„Јужен тек“ свртува кон Македонија
Меѓувладината Македонско-руска комисија за трговско-економска и научно-техничка соработка денеска во Нижни Новогород ја одржува 6. пленарна седица, со фокус на соработката во енергетиката.
Покрај вчера потпишаниот Меморандум за соработка со „Стројтрансгас“ за изградба на гасводната мрежа во Македонија, тема ќе биде и нацрт спогодбата меѓу Владата на Република Македонија и Владата на Руската Федерација за соработка при изградба на гасоводна инфраструктура за испорака на гас во Македонија со „Газпром“.
Приклучувањето на Македонија во „Јужен поток“ беше официјализирано при последната посета на владината делегација предводена од премиерот Никола Груевски на Русија пред 10-тина дена. Договорот се очекува официјано да биде потпишан за неколку месеци. Плановите се градбата на „Јужен поток“ да почне во декември годинава во Русија во деловите каде ќе бидат изворите на гас и постепено до крајот на 2015 година да заврши комплетно. „Јужен поток“ кој има два крака од Русија низ Бугарија, Србија, Хрватска, Словенија и Австралија и вториот преку Грција и Албанија до Италија. За Македонија ќе биде пуштен крак кој засега не е утврдено дали ќе биде од Грција или од Србија. Приклучувањето на Македонија во овој проект е од интерес за граѓаните и компаниите во Македонија како и за ширење на пазарот на руската компанија. Ова ја отвора можноста и за донесување одлука за изградба на нови производствени блокови во ТЕЦ Неготино и ПГС Скопје.
Комисијата ќе утврди заклуцоци за развој на трговско економската соработка меѓу Македонија и Русија, како и на соработката во индустријата, транспортот, земјоделството, образованието, науката и туризмот. Копретседатели на Комисијата се македонскиот вицепремиер и министер за финансии Зоран Ставрески и заменик министерот за регионален развој на Руската Федерација Максим Травников.
Ај белким конечно стварно ќе биде нешто од гасификација на државава.