,тријаголникот да го има и на МНР(официјаниот влез) и на Археолошкиот(тимпанонот),прозорите на новата црква Пресвета Богородица од Трифун да се во форма на тријаголници,мечот(на раката на Александар),коринскиот столб(скоро на сите објекти),сонцето на пола објекти,орнаментите на МНР(како тие како лисја на доларот).......

Што мислите????????????????

 

[zidarski]

Urban Female - ти благодарам што го постира видеото - не го имав гледано претходно.
Би сакал да прокоментирам на некои од изнесените работи...

1. Чомовски не само што демонстрира непознавање на темата, демонстрира и непочитување на сопствената професија и нејзините стандарди (за жал). Ја води дискусијата во претходно предрешен тек, и воопшто не се осврнува на тоа што велат соговорниците. Тој си решил дека работите се така и готово, нема што сега некој да му објаснува како е. Во такви случаи, треба да направи коментаторска емисија, а не да кани соговорници.
2. Неколку коментари за содржината на дискусијата:
- Не ми се допадна што Груевски флертува со идејата за политичката инволвираност на масонеријата. Во ниту еден момент не вели отворено "да", но исто така во ниту еден момент не вели категорично "не", што воошто не е коректно и може да доведе до непотребни заблуди.
- Прашањето за другиот Груевски (Никола). Јасно ми е дека тргнува од логиката "ако почнеме да кажуваме не за оние кои не се, што ќе правиме кога ќе се постави прашање за оние кои се" - што е причина и јас да не одговарам на такви прашања тука на форумов, но сепак мислам дека има одредени случаи, во кои може категорично да се даде негативен одговор, или барем да се даде јасно објаснување зошто не се дава одговор.
- Коментарот на професорот од второто видео (всушност, емисијата е поделена на три дела на Youtube), е тотално апсурден - има јасни докази дека членови на ТМОРО (и потоа ВМРО) биле масони. Логиката со која го објаснува е тотално апсурдна.
- Обидот на Чомовски да зборува за заговори е интересен, но покажува непознавање на темата Масонерија, и фрла во ист куп се од Билдеберг, до Трилатерална комисија... ништо поразлично од било кој аматерски веб-сајт на истата тема.

3. Би сакал (повторно) да дадам малку подетално објаснување за некои работи, малку провоциран од дискусијата во видеото (и од недостатокот на соодветни објаснувања таму):
- Масонеријата не е тајна организација, речиси 300 години. Масонските ложи излегуваат во јавноста во 1717-та година. Во земјите во кои има развиена демократска традиција и во кои постои толерантност, ложите работат сосема отворено - зградите се јасно одбележани (на мојата пишува со огромни букви "TORONTO WEST MASONIC TEMPLE"), вратите се отворени за посетители (може да влезе случаен минувач од улица и да разгледа или да праша нешто ако сака, и тоа често се случува), и распоредот на состаноци на ложите јавно се објавува - на јавен веб-сајт, во локалниот весник (особено во помалите градови се користи овој метод), понекогаш на табло пред влезот на самата зграда. За време на вечерата што се одвива пред или после состанокот, може да присуствува било кој. Повеќето масони кои ги познавам во Северна Америка носат некакво масонско обележје - значка и/или прстен, и ретко кој од нас крие дека е член, кога за тоа ќе стане збор пред колеги, пријатели, па и пред случајни намерници во метрото на пример.
Во некои земји - масонеријата не е толку отворена - и со оправдани причини. Во Европа, иако повеќето ложи биле доста отворени пред војната, последиците од неа доведуваат до голема претпазливост. За време на втората светска војна, стотици илјади луѓе се осудени заради членување во ложа или за врски со масонерија (прилично апсурдно обвинување, но само во Шпанија над 80,000 лица се ликвидирани под тоа обвинување, а имало само 5,000 масони во земјата пред да дојде Франко). По војната, во комунистичките држави, следува речиси иста судбина, што уште повеќе ја зацврстува потребата од тајност. Таа тајност се манифестира преку неекспонирање на местата за состаноци во некои земји, или пак во зголемени мерки за безбедност за истите во други земји (како на пример Турција, каде што мора со вооружено обезбедување да се чува зградата во Истанбул, заради двата терористички напади врз неа). Исто така, ретко ќе видите европски масон да носи масонска значка, или пак да дискутира јавно за своето членство. Повторно - разбирливо е, затоа што при повторување на настаните од 40-тите години на 20-тиот век, токму експонираните би биле први на список.
(продолжува)
--- надополнето: 20 март 2013 во 20:04 ---
И во отворените, и во позатворените масонерии - состаноците на ложата се приватни и не се отворени за нечленови! Не постои никаква причина зошто да бидат отворени. Состаноците на бордот на директори на една фирма, не е отворен за јавноста, не е отворен дури ни за вработените. Сепак, не сум слушнал некој да ги обвинува Алкалоид или Пивара за заговор, затоа што директорите се состануваат зад затворени врати. Дури и кога имате домашна дискусија со сопругата или родителите, во врска со прашања кои се лични за вашето семејство, или пак дискутирате за семејниот буџет и трошоци, не ги каните соседите, а ако некој непоканет дојде, верувам дека го прекинувате разговорот, се додека не отиде гостинот. Дали тоа значи дека вие правите некаков заговор против соседите, штом не дозволувате да бидат дел од таа ваша дискусија? Или можеби изведувате некакви ритуали за време на семејниот ручек, штом не ги викате соседите да видат какви мирудии ставате во манџата? Малку вулгаризирам... но логиката е токму таа...
(продолжува)

