Мене нерешениов исход со Сити ми е рамен на пораз. Гледам вие различно, Мурињовски размислувате. Мурињо мора да си најде алиби, вие како фанови не, но добро...
Зошто? Стемфорд Бриџ. Сме победувале екипи како Сити, а и нив самите, со многу послаб тим и многу послаба форма. И секогаш на овој стадион сме оделе на победа без разлика на противникот. Една Барселона доаѓаше овде во 2009, па ги нападнавме со сите сили, не па ваков Сити. Послаб од кога и да е. Добро, не послаб сигурно од времето на Милс и Васел.
Мислев дека Мурињо и оди на победа, по малку и наивно, но кога видов дека влегува Кејхил, а не Изи Браун или Аке тогаш ми стана се јасно. Мурињо одел на нерешено. Сум го оправдувал често кога одел на оваа варијанта на тешки гостувања, денес не. Со овој тим ваков би рекол кукавички пристап...
Ако веќе барам кривица минимална кај Мурињо, ќе речам вака. Преголемата доверба во некои играчи. Поточно Ивановиќ и Оскар
Ивановиќ уште лани против Свонси во Лига Купот, некако ја најави лошата сезона која му претстоеше. Директен кривец за испаѓањето тогаш. Сезонава лош. Бледа сенка од она што беше Бане во изминативе сезони. Во напад просечен. Без таа силина и продорност, малку успешни центаршутеви и загубени топки. Во одбрана многу лош. Денес конкретно во неколку наврати беше заспан, дига раце горе додека тече акција на Сити, се расправа со судијата, остава премногу простор, а замислете против себе има противник како Милнер. Локум за секој дефанзивец.
Неговите игри Мурињо не ги казнува, курбан падна Кејхил. Заслужено, но и по вина на неговиот колега.
Се надевам дека кога ќе се врати Луис, Азпи ќе оди на десен, а Филипе на лев бек. Така ќе ја стабилизираме задната линија.
Оскар, ех Оскар.
Игра на можеби најзначајната позиција во тимот. Треба да разигрува, да асистира, да биде креативен и да постигнува голови. Тој тоа не го прави, или пак го прави многу ретко.
Не е константен, еден натпревар добар, четири лоши. Особено е анемичен против големи екипи. Освен таа фамозна утакмица со Јуве, на ниедна досега не изиграл на ниво против голем тим.
Трета сезона му е во Челзи, фаќа добар залет секогаш на почеток од сезона, па после запира. Па некаде во април се враќа во нормала. Тоа се големи успони и падови. Особено тоа не може да си го дозволи тим како Челзи што атакува на четири фронта.
Не е лош, солиден играч е. Ама мислам дека никогаш нема да биде нешто посебно. Во ред, ќе кажеме дека е борбен, трча, се труди, тоа исклучително го ценам, но сепак тоа не е доволно за во ваков клуб.
Сега откако ќе дојде Квадрадо, сакам почесто да го гледам Вилиан на позицијата од Оскар, Квадрадо десно, а Хазард лево. Тоа со послаби тимови. Со посилни може 4-3-3 со Рамирес, Фабрегас и Матиќ и Коста, Квадрадо и Хазард.
Да не биде дека само критикувам. Денес човек на натпреварор беше Зума. Се посигурен е во одбрана, расчистува, добива дуели. Особено ме израдува оној со Агуеро, кога чисто со клизачи му ја тргна топката од нога. Прави грешки, но сепак е многу млад. Да го подобри позиционирањето и ќе биде супер. А и искуството со Тери ќе му биде и те како драгоцено во иднина.
Секако Реми. Супер замена за Коста, не се ни сомневав. Рационално, без комплицирање, без потег повеќе. Одличен и во игра со топка и без неа. Прави притисок на дефанзивци. Дефинитивно треба да добива поголема минутажа.
Вилиан и Рамирес солидни. Првиов многу посигурно од претходно, вториов многу посигурна игра во дефанзива. Ваков Рамирес ќе ни треба, долга е сезонава.
Последната позитивна работа е тоа што и со ваква игра не сме поразени. И тоа против екипи како Ливерпул и Сити.
Од ова полошо не може. Верувам дека ќе ја вратат онаа игра што сите ја знаеме, особено сега пред традиционалното незгодно гостување кај Вила. Имаат и недела дена пауза која одлично ќе им дојде. Ако не, не се пишува добро. Ма да ова го напишав поради драматичност, сигурно дека ќе успејат да се спојат со топката тогаш и дека ќе шутнат во гол повеќе од еднаш.