ВМРО-КАЈГАНЏИСКА е партија која цврсто ќе застане во зачувувањето на македонското национално ткиво и единство, партија која никогаш нема да ја изневери пролеаната крв впиена во ова парче земја за која гинеле нашите предци, неуморно водејќи битка со надворешните окупатори и внатрешните кодоши и шпиони.
Оваа партија застанува строго зад сите македонски дејци кои ги положија животите за самостојна, слободна и самоуверена Македонија. Ќе застанеме строго против сите надворешни крвопијци и внатрешни испукани чаури за туѓи интереси!
Наша главна цел е подобрување на животниот стандард на сите кајгана членови без исклучок, независно од нивната политичка, верска, етничка, етичка музичка и културолошка припадност.
Ќе се залагаме за воведување на бесплатно црно и бело вино кои ќе течат од чешмите на сите домаќинства. Ако некој сака пиво, ќе воведеме субвенции по најповолна цена за набавка на чешми и цевки низ кои ќе тече високо квалитетно пиво. Не ветуваме бесплатно пиво затоа што сакаме да изградиме згодна нација, а од пивото се зголемува стомакот, токму затоа, да внимаваме на изгледот.
Еднаш во годината, на сметка на буџетот, секоја фамилија преку кајгана членот како непосреден преставник од фамилијата која е љубител на месо и скара, ќе добие прасе од 50 до 60 кила (во зависност од вкупната тежина на членовите од фамилијата). За вегетаријанците, ќе следува нешто многу вкусно и примамливо за кое дополнително ќе треба да одлучиме.
Што се однесува до културата и промената на културната матрица, секој четврток лицата на возраст од 10 до 100 години ќе може да гледаат бесплатно во сите кина ширум земјата филмови од европската кинематографија како на Херцог, Тарковски, Бергман, за да се едуцираат и попримат малку од културата за која сметаме дека има поголема вредност. Воедно ќе отвориме и дебатни клубови во кои после презентација на филмот ќе се дискутира кроз кикиритки и сок. Алкохол таму нема, да не дојди до несакани последици, ако некој го трогнал пример филмот, а друг фати да го хејта неосновано оти не го сфатил.
Еднаш на три месеци исто на сметка на буџетот, ќе носиме светски ѕвезди со кои ќе парираме на партијата на Рики, за да го разбиеме турбофолкот, и останатиот светски шунд. Први на листата се Radiohead, втори Porcupine Tree, трети NIN. Во понатамошниот период ќе се обидеме да донесеме бендови како The National, Editors, Tool. Исто така, многу битно, по завршување на концертот, 100 лица по случаен избор ќе се дружат со членовите од бендот позади сцената, во хотел кој планираме да го изградиме во наредниот период.
Ќе отвориме и најмодерни видеотеки во кои лицата кои не знаат да симнуваат филмови, ќе може со обичен USB стик да тркнат и да им биде префрлен филмот кој го бараат во квалитет по нивна желба. Трошоците за пиратерија и слично ќе се подмируваат со средствата фрлени за глупи блокбастери чии влезници ќе чинат и до 800 денари за 3D.
Oва се во кратки црти основните точки од нашата програма која дополнително ќе биде разработена, елаборирана и јавно и транспарентно застапувана, по што ќе следува отчет за сработеното.
@Inglourious Basterd @wot @Brutus @beaverknight @Коловрт @Andrew @Ireal @Ѓорѓи Н.