 

[gjoko-mkd]

за масоните се знае скоро све,освен што прават оние од врвот,дали е тоа што го прокламираат или имаат некои други агенди.

јавното делување е сосема ОК,прашање е дали постои и нешто друго зад параванот

 

[zidarski]

- Масонеријата и политиката
Неспорен факт е дека има масони кои се занимаваат со политика. Тоа никогаш не сме го негирале, ниту пак има логика да се негира. Тоа воопшто не значи дека масонеријата се занимава со политика! Напротив - има две теми за кои е строго забрането да се дискутира - религија и политика. Секаква политичка дискусија во ложата, ќе резултира со исклучување на членот (членовите)!
Тоа е како да ја правиме следната аналогија: Пандев е Македонец. Пандев игра во Калчо лигата. Калчо лигата е македонска.
Дали масоните меѓу себе, надвор од ложата дискутираат за политика? Апсолутно. Само што дискутирам за политика и со сестра ми, жена ми, комшиите, пријателите, колегите... интересно е што тоа никој не го третира како заговор, а нема никаква разлика.
Не постои систем, идеја, начин, да се направи членовите на масонската ложа да гласаат на еден или на друг начин, да поддржат еден или друг кандидат, да бидат активни во една или во друга партија. Секој си има свои, сопствени политички убедувања, во кои никој нити му се меша, нити се обидува да влијае врз нив. Во мојата ложа имам неколку членови кои се многу активно вклучени во политиката на Канада. Ниту еден од нив не сум слушнал некогаш да го спомне тоа во ложа, ниту пак да бара од некој од браќата да му помогне во неговата кампања.
Ова е доста тешко да се сфати од нечленовите, затоа што општеството (не само во Македонија, туку насекаде) е толку преокупирано со политика, што има некое мислење дека таа е алфа и омега на целото постоење. Соодветно, една организација со тајни, како што е масонеријата, мора да се занимава со политика или со некаков заговор. Она што малкумина го сфаќаат е дека има работи кои се многу побитни од политиката, многу над политиката... дека личното издигнување е пред се и најважно од се и дека без него, ништо друго нема смисла. Дека градењето на човекот е многу потешко и позначајно, отколку градењето на кариерата. Во крајна сметка, градењето на личноста, ќе резултира со градење на кариера, заради моралната и интелектуалната фокусираност и посветеност.
(продолжува)
--- надополнето: 20 март 2013 во 20:53 ---
Gjoko - ќе одговорам, само да завршам со тоа што го пишувам (го делам на парчиња, за да нема проблем некаков при објавувањето).

