Вака-така стигнавме до полуфиналето. Ќе пробам да дадам еден краток осврт на сезоната од моја гледна точка и да се обидам да предвидам како ќе заврши сезоната. Според мене,најквалитетните 4 екипи заслужено одат во полуфиналето. МЗТ,Работнички,Куманово и Фени.
Од првата позиција ќе тргне МЗТ,кој успеа некако да се консолидира по очајниот почеток на сезоната. На почетокот на сезоната сакаа што помалце средства да трошат,на крај потрошија средства колку за 2 сезони. Сменија 5 тренери(Сагадин,Врба,Митев,Јончевски и конечно Пипан),преку 10 играчи продефилираа(почнувајќи од тој црнецот шо се степа со Сагадин,Маринковиќ, Моровиќ,Демјуник,Диксон,Цинцаѕе,Зивчевиќ..Шековиќ и Самарџиски дојдоа на сред сезона,Чапин,Мијатовиќ и Синовец при крајот). Сепак се актуелни шампиони и сеуште фаворити. Мислам дека се исклучително квалитетни,но дека кај нив владее доста лоша атмосфера во и околу тимот,што се потврди само со бојкотот на нивните навивачи.
Нивен противник ќе биде екипата на Фени. Бидејќи ги пратам од самиот почеток како КК Фени(2005/06 сезона) можам слободно да кажам дека како што ни се погодија странците оваа сезона,се немаат никогаш пред тоа погодено. Слободно можам да кажам дека Амонс,Кемп,Враговиќ и Вуд се веројатно најквалитетни странци во моментов во лигава. За разлика од странците,домашните играчи ни се мувли невидени. Зимото останавме без Гајовиќ кој беше еден од играчите врз кој се градеше целата игра,на негово место дојде Буљан врз кој што требаше да се базира играта и лани беше најдобар странец во Словенечка лига,играше во Крка кај Џикиќ,ама типот излезе хроничен алкохоличар па по 3 утакмици си ги спакува куферите и си отиде. Можам да кажам дека во тимот владее одлична атмосфера,играчите се вклопија одлично,меѓутоа предводникот и клупата ни се слаби страни. Сепак,сите играчи се доста мотивирани реално,Кемп и Амонс му е прво искуство во Европа и по периодот на адаптација сакаат да се покажат во што подобро светло,Враговиќ е можеби најдобар шутер во лигата,Машиќ по почетните слаби партии полека покажува да се покажува во подобро светло. Ќе видиме,МЗТ е фаворит но не би ги отпишал Фени пред време.
Работнички игра против Куманово во второто полуфинале. По почетната фуриозна серија,полека почнува да ги фаќа заморот Работнички. Се работи за ОДЛИЧНА шутерска екипа,која што може да распали од секоја позиција и да погоди 10 тројки без проблем во една утакмица. Имаат квалитетни,искусни играчи на секоја позиција,почнувајќи од Гечевски,Чековски,Соколов, Мираковски,Павковиќ...солидна клупа со Димчевки,Јане Петровски,Бјелиќ и новото засилување Ѓурковиќ. Сепак староста на играчите може да се прикаже како клучна слабост. Просекот им е преку 30 години,немаат веќе сила да издржат и затоа бевме сведоци колку паднаа во вториот дел од сезоната(а и во натпреварите е така,најчесто одлично играат прво полувреме,за во второ полувреме и посебно последна четвртина да неможат веќе да стојат на нозе и да шутираат од каде му дојде,така беше барем со Фени на двете утакмици одиграни во Кавадарци).
Нивен противник во финалето-Куманово. Нема што да се каже посебно за нив,најжешок терен во МКД дефинитивно и го имаат можеби најдоброто пик-ен-рол дуо во МКД-Костовски и Луковиќ. Се засилија со Караџовски од Фени(тој може и лошо да влијае во овој дел,типот едноставно има негативна аура и секаде прави проблеми). Мандиќ исто би го потенцирал како играч кој што ако му фати шут може да те растури,но некогаш знае и да префорсира па да шутира иако не му иде. Слабост би ја потенцирал слабата клупа и немањето на одговорност во клучни моменти,односно може да се случи Курчо да почне да си шутира од 8 метри или Мандиќ да оди на сила. Сепак,мислам дека имаат добри шанси да поминат во финале.
Мои типови:
Фени-МЗТ: Реално гледано 2:1 за МЗТ,навивачки гледано 2:0 за Фени
Работнички-Куманово 2:1 за Работнички,но не исклучувам и Куманово да помине...Многу зависат првите утакмици,како ќе се покажат во нив екипите ќе биде клучно за серијата. Мислам дека кој ќе ги добие првите натпревари ќе оди во финале. Со среќа,па нека поминат најдобрите(едните се надевам Фени ќе бидат,другите небитни)