Во една група на луѓе кои се посветени на себе-усовршување, и преку тоа на усовршување на светот околу нив - нормално е дека ќе има луѓе кои се занимаваат и со политика. Сепак, има далеку поголем број на луѓе кои се универзитетски професори, бизнисмени, доктори, полицајци, пожарникари итн...
Веќе имам спомнато порано - врските кои масоните ги имаат меѓу себе, не се за потценување при меѓусебната соработка, но во никој случај, не се над личните принципи. Кога ќе се сретнат двајца бизнисмени од различни компании, доколку и двајцата се масони - меѓу нив се создава моментална доверба. Знаеш веднаш дека преговорите се отворени, јасни, без никаква агенда. Доколку и двете страни се согласни, се е во ред, доколку не се, пак се е во ред - не постои механизам или начин да се принудат тие двајца бизнисмени да соработуваат, доколу договорот не е во полза на двајцата. Сепак - кога одиш во бизнис преговори со некој сосема непознат, првичната реакција е недоверба, влегуваш во преговорите со претпазливост, со постепено градење на доверба. Разликата е што кога преговарам со некој за кој знам дека е масон - таа доверба ја имам од старт. Тоа многу менува. Истото се случува и во политиката. Кога двајца масони ќе преговараат на одредена тема, меѓу нив нема да има скриена агенда или некакво "политикантство", а дискусијата ќе биде искрена и отворена. Тоа не значи дека ќе дојдат до заеднички заклучок - секој ќе се води од своите принципи и ставови, но барем ќе знаат дека тие ставови се токму такви какви што се претставуваат, и нема нешто скриено зад нив.
Луѓе кои не го доживеале ова, многу тешко може да го разберат. Прво, многу тешко може да разберат како тоа двајца луѓе кои воопшто не се познаваат, може да си имаат таква доверба (без при тоа некој да им наредил тоа да биде така). Второ, тешко може да разберат, дека токму во тоа се наоѓа таа митска "моќ" на масонеријата.
Никој не треба да ти нареди да имаш доверба во друг брат, дури и да не го познаваш и да не си го сретнал претходно. Системот гарантира за него. Системот гарантира дека тој е човек од доверба, чесен, со високи вредности итн. Исто како што гарантира за тебе. Неговата проверка и твојата проверка се правени по истиот тертип, по истиот принцип, по истиот пра-стар метод. И ти, и тој, сте поминале низ истиот процес на иницијација и делите ист концепт. Таа врска е многу битна. Таа врска создава доверба. Едно систкање на раката и тој човек мене ми станува брат. Не симболички брат... туку вистински!
Ова многу пати сум го доживеал - од бизнис соработка со браќа по цел свет, кои никогаш не сум ги сретнал, а со кои понекогаш дури ни договор не потпишувам, затоа што сметаме дека е доволно што сме дале збор дека нештото ќе биде направено, па до лична средба неодамна во Скопје, со брат кој се погрижи за мене далеку подобро отколку што можев да се надевам и очекувам и кој за мене е поим за масон.
Тоа е "моќта" на масонеријата. Не затоа што е нешто којзнае колку конспиративно или мистично... а затоа што речиси никогаш не се случува надвор од тој наш круг. Кога последен пат сте имале доверба во некој сосема непознат човек? Кога последен пат вие сте постапиле кон сосема непознат, како да е дел од вашето непосредно семејство? Не велам дека не се случува, но е толку ретко, што е ислучок, додека кај нас е правило, а исклучок е непостапувањето по тој принцип.
(продолжува)

 

[Тапетарот Петар]

...За време на втората светска војна, стотици илјади луѓе се осудени заради членување во ложа или за врски со масонерија (прилично апсурдно обвинување, но само во Шпанија над 80,000 лица се ликвидирани под тоа обвинување, а имало само 5,000 масони во земјата пред да дојде Франко). По војната, во комунистичките држави, следува речиси иста судбина, што уште повеќе ја зацврстува потребата од тајност. Таа тајност се манифестира преку неекспонирање на местата за состаноци во некои земји, или пак во зголемени мерки за безбедност за истите во други земји (како на пример Турција, каде што мора со вооружено обезбедување да се чува зградата во Истанбул, заради двата терористички напади врз неа)...

Во СССР да, но во останатите комунистички земји не било така. Масоните во повоена Југославија (после 1945) биле многу удобно позиционирани. Иако ложите биле угаснати, предвоените масони (на чело со Јосип Броз) се нашле во самите врвови на власта и општествениот живот. Самиот врв на комунистичката „елита“ го сочинувале предвоени масони: Едвард Кардељ, Стево Крајачиќ, Моша Пијаде, Иван Рибар, Владислав Рибникар, Коча Поповиќ, Владимир Велебит, Димитар Влахов, браќата Поздерац, Мирослав Крлежа, Иво Андриќ, Иван Мештровиќ... Масоните биле и на раководни функции во академските кругови (Александар Белиќ, Александар Дероко, Виктор Новак, Борислав Пекиќ, Милорад Павиќ...) Во Полска, Чехословачка и Унгарија ситуацијата била доста слична. Куба е единствената комунистичка земја во која масонеријата воопшто не згаснала благодарение на братот на Фидел, Раул Кастро кој бил масон. Кубанските ложи функционираат непрекинато до ден денес. Освен во СССР, бившите масони немале голем зијан од комунизмот -- напротив, раководеле со комунистичките влади, академии и јавни институции.

 

[zidarski]

- Злоупотреби во масонеријата
Претходното прашање, неизбежно ја отвора темата за злоупотребите во масонеријата. Би било смешно да се тврди дека нема такви обиди, затоа што повеќето се добро документирани и јавно експонирани. Секогаш, во секој еден систем, ќе се случи да влезат погрешни луѓе. Дали затоа што ќе го поминат долгиот процес на истрага без да се покажат во вистинско светло, или затоа што со текот на времето ќе се променат како луѓе - не е битно. Секогаш и секаде ќе има по некое скапано јаболко... Има доволно примери - од Џели во Италија, до претходниот Голем Мајстор на Франција - но ниту еден од нив не успеал да злоупотреби со масонеријата, а напротив, бил исфрлен од самиот систем во моментот во кој се случила таа злоупотреба. Почнувајќи од поединечни членови кои сакаат да злоупотребат со лични контакти за бизнис или друга некаква корист - и завршуваат или тргнати настрана или исклучени целосно, преку мајстори на ложи кои целата ложа ја имаат претворено во бизнис круг (како Џели во Италија) - која повторно завршува со тоа што целата ложа е исклучена од масонеријата, па до Големата Ложа на Франција која неадекватно постапи на извештаите за злоупотреба од страна на нејзиниот Голем Мајстор, па беше целосно исклучена од меѓународното братство. Ниту еден од тие случаи, не успеал реално да злоупотреби со масонеријата, да ја заврти во своја корист, да ја промени во нешто што не е. Системот реагира на време и ги исклучува од братството, со соодветна процедура и по одредени правила. Нема исклучоци, некаде е побрзо, некаде е побавно - но на крај, секогаш правилата преовладуваат и секој си ги сноси своите последици за нивното непочитување.
--- надополнето: 20 март 2013 во 21:11 ---

Во СССР да, но во останатите комунистички земји не било така. Масоните во повоена Југославија (после 1945) биле многу удобно позиционирани. Иако ложите биле угаснати, предвоените масони (начело со Јосип Броз) се нашле во самите врвови на власта и општествениот живот. Самиот врв на комунистичката „елита“ го сочинувале предвоени масони: Едвард Кардељ, Стево Крајачиќ, Моша Пијаде, Иван Рибар, Владислав Рибникар, Коча Поповиќ, Владимир Велебит, Димитар Влахов, браќата Поздерац, Мирослав Крлежа, Иво Андриќ, Иван Мештровиќ... Масоните биле и на раководни функции во академските кругови (Александар Белиќ, Александар Дероко, Виктор Новак, Борислав Пекиќ, Милорад Павиќ...) Во Полска, Чехословачка и Унгарија ситуацијата била доста слична. Куба е единствената комунистичка земја во која масонеријата воопшто не згаснала благодарение на братот на Фидел, Раул Кастро кој бил масон. Кубанските ложи функционираат непрекинато до ден денес. Освен во СССР, бившите масони немале голем зијан од комунизмот -- напротив, раководеле со комунистичките влади, академии и јавни институции.

Југославија е интересен исклучок во однос на прогонот на масоните - затоа што официјалниот став на раководството е дека "целта на масонеријата е создавање на поусовршено општество; бидејќи ние создадовме најсовршена форма на општество, масонеријата нема потреба да постои". Ова се појавува (се разбира, малку парафразирам, не можам да цитирам точно) дури и во некои енциклопедиски изданија во СФРЈ.
Другите земји, не се точен пример... Во Чешка, има масони во раководството до 48-ма година, за потоа повеќето од нив да бидат жестоко прогонувани. Во Бугарија, Романија, Унгарија - се случува многу сериозен прогон и речиси сите поминуваат по некоја година во логор (во Унгарија масонеријата е згасната доста пред војната!). Во Полска многу масони се депортирани во руски логори, заради учество во анти-руско движење по војната.
Куба е вистински исклучок - имам пишувано доста за тоа, иако и таму многу пати кога има рации за проверка на анти-комунистички активности, први на удар се масонските ложи.
--- надополнето: 20 март 2013 во 21:12 ---

за масоните се знае скоро све,освен што прават оние од врвот,дали е тоа што го прокламираат или имаат некои други агенди.
јавното делување е сосема ОК,прашање е дали постои и нешто друго зад параванот

И како тоа да се објасни? Да се отворат вратите на состаноците, само за јавноста да биде убедена во спротивното?! Ако го направиме тоа, тогаш ќе стане бесмислен процесот на иницијација кој го имаме со векови.
--- надополнето: 20 март 2013 во 21:13 ---
Сакав уште нешто да пишам во врска со разговорите во видеото... ама ми избега мислата...

 

[Тапетарот Петар]

Куба е вистински исклучок - имам пишувано доста за тоа, иако и таму многу пати кога има рации за проверка на анти-комунистички активности, први на удар се масонските ложи.

Од кого рации? Од Кастро? Колку кубански масони имале проблем, биле отпуштени, малтретирани, или ликвидирани? Ако нема, батали рекла-казала плачки.

За злоупотребите на масоните, спинуваш по којзнае кој пат. Масоните злоупотребиле позиции, ама масонеријата останала негибната. Мижи Асан да ти баам.